Udako opor hauetan ez dira gutxi izango Andaluziako eguzki eta ur epel bila doazen euskal herritarrak. Kontrako bidea egin zuen Ana Geranios (San Pedro Alcántara, Andaluzia, Espainia, 1988) kazetari eta idazleak martxo amaieran, Euskal Herrira etorri baitzen Costa del Sol-en jasaten dituzten turismoaren ondorioak azaltzera eta zerbitzarien prekaritateaz ohartaraztera: “Ostalaritzaren gaitza da zure bizitza eta denbora librea turismoaren eskaeraren menpe daudela”.