1.139 neska ablazio arriskuan Hego Euskal Herrian
Hego Euskal Herrian 1.139 neska genital mozketa sufritzeko arriskuan dira ikerketa baten arabera. 14 urteko gazteak dira, ablazioa praktikatzen jarraitzen duten Saharaz hegoaldeko herrialdeetatik etorri diren adingabekoak.
Ikerketa Bartzelonako Unibertsitate Autonomoko (UAB) antropologia sozial eta kulturalaren sailak eta Wassu Gambia Kafo GKEak landu dute. Emaitzak diotenez, 17.000 neska baino gehiago arriskuan daude Espainiar Estatuan eta 2008tik hona %60ean hazi da praktika honen arriskua neska gazteetan.
Adriana Kaplan txostenaren koordinatzaileak Hego Euskal Herriko egoera nabarmendu du. Hemengo neskatoek sufritzen duten arriskua ia %200 hazi dela azpimarratu du, eta aipamen berezia behar duela esan du, praktika hauen prebentziorako martxan jarri duten politika goiztiarrarengatik eta kontuak duen arriskuaz jabetzeagatik: “Politikariei atentzio dei bat eman behar zaie elkarlan kontziente eta zorrotz bat martxan jartzeko, trauma hau larria dela konturatzeko eta hartara gizarte langileei heziketa eskaintzeko”.
Saharaz hegoaldeko gutxienez hogei herrialdetan ablazio praktiken erritua ohitura da oraindik. Mali, Ginea eta Sierra Leonan, mota honetako ebakitzeak %90 baino altuagoak dira. Txostenaren arabera, emakume somaliarren %98k ablazioa sufritzen du gaur egun.
Migrazio-lekualdatzeen ondorioz, ablazioa praktikatzen den herrialdeetatik datozen emakumeen kopurua %40ean hazi da azkeneko aldian. “Migrazioen bitartez euren praktika tradizionalak ekipaje pertsonala bezala ekartzen dituzte”.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]