Pobrezia larrian dauden pertsonen kopurua %20,6 gutxitu da Nafarroan gizarteratze errentari esker

  • 11.105 bizilagunek jasotzen dute gizarteratze errenta. 2012an baino jende gehiagorengana iristeak aberatsenen eta pobreenen arteko desberdintasunak txikitzea lortu du.

Artikulu hau CC BY-SA 3.0 lizentziari esker ekarri dugu.

2016ko maiatzaren 12an - 18:24
Oinarrizko errentaren aldeko mobilizazioa Iruñean (arg: Katakrak)

Gizarteratze Errentak pobrezia larria %20,6 txikitzea lortu du eta jende gehiagorengana iristeak desberdintasunak murriztea ere bai. Hala jaso du Errealitate Sozialaren Behatokiak egindako txostenak. 2014an baino 9.130 herritar gutxiago dago pobrezia larrian, nahiz eta oraindik 35.100 lagun dagoen egoera horretan. Dena dela, pobrezian erortzeko arriskua ere jaitsi egin da eta herritarren %20 dago arrisku horretan.

2016ko lehen hilabeteotan Gizarteratze errenta 11.105 herritarrek jasotzen dute, 2007an baino 10.000 gehiagok. Inflexio puntua 2012. urtea izan zen, ordura arte jende gehiagorengana iristen hasi zen errenta hori, baina, Gobernuak diru-sail hori murriztu egin zuen eta jende asko diru-babesik gabe utzi zuen. 2013an baina, murrizketak utzita, oinarrizko prestazio hori familia gehiagotara hasi zen zabaltzen. Horrek lagundu du hain zuzen pobrezia larria ekiditen eta desberdintasunak txikitzen. Txostenak jasotzen duen bestea, krisiak gogor kolpatu dituela Nafarroako familiak. 2008tik laukoiztu egin da familia guztiko kideak langabezian dituztenen kopurua eta hirukoiztu, diru-iturri nagusia familiara bideratzen zuen pertsona langabezian geratu diren familiena. Hala ere, hau ere 2013tik hobera egiten hasi da.

Babes ekonomikorik gabekoak, ere bai

Beste datu lazgarria: 2008an 2.901 familia ziren inolako diru-sarrerarik gabe zeudenak; 2015ean 8.358 ziren. Aurtengo lehen hilabeteetan ere joerak hobera egin du, nahiz eta zuhurtziaz hartu behar diren datuak, orain, 7.071 dira.

Eta zer gertatzen da langabezian daudenekin? Bada, gero eta gehiago luzatzen zaiela egoera hori, alegia, lanik gabe egotearena. Langabezian daudenen %40 urtebete baino gehiago daramate lanik egin gabe.

Eta horientzako laguntzak, zertan dira? Bada langabeziagatik jaso beharko litzatekeen babes ekonomikoak muga asko dituela nabarmendu du txostenak. Eta hain zuzen, muga horiek gainditzeko ezinbestekoa izan da urteotan gizarteratze errenta. Hala adierazi du Patxi Tuñon Behatokiko zuzendari-gerenteak:

Behatoki Sozialeko kideek nabarmendu dute pobrezia soziala txikitzea lortu dela gizarteratze errentarekin, baina kontziente dira, oraindik ere lan handia egin beharra dagoela.

 

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Pobrezia
Etxebizitza bazterkeriak gora egin du Nafarroan

Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.


2024-01-10 | Euskal Irratiak
%10 hazi da Iparraldean Hazkurri Bankuak jaso duen elikagai galdea

Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.


Lanbiden dirulaguntzak eskatzen dituztenak jomuga dituen kontrol unitatea sortu dute

Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]


Nafarroako Erriberan pobrezia arriskua iparraldean baino %40 handiagoa da

Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]


Eguneraketa berriak daude