10.000 lagunez gora batu dira Baionan, erretreten erreforma “bidegabearen” gaitzesteko
Ostegun arratsaldean elkartu dira grebalariak Baionako Lan Burtsan, mobilizazioari eman beharreko segida adosteko. Frantziako Estatu mailan, 18:00tan batuko dira erabaki estatala adosteko. Langileriaren sindikatu guztiek deitu dute gaurko protestara: CGT, FO, CFE-CGC, CFTC, Unsa, FSU, Solidaires baita CFDT ere. Ipar Euskal Herriari dagokionez, LAB eta ELB sindikatuek ere bat egin dute greba deialdiarekin. Greba mugimendua jarraitua izan da, eta irakaskuntzan zein garraioetan sentitu da gehien.
Sindikatuek finkaturiko hitzordura jendetza batu dela erran daiteke, ikusirik elur ala euri-erauntsiak nagusi direla Zuberoan, Baxenabarre eta Lapurdin barna. 10.000 lagun baino gehiago elkartu dira Baionan, Frantziako Gobernuak xede duen erretreten erreforma salatzeko. Erretiratzeko adina 62 urtetatik 64ra atzeratzea dakar lege-proiektuak, eta pentsio osoa jaso ahal izateko kotizatu beharreko tartearen luzatzea ere: urte bat gehiago kotizatu beharko da, hots, 43 urte. Bi neurri horiek progresiboki jarriko dituzte martxan: irailaren 1etik aitzina, urtero hiru hilabetez gibelatuko da adina, azkenean, 2030erako 64 urtera heldu arte; eta 43 urtez kotizatzearena 2027rako izango da. Erreforma "bidegabea" eta "bortitza" salatu dute aho batez langileriaren sindikatu guztiek. Lege-proiektuaren ezeztatzea arte jarraitu nahi dute borrokan eta abisua eman diete herritarrei, suprefetura aitzinetik zabaldu hitzartzean: "Mobilizazio indartsu baten hastapena dugu gaurkoa. [Frantziako] Gobernuaren postura dela eta, denboran irautea izango da garaipenaren giltza".
Gobernuarekin osaturiko elkarrizketa-mahaian "pseudo-negoziaketak" bideratze saiatzen ari direla salatzen dute Baionatik, langileen ordezkarien kezkak eta eskakizunak ez dituelako kontuan hartzen parekoak: "Guk nahi duguna da aberastasunen banaketa justuago bat, baina horrelakorik ez du bideratzen Gobernuak".
Gazteei egin diete protestari lotzeko eskaera, eta Baionan ikusi izan denez, bat egin du mobilizazioarekin gazte andanak. Ipar Euskal Herrirako datu ofizialik ez baldin bada ere, greba mugimendua gehien sentitzen ari da garraioetan, sozial eta osasun arloan zein irakaskuntzan. Hala eta guztiz ere, sektore pribatuko langileek ere erantzun diote deialdiari. Besteak beste, Baionako industria portuko enpresetako langileak ikusi dira Lapurdiko hiriburuko manifestazioan, baita barnealdetik etorritako laborariak ere.
Kezka berak dituzte guztiek: batetik, osasuntsu nahi dute bizi erretretan, eta bestetik, prekaritatearen itzala ikusten diote erreformari.
Prekarioenak kaltetuz
Herritar guztiak ez ditu berdin kaltetuko erreformak: lanean gazte hasitakoak, lan kontratu prekarioenak dauzkatenak eta emakumeak ditu lehen lerroan. Gainera, prekaritatearen emendioa ere badakarrela salatu dute Baionatik: "Langile adindunek lana aurkitzeko zailtasunak dituzte, eta lanik ezean, tarte prekarioa jasan behar izaten dute erretiratu aitzin. Prekaritate horren luzapena dakar erreformak".
55-64 urtekoen enplegu tasa %56koa da Frantziako Estatuan, Europako beste estatuetan baino anitzez apalagoa (%60,5 da Europar Batasunean) eta 60 urtetik aurrera hiru langileetatik bakarrak dauka lan kontratua –nagusiki patronalak nahiago duelako soldata altuagoak dituzten aspaldiko langileez bereizi, soldata apalagoa duten gazteenak hartzeko–. Egoeraz kontziente, neurri pare bat bideratzea du xede gobernuak, nahiz eta eragin txikia aurreikusten zaien. Demagun, oraindik goiti 1.000 langilez goragoko enpresek eta datorren urtetik aitzina 300 langileez goragokoek zehaztu beharko dute zein duten 50 urtez goitikako enplegatuen proportzioa. Zifra publiko egin beharko dute, eta horrekin nahiko, ez dira ezertara gehiago behartuak izanen.
Erreforma datorren astean aurkeztua izanen da Ministroen Kontseiluari. Bitartean, gau honetan emanen dute mobilizazioaren jarraipenaren berri sindikatuek, 18:00etan daukaten asanbladaren ondotik. Hainbat sektoretan beste bi greba deialdi aukeztuak dituzte, bata 48 ordukoa urtarrilaren 26rako, eta bestea 72 ordukoa otsailaren 6rako. Iazko urrian gertatu bezala, petrolio-findegietan ere errepikatu dezakete greba mugagabea.
Berrehun manifestazio baino gehiago
Goizean egon badira hamarnaka manifestazio, arratsaldean zehar ere badaude beste hainbeste finkaturik. Tartean, Parisekoa, zeinetan hamarnaka herritar batu diren. Une honetan istiluak izaten ari dira, eta hainbat lagun atxilotu dituzte poliziek:
Espainiako Estatuan egindako ikerketa baten arabera, erretiro-adina atzeratzeak ondorio kaltegarriak dakartza, ez bakarrik lehenago hiltzeko arriskua duen langilearentzat berarentzat, baita diru-kutxa publikoarentzat ere: 8.564 eurotan baloraturiko galera soziala izango luke... [+]
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]
Astelehenean Bilbotik eta Bergaratik abiatu dira, eta asteartean Agurainetik. Ostegunean Gasteizen batuko dira hiru mobilizazioak.
Ekainaren 8an dute erretreta adina 62 urtetik 64ra pasa duen legea ezeztatzeko ondoko aukera. Hain zuzen, Liot talde independenteak legea ezeztatzeko aurkezturiko lege-proposamena bozkatuko dute egun horretan. Ekainaren 6rako finkatu dute hamalaugarren greba eguna sindikatuek.
Erretretarako adina 62 urtetik 64 urtera atzeratzen duen erreforma pasa arren, aurkako mobilizazioek segitzen dute. Ondoko bideetatik dabiltza testu horren kontrakoak: greba eta manifestazioak; Konstituzio Kontseiluaren ezeztapenaren esperantza mehea; gobernuaren parean postura... [+]
Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]
23.000 lagun batu dira Baionan sindikatuen arabera, eta orokorki, manifestazio guzietan batu da jendetza esanguratsua –Parisen 800.000 dira une honetan, CGTren arabera–. Tonua gogortuz doa manifestarien partetik eta blokeoak eta barrikadak biderkatuz doaz azken... [+]