Bidasoa ospitalea “desegitearen aurka” ESK-k mobilizazioa deitu du ostiralerako
Sindikatuak salatu du apiriletik ez dela haurrik artatzen larrialdietan. Ohartarazi du “aspalditik” ari direla zerbitzuak gutxitzen, ez bakarrik pediatrian. Maiatzaren 16an, 14:00etan, kontzentrazioa egingo dute ospitaleko sarreran.
ESK sindikatuak Bidasoako Ospitalearen egoera salatu du. Esan duenez, azken plan berria argitaratu zenetik, apirilean, larrialdi pediatrikoak bertan behera geratu dira. Ohartarazi duenez, pediatria ez da desagertu den zerbitzu bakarra, urologiarik ez baitago, eta beste espezialitate batzuk ere “arriskuan” daudela gehitu du: “Hala nola traumatologia, kardiologia (une honetan 4-5 hilabeteko itxarote-zerrenda du) edo neurologia”. Gipuzkoan biztanle gehien dituen bigarren eskualdea izanik, egoera “onartezina” dela iritzi dio, eta mobilizazioetara deitu du maiatzaren 16rako, 14:00etan, Bidasoa Ospitaleko sarreran.
Falta diren larrialdi zerbitzuak Donostia Ospitalean ematen dituzte, pediatrikoak behintzat; baina zerbitzu hori ez dute indartu, eta “saturatu” egin da, oinarrizko arreta zerbitzuak ixteraino, sindikatuak salatu duenez. Beste kasu batzuetan, beste ESI batzuetara edo medikuntza pribatura bideratu izan dituzte pazienteak. Hori horrela, ospitalearen murrizketa “argia” dela salatu du ESK-k, eta Bidasoaldeko biztanleen osasuna “arriskuan” jartzen ari direla.
Larrialdietan soilik ez, lehen mailako arretan ere gabeziak daudela salatu du: zerbitzu guztiak Irungo Osasun Zentroan ematen dira, Dunboakoan erizaintza pediatrikoa baitago bakarrik.
Gurasoak ere, erne
Egoerak alarmarik piztu du gurasoen artean ere, eta sinadura bilketa jarri dute martxan larrialdi pediatrikoen zerbitzua berreskuratzeko. Hori kentzeak haurren bizitza “arriskuan” jarri dezakeela iritzita eta haurren larrialdi batean “minutu bakoitzak” kontatzen duela argudiatuta, change.org plataforman sinadurak biltzeari ekin diote. Dagoeneko 4.500etik gora bildu dituzte.
Itxaron zerrendak gutxitzeko Osasunbideak hartutako estrategiak gaitzetsi ditu Plataformak
Gauez ia aste osoan ateak itxita izaten ditu Donibane Lohizuneko osasun zentro horretako larrialdi zerbitzuak. Herri Berri udal oposizio taldeak deituta, mobilizazioei ekin diete herritarrek eta jadanik 3.000 sinadura bildu dituzte zerbitzu "iraunkor eta eraginkorra"... [+]
Bost hilabete pasatxo beteko ditu Eusko Jaurlaritzak martxan jarritako Euskadiko Osasun Itunaren Mahaiak, eta martxorako bukatuta nahi zuten eztabaida prozesuaren helmuga bileraz bilera urruntzen doa. Ezarritako metodologiak, mahaira deitutako erakundeen zerrendak, kanpoan... [+]
.jpg)
Osasun Publikoaren Aldeko Herri Plataformak (OPA) manifestazioak deitu ditu otsailaren 1erako. Mobilizatzeko deia egin dute osasunaren pribatizazioari aurre egiteko, lehen arreta indartzeko, osasun arloko langileen baldintzak hobetzeko, prekaritateari aurre egiteko eta kudeaketa... [+]
.jpg)
Sánchez, 2019tik 2024ra Plangintza, Antolamendu eta Ebaluazio Sanitarioko zuzendaria izan zena, azaroan hasi zen Mutualia enpresako mediku-zuzendari gisa. 2024ko udan kargua utzi eta hiru hilabete eskasera egin zuen jauzia enpresa pribatura, Jaurlaritzaren oniritziarekin.
Vithas San José klinikak fitxatu du Jaurlaritzako Osasun sailburu ohia, kargu publikoa utzi eta urte eta erdira.
EAEko biztanleen %23,9k osasun asegurua zeukan kontratatuta 2023an, Eustaten datuen arabera. 2021eko datuekin alderatuta, %4,1 gehiagok. Batez ere traumatologia, oftalmologia, ginekologia eta dermatologia kontsultak egin ziren. Aseguruen %61,3 enpresentzakoak edo bestelako... [+]
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Sinadura bilketa abiatuko dute Aiaraldea osoan osasun sistema “publiko eta duina” aldarrikatzeko. Hala jakinarazi dute gaur goizean Urduñako Kontsultategiaren aurrean eginiko agerraldian. Aiaraldeko hainbat herritako bizilagunak bildu dira bertan, Osakidetzan... [+]
Elizondoko osasun etxeko medikuaren bulegoan ez da medikurik izan gaur. Lehen eguna dute herrian sendagilerik gabe eta kezkatuta daude. Bizilagunak Baztango Osasun Plataforman batzartzen hasiak dira eta asteazkenetan protesta egiten dute kalean egoera salatzeko.
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka pertsona elkartu dira larunbat honetan Araba, Bizkaia eta Gipuzkoako hiriburu bakoitzean,“osasun publikoaren narriadura, desegitea eta pribatizazioa” salatzeko. Osakidetzako aurrekontuaren %25 Lehen Mailako Arretara bideratzea eskatu dute.