COVID-19a iritsi aurretik ere, Hego Euskal Herrian 138.901 lagun pobrezia egoera larrian bizi ziren
Pobreziaren Aurkako Sare Europarraren arabera, Hego Euskal Herriko biztanleen %4,8a pobrezia egoera larrian aurkitzen zen 2018. urte amaierarako. COVID-19ak eragindako krisi ekonomikoaren aurretik ere milaka lagun bizitzen ari ziren egoera lazgarria erakusten du argitara eman den txostenak.
Pobreziaren Aurkako Sare Europarrak argitaratutako txosten baten arabera, Hego Euskal Herriko 2.846.642 biztanleen %4,8a pobrezia egoera larrian zegoen 2018. urtean, 138.901 lagun gutxienez.
Instituzioek pertsona horien “ia %100ari diru-laguntzak luzatu zizkietela” azaltzen du informeak, baina prestazio horiek asko jota 300 bat eurokoak izan zirela zehazten da aurrerago. 2018an Pobreziaren Muga 12.401,39 eurotan ezarri zuen Elkartzenek Hego Euskal Herrian, hileroko 1.033,44 euroko kopuruan, zehazki. Hori gutxi balitz, ustezko %100eko estaldura zifrak Txertatze Sozialerako Errenta eskatu eta jaso zutenei baino ez die egiten erreferentzia, pobrezia egoera larrienean daudenei, alegia.
2019. urteko datuak ikuspegi orokorragotik begiratuta bestelakoak dira emaitzak. Eusko Jaurlaritzaren Pobrezia eta Desberdintasunei buruzko Inkestak azaltzen duenez, 194.060 pertsona bizi ziren pobrezia egoeran edota horretarako arriskuan. Horien artean, Diru-Sarrerak Bermatzeko Errenta, Txertatze Sozialerako Errenta edo bestelakoak jasotzen ez zituztenak orotara milaka izan zirela aitortzen dute; EAEn soilik, 60.000 lagun gertatu ziren babes-sistematik kanpo.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]