10.000 lagun baino gehiago elkartu dira Irunen, osasun zerbitzuan murrizketak salatzeko
Aspaldian Irunen ikusi den manifestaziorik jendetsuenetakoa izan da larunbatekoa, Bidasoako ospitaleko zerbitzuak desegitearen aurka. Besteak beste, larrialdi pediatrikoak, haur eta gazteentzako psikiatria zerbitzua eta urologia ezabatu dituzte, eta agerikoak dira ondorioak. “Haurrak erreakzio larriagoa izan balu, agian Donostiarainoko bidean hilko zatekeela esan zigun pediatrak”.
Osasun Bidasoa plataformak deituta, Gipuzkoan biztanle gehien dituen bigarren eskualdeko herritarrak kalera atera ziren maiatzaren 31n, ospitalea jasaten ari den murrizketekin haserre. 10.000-12.000 lagun inguru batu ziren protestara, Poliziaren arabera, eta manifestazioak hiri erdigunea hartu zuen: udaletxe aurreko San Joan plaza, Kolon pasealekua eta Zabaltza plaza.
Eskualdeko osasun zerbitzu publikoen gainbeheraz ohartarazi eta zerbitzu duina aldarrikatu zuten plataformako ordezkariek. Bidasoako Ospitaleari dagokionez, eskatu zuten haur eta gazteentzako psikiatria zerbitzua, larrialdi pediatrikoak eta urologia berehala irekitzeko berriro ere. Eskualdeko osasun zentroetarako, familia mediku eta pediatra gehiago ere eskatu zituzten.
Desegindako zerbitzuak Donostiara bideratu dituzte, eta ondorioak segituan atzeman dituzte herritarrek. Psikiatria zerbitzua kendu zutenetik, adibidez, kontsultak Donostiara bideratzeak eragin du haur eta gazte askok hitzordua ezin lotzea, edo lotuz gero hurrengo kontsultarako hilabeteak itxaron behar izatea, Donostiako zerbitzua saturatuta baitago.
Itolarrian Donostiaraino
Larrialdi pediatrikoei dagokionez, adibide gisa balio dezake manifestazio egunean bertan ama batek kontaturikoa. Aurreko egunean, 2 urte ere ez dituen umeak errekan jolasean erreakzioa izan zuen, ezin arnasa ongi hartu. Anbulantziari deitu zioten, eta Bidasoako pediatriako larrialdi zerbitzurik ezean, Donostiaraino eraman zuten umea. Han garaiz artatu ahal izan zuten, baina pediatraren mezua garbia izan zen: “Lotsagarria da. Ume honek erdi mailako erreakzioa izan du; erreakzio larria izan balu, agian bidean hilko zatekeen”.
Osasun zerbitzu gehiago arriskuan
Osasun Bidasoa plataformak gogoratu du murrizketak hainbat espezialitatetan egiten ari direla, ez bakarrik haurren arretan: azken urteetan erradiologiako eta minaren unitateko arreta “nabarmen murriztu” dela adierazi dute, eta traumatologiako eta otorrinolaringologiako itxaron-zerrendak “modu kezkagarrian hazi” direla. ESK sindikatuak berriki salatu du ospitalearen murrizketa “argia” dela, eta Bidasoaldeko biztanleen osasuna “arriskuan” jartzen ari direla. Larrialdietan soilik ez, lehen mailako arretan ere gabeziak daudela gehitu du.
Sendabelarra oliotan beratzeaz ariko gara baina ukendurik egin gabe. Bai, arraroa dirudi baina sendabelar freskoak oliotan beratu, iragazi eta erle argizaria ipinita ukendua egiten ikasi duenari olioarekin beste era batera lan egitea badagoela esan nahi nioke. Oleato edo olio... [+]
GIBarekiko esposizio aurreko profilaxia da Prep botika. Alfonso Setiey Anitzak elkarteko lehendakariaren arabera, farmazietan eskuratzeak itxaron-zerrendak gutxitu ditzake. Alabaina, arriskuez ere ohartarazi du.
Bihotzak eztanda egin arte biziko da Aloña Erauskin (Berrobi, 1999), beste guztiok bezala. Besteon aldean, ordea, presente dauka aukera hori.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Demagun zure laneko giroa kaxkarra dela. Lan gehiegi dago, baina ez da kontratazio berririk egiten edo, egiten bada, eskasa. Lankideen arteko harremanak ez dira batere osasuntsuak, eta mobbing horizontala eta bertikala edozein momentuan hedatu daiteke. Oso estres maila handia... [+]
Osakidetza lanean ari da Asisa aseguru-etxe pribatuaren filial baten Quantus Skin sistema osasun-zentroetan ezartzeko, 1,6 milioi euroko inbertsioa eginda. Adituek kritikatu egin dute adimen artifizialeko sistema hori, emaitza "eskasak" eta "arriskutsuak"... [+]
Euskal dantzak, pilates, bilobekin egon, gurutzegramak egin eta beste zaletasun asko ditu Grego Idiakez Kortak (Ezkio-Itsaso, Gipuzkoa, 1950). 62 urterekin iktus bat izan zuen, eta ordutik, ezin ditu nahi beste gauza egin. Iktusaren ondorioz, begi baten ikusmena galdu du, eta... [+]
Langileak amiantoak eragiten duen minbizi mota bat dauka eta 376.305 euroko kalte ordaina eman beharko diote, EAEko Auzitegi Gorenak zigorra berretsi baitu.
Gero eta sarriagotan ikusten ditut nerabeak sufritzen. Irakasle naizenetik Bigarren Hezkuntzan, azken urteotan gero eta kasu bortitzagoen aurrean ikusi dut neure burua, eta hortxe batez ere hasten zaigu irakasleoi korapiloa. Nola lagundu nerabeari? Ikastetxean ordu asko... [+]
Nafarroako Gobernuak espetxeetako osasun zerbitzuaren eskumena eskuratu zuenetik, baliabideak “indartu” dituzten arren, presoek nabarmendu dute ez diela sobera eragin egunerokoan.
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Suizidioagatiko dolua humanizatzen lagun dezaketen elementuak aztertu eta prebentziorako neurriak azaldu dituzte Suizidioaren humanizazioa ikastaroan, Biziraun elkarteak antolatuta. Osasun arloko profesionalek, suizidioak eragindako heriotza baten bizirauleek eta suizidio... [+]
Adituen irizpideei jarraituko dien pantailekiko deseskalatzea premiazkoa da eskolan eta etxean. Osasunaren bueltako Espainiako Estatuko erakunde garrantzitsuenek sortu berri duten plataformak hala dio. Internet eta sare sozialekiko “hiperkonexioa da pandemia berria”... [+]
Eskualdeko ospitaleko zerbitzua ixtearen ondoren, ez dira Donostiako Ospitalean ere artatzen. Haurren larrialdietako arreta gabezia ere dirau. Lehen mailako arretako pediatria kolapsatuta dago eta ez dago haur-psikiatrarik.
Hori da Munduko Osasun Erakundeak iragarri berri duen zenbaki ikaragarria. Horregatik, osasun arloko profesionalen CPTS taldeak prebentzio kanpaina berria plazatu berri du, publiko handia asaldatzeko.