1990an, Baionan, 12 urte zituen biktimaren kontra “limurkeriazko atentatua” burutzeagatik joango da auzitara apaiza. Samuel Vuelta Simon Baionako prokuradoreak jarri zuen akusaziopean 2016ko apirilean, eta ekainean Baionako Instrukzio Epaitegiak hartu zuen auzia bere gain. Sarramagnan aske baina kontrol judizialpean dago ordutik Tournay herriko abadian.

Apaizak berak onartu ditu gertakariak, eta garai hartan Baionako apezpikua zen Pierre Molères eta egungo Baionako apezpikua den Marc Aillet-ek adierazi dute beraiek ere gertakarien berri bazutela, nahiz eta hauek isilean gorde. Baionako prokuradoreak ez du jakinarazi, ordea, egungo apezpikua auzipeturik dagoen ala ez.

2007an neska gazte batek ere antzerako salaketa bat jarri zuen, zeinari ez zitzaion jarraipenik eman. Auziak salaketa hau mahaigaineratuko duen ere ez du argitu prokuradoreak.