Pentsioak osatzea “ez da beharrezkoa” Jaurlaritzaren esanetan, eta herri ekimen legegilea eztabaidatzearen aurka egin du
Maiatzean 145.142 sinadura aurkeztu zituen Euskal Herriko Pentsiodunen Mugimenduak Gasteizko Legebiltzarrean, pentsioak gutxieneko soldatarekin parekatzeko proposamen baten alde. Pentsioak jasotzen dituzten pertsonentzako babesa “dagoeneko sisteman txertatuta” dagoela ziurtatu du Mikel Torres lehendakariordeak eta pentsionisten proposamenak “bikoiztasuna, desberdintasuna eta finantza jasangarritasun eza” ekarriko lukeela.
Astearteetako Gobernu Kontseiluaren osteko agerraldian iragarri du Jaurlaritzaren posizioa Mikel Torres bigarren lehendakariorde eta Ekonomia, Lan eta Enpleguko sailburuak. Jaurlaritzaren posizioa ez da loteslea, herri ekimen legegilea (HEL) eztabaidatu edo ez Eusko Legebiltzarrak erabakitzen baitu, baina pentsatzekoa da Jaurlaritzak ezezkoa eman ostean berdin egingo dutela EAJ eta PSE-EEko legebiltzar taldeek ere, eta gehiengoa dute legebiltzarrean.
Jaurlaritza: “koherentziaren aurkakoa”
Pentsionisten proposamena Diru Sarrerak Bermatzeko eta Inklusiorako Euskal Sistemaren “koherentziaren aurkakoa” da, Torresen esanetan. “Pentsioak jasotzen dituztenentzako babesa dagoeneko sisteman txertatuta dago eta 2008az geroztik, Euskadik diru sarrerak bermatzeko eredu propioa du, gutxieneko errenta duinak bermatzen dituena, eta pentsiodunentzako neurri espezifikoak jasotzen dituena”, ziurtatu du. 14/2022 Legeak baldintzak hobetu zituela azaldu du, eta pentsiodunak “lehentasunezko kolektibo gisa onartu”.
Euskal Herriko Pentsiodunen Mugimenduaren proposamena kritikatu du Torresek. Bere esanetan, “pentsioak banaka osatzea” planteatzen du “bizikidetza unitatearen diru sarrerak” eta “premia ekonomikoak” kontutan hartu gabe, eta horrek desberdinkeria ekarriko luke beste kolektibo “zaurgarri” batzuen aldean, “hala nola desgaitasunen bat duten pertsonen edo diru sarrera txikiak dituzten langileen kaltetan”.
Beste bi arrazoi ere eman ditu Jaurlaritzak HELaren aurka egiteko: eskumena Espainiako Gobernuarena dela, eta ekonomikoki ez dela bideragarria. “Neurriaren izaeragatik, estatuari dagokio pentsioen balizko hobekuntza orokorrak egitea, eta HEL aplikatzeak euskal finantza publikoentzako egiturazko gastu jasanezina ekarriko luke”.
Pentsionisten mugimendua: "bidezkoa" eta "egingarria"
Pentsionisten mugimenduaren HELak proposatzen du “60 urtetik gorako pertsonek oro har jasoko duten Pentsioak Osatzeko Euskal Sistema bat ezartzea, bazterkeria-arriskua prebenitzeko, bizimodu duina bermatzeko eta gizartean erabat sar daitezen sustatzeko”. Mugimenduaren kalkuluen arabera, neurriak 100.000 pentsionistari eragingo lioke, horietatik 65.000 emakumezkoak. Jaurlaritzak adierazi duenaren aurka, sinadurak aurkeztu zituen egunean bere proposamena “bidezkoa” ez ezik ekonomikoki “egingarria” ere bazela azaldu zuen mugimenduak.
Pentsio publikoak duintzeko kanpainak 145.142 sinadura bildu ditu urte hasieran abiatu zenetik, eta pentsio apalenak behintzat lanbide arteko gutxieneko soldatarekin parekatzea da helburua. EHPM Euskal Herriko Pentsiodunen Mugimenduak Eusko Legebiltzarrean erregistratu du... [+]
Euskal Herriko Pentsiodunen Mugimenduak lau hilabetetako kanpainan lortu du 140.000 herritarren babesa. Herri Ekimen Legegilea maiatzaren 15ean aurkeztuko du Eusko Legebiltzarrean. Pentsio duinak eta gutxieneko soldata besteko pentsioak eskatu ditu mugimenduak.
Euskal Herriko Pentsiodunen Mugimenduak deitutako eta ELA, LAB, ESK, CGT, CNT, STEILAS, ETXALDE eta HIRU sindikatuek babestutako manifestazioak Bilbon, Gasteizen, Donostian eta Iruñean izan dira. Bertan, Euskadiko eta Nafarroako gobernuei eskatu diete zerga eta aurrekontu... [+]
Euskal Herriko Pentsiodunen Mugimenduak herri ekimen legegilea aurkeztuko du Gasteizko ganberan. Apirilaren 24ra arteko epea ipini dute sinadura gehiago biltzeko, eta dei egin diete Araba, Bizkaia eta Gipuzkoan erroldatutako 18 urtetik gorako pertsona guztiei. Hiru... [+]
Erretiroa hartu berri dutenen %4,9k uztartu behar dituzte pentsioa eta lanen bat Espainiako Estatuan. Estonian %55 dira.
Urtarrilaren 1etik aurrera pentsioak %0,9 handituko ditu Frantziako Gobernuak, hasiera batean iragarri baino lehenago, 2025eko uztailera arte ez baitzuen asmorik pentsioak igotzeko, 4.000 milioi aurreztea helburu.
Espainiako Estatuan egindako ikerketa baten arabera, erretiro-adina atzeratzeak ondorio kaltegarriak dakartza, ez bakarrik lehenago hiltzeko arriskua duen langilearentzat berarentzat, baita diru-kutxa publikoarentzat ere: 8.564 eurotan baloraturiko galera soziala izango luke... [+]
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]