Bidasoako haur eta gazteen psikiatriako kontsultaren itxierak haserrea piztu du
Pazienteek Donostiara joan behar dute arreta jasotzeko. Osasun Bidasoa plataforma herritarrak salatu du itxierak “are gehiago hondatuko” duela eskualdeko osasun publikoa.
aurre egingo dieten hedabide independenteak
Bidasoako Ospitaleko (Gipuzkoa) haur eta gazteen psikiatrak lanpostua utzi duenez, psikiatriako kontsulta itxi dute. Hori dela eta, pazienteek Donostiara joan behar dute arreta medikua jasotzeko. Bidasoako Ospitaletik Donostiako alde zaharreko osasun etxera hogei minutu inguru daude autoz, eta Donostiakoak dituen pazienteei Bidasoakoak gehituko zaizkio orain. Irungo, Hondarribiko (Gipuzkoa) eta Bortzirietako (Nafarroa) herritarrek eta Osasun Bidasoa plataformako kideek haserrea adierazi dute: “Itxiera hori beste galera bat da Bidasoa eta Bortzirietako eskualdeetako osasun-arreta publikoaren kalitaterako”. Berriz irekitzeko eskatu dute.
Zenbait familiak salatu duenez, ez diete itxieraren inguruko inongo azalpenik eman, itxaron zerrendak luzatzen ari dira, batzuek asteak daramatzate arreta medikurik jaso gabe, eta Donostiako osasun etxea lanez lepo dago.
Plataformako kideek babesa helarazi diete haur eta gazteei. Nabarmendu dute eskualdeko osasun mentalaren inguruko arreta “defizitarioa” izan dela historikoki. Izan ere, paziente helduak Irungo Udalak duela hogeita bi urte baino gehiago behin-behinean Osakidetzari utzitako lokaletan artatzen dituzte: “Instalazioen antzinatasunak eta prekarietateak ez dute ahalbidetzen kalitatezko arreta”.
Itxaron zerrendak luzatzen ari dira, batzuek asteak daramatzate arreta medikurik jaso gabe, eta Donostiako osasun etxea lanez lepo dago
Orain arte, ospitaleko bigarren solairuan eskaintzen zen arreta psikiatrikoa. Baina eremu hori hustu egin behar izan dute ospitaleko bloke kirurgiko berriko lanak egiteko. “Ezin da profesional berririk kontratatu, kontsulta-gunerik ez dagoelako”, esan dute plataformako kideek. Eusko Jaurlaritzako Osasun Sailaren eta Osakidetzaren asmoa da zerbitzu kirurgikoa “indartzea”, ospitaleko eta lehen mailako arretako “modernizatzeko” eta “hobetzeko”.
Beste zerbitzu batzuetan ere murrizketak
Ez da murriztu duten zerbitzu bakarra; plataformak salatu du azken urteetan urologiako, erradiologiako eta minaren unitateko arreta “nabarmen murriztu” dela, eta traumatologiako eta otorrinolaringologiako itxaron-zerrendak “modu kezkagarrian hazi” direla: “Haur eta gazteen psikiatriako kontsultaren itxierak are gehiago hondatuko du gure eskualdeetako osasun publikoa”. Osasun publikoaren kalitatea hobetzeko eskatu diote Eusko Jaurlaritzari.
Uda sasoian hamalau egunetan baino ez dute medikurik izan herrian, “inoiz baino jende gehiago” biltzen den egunetan, hain zuzen. Osakidetza “gainbeheran” dagoela salatu du udalak, eta herritarrak mobilizatzera deitu ditu.
Osakidetzak Itzulbide aurkeztu berri du. Itzultzaile neuronal bat da EAEko osasuneko profesionalentzat, euskaraz egiten diren kontsulta medikoetako informazioa gaztelaniara itzultzen duena. Euskara lan-hizkuntza eraginkorra izateko baliabide gehiago eskainiko dizkie... [+]
Abuztuan chikungunya infekzio kasu bat atzeman dute Hendaian. Bero boladek, tenperaturaren igoerak eta eremu tropikaletara egindako bidaiek areagotu dituzte kasuak.
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Osakidetza lanean ari da Asisa aseguru-etxe pribatuaren filial baten Quantus Skin sistema osasun-zentroetan ezartzeko, 1,6 milioi euroko inbertsioa eginda. Adituek kritikatu egin dute adimen artifizialeko sistema hori, emaitza "eskasak" eta "arriskutsuak"... [+]
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Eskualdeko ospitaleko zerbitzua ixtearen ondoren, ez dira Donostiako Ospitalean ere artatzen. Haurren larrialdietako arreta gabezia ere dirau. Lehen mailako arretako pediatria kolapsatuta dago eta ez dago haur-psikiatrarik.
Civio fundazioak salatu duenez, Osakidetzak darabilen AA sistema batek (Quantus Skin) kontratuan agindutakoa baino askoz efikazia gutxiago dauka. 1.6 milioi euroko inbertsioa da, larruazalaren melanoma minbiziak detektatzea du helburu, eta bere emaitzak eskatu zuen %85eko... [+]
Hizkuntzak osasun arretaren kalitatean duen eragina aztertu dute EHEk eta EHUk. Jon Zarate Sesma EHEko kide eta EHUko ikertzaile doktoreak emaitzen xehetasunak eman ditu.
GIB / HIESA kasuak mantendu dira, baina klamidia, gonorrea eta sifilis kasuak bikoiztu dira. "Osasun publikoko arazo" direla ohartarazi du Jaurlaritzako Osasun sailburuak, "gorakada nabarmena" izan baitute.
Iazko udazkenean egin zuten sinadura bilketa, eta abenduaren 12an entregatu zituzten atxikimendu guztiak Osakidetzaren Gasteizko zerbitzu zentraletan.
Sindikatuak adierazi du bi ospitale horietan behin-behinekotasunean daudela langile gehienak, eta ordezkapenak ez direla bermatzen; ondorioz, langileen lan-karga areagotzen dela. Gehitu du larrialdi zerbitzuetan “gainkarga” dagoela.
“Ea hurrengorako ikasten duzun…”. Horrela agurtzen zuen amak onkologoa, kariñoz eta lotsarik gabe, kontsultatik ateratzen ginen bakoitzean. Hamar bat kontsulta egingo genituen bospasei urteren bueltan, eta agurra beti bera izaten zen. Emakume atsegina... [+]