PSOEren azken gurutze bidea, bost pausotan

  • Iraila erdialdean bizitu zen alderdi sozialistako sektore ezberdinen arteko talka, eta arrakala handiagotu egin da aste honetan, alderdikideen adierazpenek eta dimisioek eraginda.

Jon Ander De la Hoz Arregi @delarregi
2016ko irailaren 29a
Alderdi barruko borrokek kinka larrian jarri dute Pedro Sanchezen PSOEkoIdazkaritza Nagusia.

Zatiketaren ertzean da Espainiako alderdi sozialista, exekutibako 17 kidek dimisioa aurkeztu ostean. Hauteskunde orokorren ostean irekitako arrakala are handiagoa bilakatu dute EAE eta Galiziako emaitzek, Pedro Sánchezekin kritiko direnek PSOEko Idazkari Nagusia botatzeko baliatu ostean. Hona egoera ulertzeko bost gako:

Adierazpenen gerra

Irailaren 12an Fernandez Varak egindako adierazpen batzuek bizitu zuten aurretik piztutako sua. Extremadurako presidentearen arabera, “PSOE eta Espainiarentzat txarrak” lirateke beste haustekunde batzuk. Komite Federala deitzeko beharra azpimarratu, eta ados agertu ziren Ximo Puig eta Emiliano García-Page. Susana Díaz –PPri “oposizio baliagarria” egitearen alde– , Eduardo Madina, Elena Valenciano eta Carme Chacónek babesa adierazi diete. Bere aldetik, Alfredo Pérez Rubalcaba idazkari nagusi ohiak alderdiak bizi duen “giro itogarria” salatu du.

Sánchezen erantzuna

Aste batzuk isilik eman ostean, Komite Federalari gobernua osatzeko baimena eskatu asmo duela dio Sánchezek, urriko hauteskunde primarioak eta abenduko kongresua alboratuz. Bien bitartean, Javier Lamban alderdiaren Aragoiko buruak bat egiten du García-Pagerekin, “independentistak gako liratekeen” gobernu alternatiba ezin dutela bilatu esanez.

Zenbait lurralde ordezkarik ere ez dute ontzat ematen Unidos Podemos eta alderdi euskaldun nahiz kataluniarrekin gobernua osatzeko aukera, baina EAEko eta Galiziako hauteskundeak igaro arte zain egotea erabaki dute.

Sánchezen eta lurraldeetako ordezkarien arteko talka agerikoa da. Francesca Armengol, salbuespentako bat, Sánchezen alde agertu da. Idazkari Nagusia primarioen eta kongresuaren aukera aztertzen hasi da.

Hauteskundeetan, sozialisten porrota

Alderdiaren barruko borroka piztuta, EAE eta Galiziako hauteskundeak gako bihurtzen dira PSOEren etorkizunerako. Emaitza eskasak lortu dituzte sozialistek bi bozetan: EAEn, laugarren indarra izatera igaro dira, hamasei eserlekutik bederatzira jaitsita. Galizian, aldiz, En Marea koalizioak aurrea hartu eta hirugarren alderdia bilakatzen da.

Emaitza hauen aurrean, Sánchezek dimititzeko aukera baztertu eta komisio iraunkorraren bilera deitzen du astelehenerako. Bere asmoa, urriaren 23rako PSOEren zuzendaritzarako hauteskunde primarioak deitzea. Hala, erabakia urriaren batean hartu beharko du Komite Federalak: Pedro Zeroloren heriotzak eta bi kideren bajak 35 kidetan utzi duen taldean lehia estua aurreikusten da.

Elkarrizketak, hausturaren erakusle

Sánchezek asteartean Cadena Ser irrati katean azaldu duenez, “Rajoyk ezin du hamabost minutuz ere agintean jarraitu”, eta PSOE, Unidos Podemos eta Ciudadanosen aliantza aurkezten du hirugarren hauteskundeak ekiditeko alternatiba gisa. Hala, abstentzioaren aukera bazter uzten du.

Erabaki horrekin “desilusio handia hartuta” agertu da Felipe González, eta Sánchezek “engainatu” egin duela dio. Bere esanetan, idazkari nagusiak abstenitu egingo zela hitzeman zion, alderdiko kongresua deitzea “indezentzia” dela dio. Susana Díazek ere kongresuarekiko aurkaritza azaldu du, eta “PSOEko kideek nahi duten lekuan egongo dela” erantzun dio alderdiaren lidertza hartu ote dezakeen galdetu dion kazetariari.

