Udaberriko kanpaina aurkeztu du Errigorak Iruñean, Uztaberria izenarekin. Martxoaren 1etik 14ra Nafarroa hegoaldeko olioa eta kontserba loteak eskatzeko aukera izango dute herritarrek. Helburua? Bertako produktuen kontsumoa sustatzea eta euskalgintzari bultzada ekonomikoa ematea.
Berritasunez betetako kanpaina da aurtengoa. “Inoiz baino eskaintza zabalagoa eta ekologikoagoa egin dugu”, azaldu dute.
Eskaera egiteko modua ere aldatu dute. Aldi berean eskatuko dira olioa eta kontserbak, martxoaren hasieran. Banaketa bitan egingo da: apirilean oliba-olioa eta ekainean kontserba loteak. Ordainketa produktuak jasotzeko unean egingo da. Enkargua Errigoraren atarian nahiz herrietan egin daiteke.
Errigorako kideek azaldu dutenez, “gogotik” egin dute lan Uztaberria martxan jartzeko: “Ekoizle gehiago topatu behar izan dugu, hauek harremanetan jarri, nekazari sindikatu eta ekoizpen kontseiluekin lankidetza bideak garatu”. Hala ere, hauek “agroekologiaren lehen urratsak” baino ez direla ziurtatu dute.
Errigora 2012an Nafarroako hegoaldean sortutako ekimen herritarra da. Eremu horretakoak propio diren produktuak Euskal Herrira zabaltzeko asmoarekin sortu zen, baita euskara ofiziala ez den eremuetan indartzeko ere. Hau guztia auzolanean eta elkarlanean. Egun, sare zabal batek gorpuzten du proiektua; herritar, nekazari, euskaltzale, ekoizle eta kontsumitzaileez osatutakoa.
Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari' izeneko kanpaina abiarazi zuten atzo eta martxoaren 13ra arte aukera dago saski horietako... [+]
Hamar urte dira saskiekin hasi zirela eta bi milioi euro bildu dituzte guztira.
50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Iazko udan suteek panorama iluna utzi zuten Nafarroan, argazkiko San Martin Unxen lurren %95 kiskali zuten. Asko hitz egin zen hedabideetan suteek eragindako kalteez, baina nola aurre egin gero eta sute gehiago eman daitezken testuinguruari? Nafarroako Gobernuaren interes falta... [+]