100. eguna bete dute greba mugagabean Tecman enpresako langileek

  • Mendaroko ospitaleko mantenuaz arduratzen diren langileek 100. greba eguna bete dute asteazkenean. Lan baldintzen hobekuntzak ez dira iritsi, eta langileek borrokan jarraituko dutela adierazi dute.

Artikulu hau CC BY-SA 2.0 lizentziari esker ekarri dugu.

2019ko urriaren 11n - 10:14
Argazkia: barren.eus

100 egun pasa dira Tecman SVA S.M. enpresako langileek greba mugagabea hastea erabaki zutenetik. Osakidetzak azpikontratatua du enpresa, Mendaroko (Gipuzkoa) ospitaleko mantenuaz arduratzeko. Grebarekin, lan baldintza hobeak eskatzeaz gain, beharginek agerian utzi nahi dute zerbitzu publikoetan enpresa pribatuei lanak azpikontratatzeak langileengan eta zerbitzuarengan duen eragin negatiboa.

Kontsumorako Prezioen Indizearen (KPI) araberako soldata igoera eskatzen dute langileek, soldatak 2011. urtetik izoztuta baitituzte. Bestalde, mantentze-lanetan Osakidetzako teknikariek kobratzen duten kopuru bera jasotzea eskatzen dute, 32 euro gutxiago ordaintzen baitizkiete Tecmaneko langileei.

Greba eskubidearen urraketa

Ehun greba egun hauetan, langileek behin baino gehiagotan salatu dute Tecman eta Osakidetzak greba eskubidea urratu dutela. Hori dela eta, salaketa formala egin zuten uztailean, eta epaiketa irailaren 20an hasi zen. Oraindik, baina, ez dute epaiaren berri izan.


Kanal honetatik interesatuko zaizu: Langile borroka
Soldaten emendioa aldarrikatzeko greba eguna burutu dute Ipar Euskal Herriko sektore publikoan

500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.


EAE-ko sektore publikoa euskalduntzeko dekretua
Aukera galdua

Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Eguneraketa berriak daude