Inbestidura akordioa sinatu dute EAJk eta PSOEk

  • Andoni Ortuzar EAJko buruak eta Pedro Sanchez PSOEko idazkari nagusiak Espainiako Kongresuan egin dute sinadura ekitaldia asteazken goizean. Eduki osoaren berri ez dute oraindik eman.


2023ko azaroaren 10an - 11:12
Azken eguneraketa: 12:14
Argazkia: EAJ

EAJko bost diputatuek, beraz, baiezkoa emango diote Pedro Sánchezen inbestidurari datorren astean egingo den bozketan. Coalición Canariako diputatu bakarrak ere horixe bera egingo duela iragarri du. Horrela bada, 179 aldeko boto jasoko ditu Sánchezek eta 171 aurka. Patxi Lopez diputatu sozialistak jakinarazi duenez, EAJ “lehentasunezko bazkidea” da, eta horrexegatik egon da Sánchez bera sinatze ekitaldian –ez du horrela jokatu beste alderdiekin–.

Oraindik eskualdatu gabeko eskumenen negoziazioetan aurrerapauso handiak egin direla iragarri dute jeltzaleek, eta autogobernuaren aitortzan, lan harremanen markoan eta euskararen indartzean ere bai.

Ez da gauza zehatzik aipatu, baina dokumentua ezagutzen duten iturrien arabera, gehienez bi urteren buruan egin beharko dira falta diren eskumenen eskualdatzea. Ertzaintzak portuetako zaintza eskuratuko luke eta eskumen gehiago ingurumen delituen ikerketan. Eremu ekonomikoan kontzertua aldatzeko konpromisoak adostu dira, eta 100 milioi euro adostu dira euskarak teknologia berrietan aurrera egin dezan.

Ortuzarrek jakinarazi duenez, inbertsioetan, azpiegituretan, eta herritarren bizimodua hobetzen dituzten neurri eta eskubideetan egin da aurrera.


Azkenak
Gazako sarraskia arbuiatzen ez duten unibertsitate israeldarrekin harremanak eten ditu NUPek

Gazako krimenak baztertzen ez dituen unibertsitate israeldarrekin harremanak eten eginen ditu Nafarroako Unibertsitate Publikoak. Unibertsitateko Gobernu Kontseiluak aho batez hartu du erabakia, akordio bidez, eta ez du hartu emanik izanen. Harreman komertzialak eta akademikoak... [+]


Irati Mogollon
"Aurreikuspen onenetan, gazteen kopurua bikoiztuko dute nagusiek eta kasurik okerrenean boskoiztu. Zaintzari buruz hausnartu behar dugu"

Irati Mogollon soziologoak (Lezo, 1991) hausnarketa saioa bideratu du asteazkenean Laudioko Lezeaga Aretoan. Zaintzaren antolakuntzari buruz hausnartu eta etorkizunera begira jartzea proposatu du, bai jendarte moduan zein banaka.


2024-05-23 | Gedar
Palestinaren okupazioak eta Espainiako Estatuko finantza-sektoreak duten lotura seinalatu du ikerketa batek

Ikerketa batek Espainiako Estatuko banketxeen eta enpresen 'greenwashing' praktikak azaleratu ditu. Estatu sionistak lur okupatuetan eginiko eguzki-energia parkeen finantziazioan murgilduta dago estatuko finantza-sistema; BBVA eta Kutxabank ere tartean dira.


Palestinako Estatua errekonozituko dutela iragarri dute Espainiako Estatuak, Norvegiak eta Irlandak

Maiatzaren 28an hartuko dute neurria ofizialki. 1967 aurretiko mugak aitortu dizkiote Palestinari, eta bi estatuen konponbidearen alde lerratu dira. Israelek esan du erabakiak terrorismoa saritzen duela.


Eguneraketa berriak daude