ARGIA.eus

2022ko urtarrilaren 22a

1.027 kutsatu berri Hego Euskal Herrian, horietatik 175 Tuterako Uvesa enpresan

  • Orain arte pandemia garaian izan den kutsatu kopururik handiena da Hegoaldean eta Nafarroan kutsatu kopurua bikoiztu egin da, Tuterako oilasko enpresan izandako kutsatze masiboagatik.

ARGIA @argia
2020ko abuztuaren 28a
Uvesako langilean lanean. (Arg.: Diario de Noticias)

Joan den asteburuan dagoeneko 22 kutsatu zehaztu zituzten Uvesan eta, horren ondorioz, 640 langileri PCR frogak egin dizkiete. Ondorioz 175 langilek positibo eman du, egindako testen %27. Horrela bada, asteburukoak kontatuta, kutsatuak 197 dira, 713 langileko enpresan.

Sindikatuek aspaldi ari ziren salatzen enpresan ez zirela behar haina babes neurri, besteak beste, ELAk salatu duenez: “Hiltegiaren lan baldintzen ezaugarriek eta bertako tenperaturek baldintza egokiak sortzen dituzte birusaren hedapenerako, munduan enpresak dituen beste lantoki batzuetako kutsatzeek hala erakutsi dute”. Sindikatuak lehenago ere eskatu zuen PCR frogak egitea baina enpresak ez zela beharrezkoa erantzun zion. CCOO sindikatuak ere enpresaren ardura salatu du, aldez aurretik behin baino arriskuez jakinarazi dutela gogoraraziz.

Tuterako Uvesak COVID-19aren Aurkako Eremu Segurua zigilua badu ere, bi sindikatuak agertu dira enpresa behin-behinekoz ixtearen alde; Nafarroako Gobernuko ordezkariek ere ez dute itxiera baztertzen eta ostiral honetan aztertuko dute neurria enpresako arduradunekin batera Tuteran bertan. Kutsatutako langile guztiak itxialdian dira dagoeneko eta enpresak jakinarazi duenez, “asintomatikoak dira”.

Berria-k argitaratu duenez,herrialdeka, Bizkaian, 365 kutsatze kasu izan dira, Nafarroan 253, Gipuzkoan 243, eta Araban 131. Datuen artean nabarmendu behar da, egunkariak dioenez, azken zazpi egunetan 1.124 kasu atzeman dituztela Gipuzkoan, aurreko astean detektatu zirenak halako bi. Ospitaleratzeek ere gora egin dute nabarmen: 312 gaixo daude hegoaldeko erietxeetan, horietatik 39 Zainketa Intentsiboko Unitateetan. Azken sei egunetan EAEn bederatzi egoiliar hil dira, azkena Zuian (Araba).

Gaueko aretoek itxita jarraituko dute

Hori da EAEko Auzitegi Gorenaren Opor Salak erabaki duena, gaueko aisialdiko taberna eta diskotekek itxita jarraituko dutela. Sektoreko hainbat eragilek jarritako helegiteari erantzun dio horrela auzitegiak, eta ebazpena emateko oinarritu da abuztuaren 25ean Osasun Saileko zuzendariak argitara emandako txostenean, non zehazten ziren “pertsona multzo esanguratsuen batzeak eragindako” kutsadura foko ugari. Neurria abuztuaren 19an agindu zuen Nekane Murga Jaurlaritzako Osasun sailburuak, baina azken hitza udalen eskuetan geratuko da, gauez jarduteko debekuaren ondoren, hauek erabaki ahalko dutelako ea areto hauek egunez zabaltzeko aukerarik izango duten.

Kanal hauetan artxibatua: Koronabirusa  |  Tutera

Koronabirusa kanaletik interesatuko zaizu...
2022-01-21 | Leire Artola Arin
Maskara ez da derrigorrezkoa izango aire librean Ipar Euskal Herrian

Otsailaren 2tik aurrera arinduko dira hainbat neurri. Jean Castex Frantziako lehen ministroak jakinarazi du telelana “derrigorrezko” izatetik “gomendagarri” izatera pasatuko dela, eta ez dela edukiera murrizturik egongo kultur eta kirol ekitaldietan... [+]


Eskoletako irakasle eta langileak, "nazkatuta"

Gero eta gehiago dira ikastetxeetako egoera salatzen duten ahotsak: pandemia kudeatzeko dituzten lan-karga eta ardurak, baliabide falta, protokoloekiko zalantzak eta egoerarekiko kezka azaleratu dituzte.


2022-01-20 | ARGIA
Zahar etxeetako zenbait neurri arindu dituzte Araba, Bizkaia eta Gipuzkoan

Positibo ematen duten egoiliarren bakartze aldia hamar egunetik zazpi egunera murriztu dute, baldintza pean. Bisitei dagokionez, txertatutako kontaktu estuak eguneko zentroetara joaten ahalko dira. Azken datuen arabera, Arabako, Bizkaiko eta Gipuzkoako zahar etxeetan gutxienez... [+]


2022-01-19 | Leire Artola Arin
Kantabrian ez dute COVID pasaportea eskatu beharko aurrerantzean

“Jada helburuak betetzen ez dituelako”, horixe izan da ziurtagiria kentzeko Osasun kontseilariak emandako arrazoia. Urtarrilaren 18tik herritarrek ez dute COVID pasaporterik aurkeztu beharko ostalaritzako eta aisialdiko eremu itxietan.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude