EH Bildu hainbat alderdirekin hitz egiten ari da Europako hauteskundeetara aurkezteko


2013ko azaroaren 06an - 00:00
Azken eguneraketa: 2015-02-26 13:37:33
EH Bilduk eskainitako prentsaurrekoa. (Arg: Gorka Rubio)

Ahalik eta hautagaitza “zabalena” aurkeztu nahi du EH Bilduk maiatzaren 25eko bozetara; beti ere, oinarri batzuen baitan: “jendarte eraldaketa eta herrien Europa nahi duten alderdiei luzatzen diegu gonbitea”, esan du Oskar Matute EH Bilduko kideak, Donostian eskainitako prentsaurrekoan. Hala, ERCrekin batera joango dela dioten berriak argitu nahi izan ditu koalizioak.

Dioenez, hainbat talderekin egiten ari da bilerak: Katalunian, ERCrekin biltzeaz gain, CUP eta Solidaritat alderdiekin ere egon da; Balear Uharteetan, PSMrekin; Galizian, BNG, Nós-UP eta ANOVA taldeekin, Aragoin, Independentistas de Cuchasekin; Gaztelan, Izquierda Castellanarekin; eta Espainian, Red Rojarekin.

Koalizioa ez dago itxita, eta aurrerago jakinaraziko dute zeintzuk osatuko duten.

Gainontzekoekin, akaso; ERCrekin, seguraski

Gainontzeko alderdien erabakia oraindik airean dagoen bitartean, ERCk iradoki du jada baietza eman diola hautagaitza bateratuari. Info7 irratiari eskainitako elkarrizketan, EH Bildurekin lan egiteko “borondate handia” duela esan du ERCko Joan Tardák. Era berean, lankidetza horretarako “esfortzu handia” egiten ari direla zehaztu du.

Ara egunkariak plazaratu zuen bi alderdiak iragan urriaren 25ean batzartu zirela eta hilabete honetan bertan elkartu daitezkeela berriz.

CUP taldeari buruz galdetuta, Tardák adierazi du “oso aberasgarria” iruditzen zaiola ERCek eta CUPek plataforma berberaren parte izateko aukera edukitzea.


Kanal honetatik interesatuko zaizu: Europako Hauteskundeak 2014
UPyD eta EAJ talde berean ariko dira Europako Parlamentuan

Europarako Liberal eta Demokraten Aliantzak (ALDE) UPyD alderdia onartu du, talde berean dauden EAJ eta CDCren kontrako botoekin. Trukean, autogobernuari buruzko azpitaldea sortzea onartu du ALDEk.


2014-06-09 | Judith Perez
Syriza: "Euroeszeptikoak boterean daudenak dira"

Europako hauteskundeen ostean Syriza, Greziako ezkerreko koalizioa, herrialdeko lehen indar politikoa bihurtu da. Kostas Isychosek, alderdiaren kanpo politikaren arduradunak, “politika alternatiboentzako itxaropen boto” gisa deskribatu ditu emaitzak, Marta... [+]


Posible da PSNrik gabeko gobernu alternatiba

EAJ eta EH Bilduren emaitzak bloke abertzalea biziki sendotu dute, eta jadanik joera da hori. Hegemonia lehiatzeaz gain, serio pentsatu beharko dute herrigintzaren ikuspegitik elkarlan sendoagoa jorratzea. Nafarroan, aldiz, emaitza hauek erakutsi dute posible dela PSNrik... [+]


Ultraeskuinaren itzala Europako hemiziklo nagusian

Alderdi ultraeskuindar eta populistak indar handiz sartu dira euroganberan.Frantzian Fronte Nazionalak panorama politikoa astindu du, eta Espainian bipartidismoak galera itzela izan du.


2014-05-29 | Ane Lusarreta
Podemosen arrakastaren lau gako

Eduardo Muriel kazetariak Podemosek Europako hauteskundeetan izan duen arrakasta aztertu du La Marea hedabidean.


Eguneraketa berriak daude