Nafarroako D ereduko ikastetxeen polemikaren harira, Espainiako Barne ministro Jorge Fernandez Diazek adierazi duenez “terroristak” hezkuntzatik alboratzeko ahalegin guztiak egingo ditu Gobernuak. Horretarako legedia alda dezaketela jakinarazi du.
Fernandez Diazek esan duenez, “ETAren ingurua ikasgeletan egoteak gorrotoaren pedagogia zabaltzen du". Baieztatu du, Espainiako Gobernuak hori ekiditeko “jendartearen eskubideen defentsan eta indarkeria ekintzak baztertze aldera” neurriak hartuko dituela.
Geroa Baiko diputatu Uxue Barkosek ministroari eginiko galderaren ondorioz etorri dira Fernandez Diazen adierazpenak. Barkosek itaundu dio Guardia Zibilak D ereduko ikastetxeen inguruan eginiko txostena betetzeko 1.652 herritarrei eginiko zelatatzeak epailearen aginduz egin al diren.
Barne ministroak ez du erantzuna argitu, eta “ikastetxeetan gorrotoa sustatzearen kontra eginen du gobernuak”, esan du galdera saihestu nahian. “ETA eta bere tentakuluak” hezkuntzan “infiltra” ez daitezen beharrezko neurriak aztertzen hasiak direla gaineratu du. Bere aburuz, Gobernuak ezin du onartu “terroristek” haurrak doktrinatzea, ez eta gertakari historikoak desitxuratzea eta beste modu batera berreraikitzea ere.
Argirik ikusi ez duen txostena D ereduko ikastetxeen izena zikintzeko asmoz hedabideetara “filtratu” izana salatu du Geroa Baiko diputatuak. “Oso akusazioa larria da D ereduan aritzen diren lau irakasletatik batek hezkuntza doktrinatzeko erabiltzen duela esatea”. Horretaz gain, gaineratu du irakasle kaltetuek ez dutela txostena irakurtzeko paradarik izan, eta aldiz Espainiako hedabideek aspaldi izan dutela horren berri.
Nafarroako Hezkuntza kontseilari Jose Iribasek segurtasunarekin lotutako argudioekin justifikatu du Guardia Zibiliaren txostena. UPNren bide beretik, Espainiako Gobernuak dokumentua goraipatu du, eta irakasleen kontrako neurriak aztertzen hasia dago Madril, Barcinaren Gobernuaren laguntzaz.
PPko idazkari nagusi Maria Dolores de Cospedalek ere adierazpenak egin ditu polemikaren harira. Esan du Espainiako hezkuntza eskumenak autonomia erkidegoen esku utzi izana “akatsa” izan zela. Bere ustez, hezkuntza baita estatu baten nortasuna hoberen islatzen edo transmititzen duen diziplina. Posible balitz erabaki horrekin atzera egingo lukeela gaineratu du.
Irakasleak kezkatuta eta haserre
D ereduan aritzen diren irakasleak kezkatuta, minduta eta haserre azaldu dira: “irakasleak arduratuta daude, ez dakitelako zelatatuak izan diren edo ez, eta hedabideetan ematen ari zaien trataerarengatik. Adingabeen irudiak eta guzti erakutsi dituzte. Atzera egin dugu nabarmen”, dio EILAS sindikatuko Aitor Lakak, Berria egunkariak jaso duenez. Gainera, “dena ETA da lelopean, irakasleak mindu dituzte, eta babesgabe daude”.
Hala ere ez dira isilik geratu eta protestei ekin diete; elkarretaratzeak eta sinadura bilketak tarteko. Herenegun lehenbizikoz elkartu ziren Iruñean, Iribas kontseilariak agerraldia egin bitartean.
Atzo bertan, Espainiako Gobernuaren ordezkaritzak Iruñean duen egoitzaren atarian biltzekoak ziren, baina debekatu egin zieten. Azkenean, 30 lagun baino gehiago elkartu eta agiri bana eraman zuten erregistrora, Guardia Zibilaren ikerketa "nola, noren aginduz eta zergatik" egin zuten argitzeko eskatuz. “Txostena publiko egiteko exijitzen dugu. Eskubide guztia dugu zelatatu gaituzten jakiteko”, azpimarratu zuten.
