Ikasleen fitxak biltzen dituen Andaluziako sistema informatikoak aukera berri bat jarri du martxan: sexu identitatea aldatzeko bidean diren ikasleek jaio zireneko izena eta sexua jartzeaz gain, identitate berriari dagozkion izena eta sexua jarri ahalko dute, eta identitate berri hori erabiliko da erregistro, funtzio eta agiri guztietan. Uneotan, 250 ikaslek baino gehiagok baliatuko dute aukera hau Andaluzian.

Irailaren 9ko goizaldean uko egin zion jateari eta kanpoarekin inolako komunikaziorik edukitzeari eta geroztik 50 egin ditu borroka horretan Iñaki Bilbao Goikoetxea euskal preso politikoak Puerto de Santa Mariako Puerto III espetxean. Bi aldiz atera dute presondegitik epaileen aginduz ospitalera eramateko eta azken albisteek diotenez Puerto Realeko ospilatean daukate, derrigorrean elikatuta. Euskal Herriko zenbait herritan mobilizazioak daude deituta ondoko egunetarako presoarekiko... [+]

Asteazkenean Andaluziako Puerto III espetxetik atera eta ospitalera eraman zuten Iñaki Bilbao Goikoetxea Txikito eta derrigorrez elikatu dutela jakinarazi du Amnistiaren Aldeko Mugimenduak.

Etxerat elkarteak jakinarazi duenez, asteazken goizean Kordobako espetxetik libre irten da Iñaki Alonso euskal preso politikoa. Portugaleten sortua, 25 urte eman ditu preso, beti ere Euskal Herritik urruti. Hamalau urte Herrerako kartzelan eman ditu eta beste hamar Cordoban, eta larrutik ordaindu du bere familiak.

Altsasuko gazteei babesa erakusteko kamiseta bat janzteagatik zigortu du Granada futbol taldeak Unai Etxeberria atezain getxoztarra. VOXek eskatutakoa bete du Granada FC-k eta diziplina-espedientea ireki dio.

Etxean lixibarekin izandako istripu kopuruak gora egin du konfinamendua hasi zenetik. Euskal Herriko herri askotan garbitzaileak ari dira kaleak lixibarekin desinfektatzen eta hala ibili dira Espainiako Armadako kideak ere. Koronabirusari aurre egiteko balioko duelakoan, dena lixibatik pasarazteko moda nora eta hondartzara ere eraman dute Andaluzian.

Ondasun Higiezinen Zergaren fakturak kobratuko dizkio Eliza katolikoari gurtzarako ez dituen lokalengatik, hala nola, etxebizitza, garaje eta bestelako lokalengatik. Neurri horretatik kanpo geratuko dira gurtzarako eta hezkuntzarako dituen higiezinak, hau da, parrokiak, elizak eta ikastetxeak.

Kalitate handieneko pasta egiten du neba Igorrekin batera Andaluzian. Ez da nolanahiko asmoa: artisaua behar du pastak, ekologikoa errotak, tradizionala zerealak. Has eta buru, neba-arrebek zuzentzen dute prozesu osoa, hazitik dendarainokoa. 2014an hasi ziren oinez, eta nahiz makurka eta poliki hasieran, zutik dabiltza orain.

EhuGune eta Ongi Etorri Errefuxiatuak eragileek gonbidatuta Bilbon izan da Helena Maleno (1970, El Ejido, Andaluzia), Vida en la necrofrontera [Bizitza nekromugan] txostena aurkezten. Kazetari, ikerlari eta, batez ere, giza eskubideen defendatzaile andaluziarra Marokon bizi da. Bi urteko lanak ahotsa eman die itsasoko bidea eginda bizirik atera diren kideei (hitz horixe darabil Malenok) eta euren senideei, mugek eragin dieten erresistentzia estrategiak konta ditzaten.

PP, Ciudadanos eta VOX alderdiek Andaluziako 2019-2020 aurrekontuei begira adostu duten programan azaltzen da "1492: mundu berri bat" ekimena. "Amerikako aurkikuntzari eta ondoren egindako beste balentriei –munduari bira ematea kasu–", garrantzia emateko sortua da, horiek "Espainiako historiaren giltzarri" direlako ultraeskuindarren iritziz.