Demokrazia eskasa Europar Batasunekoa

Asier Blas Mendoza @AxiBM
2014ko maiatzaren 26a

Geroz eta gehiago dira Europar Batasunak inposatzen dizkigun legeak eta erabakiak era ez demokratikoan. Erabakiak estatuetako gobernuek hartzen dituzte batzordean eta ministroen kontseiluan, europarrok bozkatu ez ditugun bi erakundeetan. Noski, estatuetan bozkatutako gobernuak dira, baina adibidez, gure gobernuek babestu ez duten neurri bat inposa diezagukete beste gobernu batzuk (guk bozkatzeko aukerarik izan ez ditugunak) horrela adostu dutelako gehiengoz. Horri Zientzia Politikoetan accountability (kontu emate) demokratiko eza deritzogu.

Agertoki horretan, Europako Legebiltzarrak aurrekontuak eta zenbait erabaki eta kargu berretsi behar ditu. Honen aurrean hauteskundeak partaidetza baxua izatea normala da, herritarrek badakite ezer gutxirako balio dutela. Herrialde batzuetan partaidetza derrigorrezkoa izango ez balitz eta beste batzuetan bestelako hauteskundeak egingo ez balira aldi berean, partaidetza baxuago litzateke. Horregatik, protesta botoak hartu du garrantzia Europar Batasunetik inposatzen diren politika publikoak salatzeko. Ezkerreko alderdi asko elitista bilakatu dira azken hamarkadetan eta ez dute asmatu nola aurre egin krisi neoliberalak sortutako shockari. Azken hau EBk aprobetxatu eta neurri neoliberal gehiago inposatu ditu. Diskurtso alternatibo bakarra nazionalismo populistek eman dute (horietako asko eskuin muturrekoak). Azkar jakin dute arazoa zentratzen, esparru estatala baldin bada azkeneko maila demokratikoa, honek soberania galtzen duen heinean kontrol demokratikoa galtzen ari gara.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Europako Hauteskundeak 2014

Europako Hauteskundeak 2014 kanaletik interesatuko zaizu...
Azkenak
EGILEA
Eguneraketa berriak daude