Dimisio sorta zuzendaritzan

Pedro Sánchezekin ados ez daudenek mugimenduak hasi dituzte Idazkari Nagusia kaleratzeko, eta horren baitan kokatzen da PSOEko Exekutibako 17 kidek asteazkean emandako dimisioa. Haien arabera, alderdiko estatutuen 36. artikuluek Sánchezek agintean jarraitzea eragozten dute, Exekutibako kideen erdiak baino gehiagok kargua utzi dutenez –horien artean sartu dituzte Zerolo eta alderdia utzitako biak–. Sánchezek, baina, karguan jarraitzeko moduan dela uste du, eta oroitarazi du bera hauteskunde primarioetan aukeratu zutela. Larunbateko Komite Federalean kongresua deitzeko asmoa du, zenbait hedabideren arabera, baina hura ospatzeko aukerari dagokionez, azken orduetako botere-talkek zeresana izango dute.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: PSOE  |  Espainia

PSOE kanaletik interesatuko zaizu...
2018-06-17 | Fermin Erbiti
Politikaren amildegiak

Politika ez da ordoki goxoa, bide malkartsua baizik. Politikariek, eta bereziki agintariek, ongi dakite ofizioak ez duela zer ikusirik zientzia zehatzekin. Politikakoak kontu korapilatsuak izateaz gain, jende askori eragiten diote, bakoitzari modu diferentean. Erabakiak hartzerakoan, beraz, ez da erraza etekin eta kalte politikoen inguruko hausnarketan asmatzea. Kalkulu, arau edo iraganeko lezioek ere gutxi balio dute, ziurgabetasunaren eremuan mugitzen baikara. Politikaria amildegiaren... [+]


2018-06-13 | ARGIA
Pentsioak KPIren arabera igotzea adostu dute, krisi ekonomikoa etortzen bada nola jokatu airean utziz

Toledoko Paktuaren jarraipen batzordea bildu da asteartean eta 2013tik Espainiako Estatuko pentsio-sisteman indarrean dagoen aldaketa bertan behera utziko duen erabakia hartu du: pentsioak Kontsumorako Prezioen Indizearen  (KPI) arabera igoko dira berriro. Baina erabakiak badu letra txikia: ekonomia beheraka hasten denean nola jokatu airean geratu da.


2018-06-07 | Juan Mari Arregi
Hitz emandakoa konplitu dezatela

Pedro Sanchez Espainiako Gobernuko presidente berriak bere ibilaldia hasi du Mariano Rajoyk ezarritako Estatuko Aurrekontu Orokorrek lotuta. Uda ondorenean, baina, 2019koak aurkeztu beharko ditu. Horregatik, komeni da duela hilabete aurkeztu zituen bere plan alternatiboak gogoraraztea, gastu sozial eta zerga gehiagoko Estatua batean oinarrituak.


Tortura salaketak ez ikertzeagatik ezaguna den Grande Marlaska epailea, Espainiako Barne ministro

Giza Eskubideen Europako Auzitegiak (GEEA) bederatzi aldiz kondenatu du Espainia torturak ez ikertzeagatik eta horietako seitan Grande Marlaska zen epaile instruktorea.


2018-06-06 | ARGIA
Isabel CelaŠ bilbotarra Espainiako Hezkuntza ministro izango da

Isabel Celaá aukeratu du Pedro Sanchezek Espainiako Gobernuko Hezkuntza ministro kargurako. Politikari bilbotarrak Eusko Jaurlaritzako Hezkuntza Saila gidatu zuen Patxi Lopezek zuzendu zuen exekutiboan.


2018-06-01 | ARGIA
PPren ustelkeriak Rajoy bota du

PPren ustelkeriak, azkenean, Mariano Rajoy Espainiako presidente kargutik bota du. PSOEko Pedro Sanchezek proposatutako zentsura mozioa aurrera atera da.


78ko sanferminetako gertakarien informazioa desklasifikatzeko eskaria baztertu du Espainiako Kongresuak

PPk, PSOEk eta Ciudadanosek kontrako botoa eman dute. Nafarroako Parlamentuan, aldiz,  eskaria onartu zen urtarrilean talde guztien aldeko botoekin, abstenitu zen PPrena izan ezik.


Fauna publikoa
Ze pereza

Estatu-arrazoia bezain iluna da Rubalcaba, estoldetako politikari bat, institutuko irakasle baten itxura kaltegabe hori eduki arren. Itzalpean mugitu zalea, botere faktikoekin aireztatu gabeko sotoetan edukitzen diren elkarrizketetan; zeren hortik at, animalia izu eta itsusia da.


Politika mutantea

Normal zegoen ba, ez zitzaion ezer arraroa nabari. Pedro Sánchez etxetik atera zenean, bere maskotak betiko nazionalismo autonomista izaten segitzen zuen, platertxotik azken Royal Canin pentsu apurrak gogo biziz janez. Zepillatu berria zuen, estatutua txukun-txukun utzia zion Alfonso adiskidearen esku sendoek lagunduta. Polit zegoen, begi bat ixten zuen jolastu nahi bazuen.


Fauna publikoa
Felipe Gonzalez, ongiaz eta gaizkiaz haraindi

Zinismo hitzaren definizioaren ondoan Felipe Gonzalezen esaldi hau agertuko da, noizbait, hiztegiren batean. Denbora kontua da.


Azkenak
EGILEA
Eguneraketa berriak daude