Datorren asteetarako mobilizazioekin jarraitzeko asmoa agertu dute eta abenduaren 18rako manifestazioan ahalik eta jende gehien biltzeko deia egin dute hainbat hezkuntza eragilek. Iruñeko Antoniutti parketik abiatuko da martxa 18:00etan “Hezkuntzan, kolore guztiak” lemapean.
Ikusgela proiektuak, hezkuntzarako ikus-entzunezko materiala lantzeko wikiekimenak, hirugarren ikasturteari ekin dio gaur. Orain arte 92 bideo argitaratu baditu ere, ikasturte honetan maiztasuna handituko du, astearte eta ostegunero bideo bat aterako du eta irailetik maiatzera... [+]
Lezioa buruz ikastea, norbere eskemak eta laburpenak egitea, azpimarratzea, beste norbaiti lezioa azaltzea… Ikasteko teknika ugari dago, baina DBHko ikasleek ez dituzte egokienak erabiltzen, ikerketa baten arabera, eta azterketa sistemak badu zerikusirik horretan. Ikasle... [+]
Bullying kasuetara ez iristeko onena elkarren arteko tratu onak sustatzea dela sinetsita, Haur, Lehen eta Bigarren Hezkuntzako 67 ikastetxek parte hartzen dute Nafarroako Laguntza programan. Ikasleekin enpatia, bizikidetza, komunikazio asertiboa… lantzeko prestatzen... [+]
Andere agurgarria:
Zer moduz uda? Ondo espero dut. Oraingo honetan, harira joango naiz, zure baimenarekin.
Dakizunez, merkatu ultra-liberalenen berezko lehia-logikan sartuta, ikastetxeek era guztietako "proiektuak" abiarazi behar dituzte. Jakin behar duzu... [+]
Ume txikienen eskola-egokitzapenaz asko hitz egiten da, baina instituturako saltoa ere ez da xamurra: hormonak dantzan eta norbere beldur eta mamuak airean, Lehen Hezkuntzan babestuago egotetik ikasteredu zurrunagora igarotzen dira gazteak. Bide horretan laguntzea inportantea... [+]
Nafarroako Foru Komunitateko hezkuntza publikoko sindikatuek (STEILAS, ANPE, AFAPNA, LAB, CCOO, ELA eta UGT) 2024ko irailaren 26ko ostegunerako greba deialdia aurkeztu dute Hezkuntza Departamentuko erregistroan.
Eroriko askoren artean badira lorpenak ere. 35 urte inguruko ama gazte batek galdetzen zidan aurreko batean nola arraio lortzen zuten beraien eskolan etxean euskara jaso ez zuten ikaskideek etxetik euskaldunak ziren neska-mutikoek bezain ongi ikastea eta hitz egitea euskaraz... [+]
Mugitzeko eta ibiltzeko zailtasunak dituzten 5 urteko bi ikasleri asteroko baso-eskola saioa egokitu zaie Irungo ikastetxean: muga eta beldur artean hasitako erronkak onura, garapen eta ikasketa handiak izan ditu. "Oso babestuta dauden ikasleak dira eta basoan aske uzteak... [+]
Nerabe batek mugikor, tablet eta pantailei ematen dien erabileran eragin handienetakoa gurasoak direla frogatu du ikerketa batek. Alegia, nahiz eta adin horretan gurasoenganako distantzia bilatu ohi den, pantailekiko garatuko duen harremanean gurasoak oraindik ere eredu direla... [+]
Eskolan adimen artifiziala erabiltzera animatu ditu irakasleak Eusko Jaurlaritzako Hezkuntza sailburuak, eraldaketa digitalaren beldur ez izateko esan die. Ikasgelan mugikorra erabiltzeari buruzko gogoeta prozesu bat ere iragarri du: “Ez dago erabilera horrek duen... [+]
Ikasturte honetan, lehen mailako ehun eskola elebidunetan 5.700 ikaslek ikasiko dute. Bigarren mailan hamasei kolegio eta lau lizeotan 1.600 dira. Zailtasun nagusia aurten ere kolegioan euskararen eta frantsesaren arteko oren parekotasuna erdiestea da.
Denok dakigu askatasuna kontzeptu zaila dela, ertz askotarikoa, hitzez definitzen zaila. Maiz mugagabetasunarekin definitu ohi dugu, baldintzamendurik gabe erabaki ahal izatearekin, ondoriorik ez edukitzearekin, edota ekintzen ardurarik hartu behar ez izatearekin. Baina ez denez... [+]