EH Bildu eta ERC
Europako hauteskundeetan
elkarrekin joateko bidean
EH Bildu eta Esquerra Republicana (ERC) 2014eko maiatzean egingo diren Europako hauteskundeetarako koalizioa egiteko bidean dira, Ara egunkari katalanaren arabera. Hilabete honetan bertan Bartzelonan eginen duten topaketan finkatuko litzateke ituna.
Arako iturrien arabera, Assemblea Nacional Catalanak (ANC) koalizioa osatzeko asmoa zuen Esquerra Republicana (ERC), Convergencia Democrática de Cataluña (CDC), Iniciativa per Catalunya Verds (ICV) eta Candidatura d'Unitat Popular (CUP) alderdi katalanekin.
Egunkari katalanaren arabera ERC alderdia eszeptiko agertu zen koalizio horren aurrean, eta Europako Aliantza Askeko hainbat alderdirekin bilerak izan dituzte bide berriak zabaldu asmoz. Aliantza hori estaturik gabeko herri eta nazioetako alderdiak biltzen dituen federazioa da. Independentzia dute helburu.
Hala ere, aukera posibleena EH Bildurekin batzea dela dio Arak; iragan urriaren 25ean batzartu baitziren bi aldeak eta hilabete honetan bertan beste bilera bat iragarrita omen dute. Aliantza berri horrek CUP, CDC, ICV alderdi katalanei, Bloque Nacionalista Galego (BNG) galiziarrari eta Mallorcako alderdi sozialistari (PSM) atea irekia utziko lieke, Europako hauteskundeetan elkarrekin joateko.
EH Bilduk ahalik eta koalizio zabalenaren aldeko apustua egin duela dio egunkariak, "bake eta normalizazio politikorako une klabe honetan, Europan ahotsa izateko".
Europarako Liberal eta Demokraten Aliantzak (ALDE) UPyD alderdia onartu du, talde berean dauden EAJ eta CDCren kontrako botoekin. Trukean, autogobernuari buruzko azpitaldea sortzea onartu du ALDEk.
Europako hauteskundeen ostean Syriza, Greziako ezkerreko koalizioa, herrialdeko lehen indar politikoa bihurtu da. Kostas Isychosek, alderdiaren kanpo politikaren arduradunak, “politika alternatiboentzako itxaropen boto” gisa deskribatu ditu emaitzak, Marta... [+]
EAJ eta EH Bilduren emaitzak bloke abertzalea biziki sendotu dute, eta jadanik joera da hori. Hegemonia lehiatzeaz gain, serio pentsatu beharko dute herrigintzaren ikuspegitik elkarlan sendoagoa jorratzea. Nafarroan, aldiz, emaitza hauek erakutsi dute posible dela PSNrik... [+]
Alderdi ultraeskuindar eta populistak indar handiz sartu dira euroganberan.Frantzian Fronte Nazionalak panorama politikoa astindu du, eta Espainian bipartidismoak galera itzela izan du.
Eduardo Muriel kazetariak Podemosek Europako hauteskundeetan izan duen arrakasta aztertu du La Marea hedabidean.