"Ez badugu Altsasukoa terrorismotzat hartzen, Jarraik eta Segik nahi zutena egiten zuten garaietara itzuliko gara"
"Faxismoa", "holokausto" edo "manada" bezalako definizioak erabili ditu Jose Perals fiskalak Altsasuko gazteei terrorismo delitua egozteko.
Fiskalak, Guardia Zibilaren tesia bere eginez, Koxka tabernan gertatutakoa terrorismo ekintza izan zela defendatu du eta beraz, 12 eta 62 urte arteko eskaerak berretsi ditu. "Ez badugu hau terrorismotzat hartzen, 20 urte atzera egingo dugu, Jarraik eta Segik kalean nahi zutena egiten zuten garaietara", gaineratu du. Alde Hemendik kanpaina ETAk agindutakoa dela berretsi du Peralsek, eta auzipetueak ezezik, Altsasuko alkatea bera ere –Geroa Baiko Javier Ollo Martinez– estrategia horren parte dela esan du, "gatazka politikoa" bezalako terminoak erabiltzen dituenean.
Espainiako Auzitegi Nazionalean bi astez luzatu den epaiketak datorren ostegunean jarraituko du.
Adur Ramírez de Aldaren ama eta familien eledun Bel Pozuetak adierazi du "beldur direla gure seme-alaben bizitzengatik". Ostegun arratsaldean, auzitegiaren kanpoaldean hedabideei egindako adierazpenak dira. "Taberna batean izandako liskar hutsa Alde Hemendik aldarrikapenarekin lotura egiten saiatu dira eta hortik, "dena da ETA" teoriapean sartuz, gure seme-alabak zigortu ahal izateko".
Bel Pozueta, madre de Adur, realiza declaraciones a la puerta de la Audiencia Nacional. Sus palabras son las de todas nosotras. #Altsasu #Alsasua pic.twitter.com/1dEgkOny2a
— Altsasu gurasoak (@Altsasugurasoak) April 26, 2018
"El sargento pasa delante de tres acusados y no los reconoce. También se acerca a Iñaki y le pega un manotazo,pero no se dirige a el como persona que le ha agredido". Esto son hechos incuestionables. #AltsasukoakAske #Altsasu pic.twitter.com/LKC5etAqlN
— Altsasu gurasoak (@Altsasugurasoak) April 26, 2018
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Giza Eskubideen Europako Auzitegiak ez du aintzat hartu Altsasuko gazteek epaiketa bidezkoa izan zuten aztertzeko eskakizuna. Auzipetutako gazteetako batek, Iñaki Abadek, eman du jakitera berria.
Espainiako Auzitegi Nazionalaren ebazpenean dago oinarritua erabakia eta dioenez, Altsasuko gazteak zigortu zituen ebazpenean ez zen terrorismorik aipatzen, beraz, ez administrazioak ez Auzitegi Nazionalak ezin dute terrorismoaren biktimen kalte ordainik onartu.
