"Espainia argia izan da: bloke atzerakoiak porrot egin du"
“Duela lau urte baino boto, eserleku eta portzentaje gehiago atera dugu”, azpimarratu du Pedro Sánchez Espainiako Gobernuko egungo presidenteak.
Eskerrak ematen hasi du diskurtsoa PSOEko buruak. Labur, tinko eta pozik mintzatu da presidentea.
“Hauteskunde aurreratuak deitu nituen, herrialde bezala zein norabide hartu erabaki behar genuela uste nuelako: aurrerakoia edo atzerakoia”, adierazi du Pedro Sánchezek. “Espainia argia izan da: bloke atzerakoiak porrot egin du. Eskubideetan murrizketak planteatzen zituzten haiek, PP eta VOXen blokeak, porrot egin du. Aurrera egiten jarraitu nahi dugunak askoz gehiago gara, askoz gehiago gara Espainiak aurrera egiten jarrai dezan nahi dugunok, eta hala izaten jarraituko du”.
Espainiako Gobernurako presidentegaia aukeratzeko elkarrizketak egin ditu Espainiako errege Felipe Borboikoak. Francina Armengolek, Espainiako Kongresuko Mahaiko presidenteak, jakinarazi du erregeak Feijóo aukeratu duela.
Mapa honetan ikus daitezke emaitzak udalerriz udalerri.
Eskuin muturreko ordezkariak adierazpen hauek egin ditu:
“EAJk balantze ona egiten du gaurko Hauteskunde Orokorretan lortutako emaitzen inguruan”, hasi du hitzartzea EAJko lehendakari Andoni Ortuzarrek. Adierazi du helburu nagusia lortu duela EAJk.