Ekartzekoak ote?

  • “Igandeko emaitzak ezin dira balizko foru hauteskundeetara ekarri”, gaztigatu zigun Yolanda Barcinak duela hiru egun, maiatzaren 23an. Gauza bera erran du Sergio Sayas UPNko komunikazio idazkariak: emaitzak ez dira ekartzekoak, “Nafarroako alderdi nagusia (UPN) ez baita aurkeztu”.


2014ko maiatzaren 26an - 00:00
Azken eguneraketa: 2015-02-26 13:37:33

Nolanahi ere, PP lehendabiziko indarra izan da Nafarroan, eta jarleku gehienak eskuratu ditu Espainian. Halere, lehendabizikoa izatea eta garaile izatea ez da berdin, toki guzietan nabarmen egin baitu atzera Espainia kudeatzen duen alderdiak. EHBildu, berriz, Nafarroako bigarren indarra izatera pasatu da, eta PSN hirugarrena.

Iduri luke murrizketak eta eskandaluak (eta, haien aitzinean, ustezko oposizioaren erantzun argirik eza) hasi direla faktura pasatzen bi alderdi nagusiei. Horrek, segur aski, hemendik 2015eko hauteskunde bitarte, estrategia bikoitza ekarriko du UPNren partetik: batetik, keinu batzuen bidez saiatuko da PPtik (hondoratzeko bidean dagoen itsasontzitik, alegia) bere burua bereizten; eta, bertzetik, eginahal guziak eginen ditu EHBilduren garaipen batek ekarriko lukeen hondamendia erakusteko (eta, beraz, identitate ikurren ingurura eramanen du borroka segur aski). Beraz, fin jokatzea egokitzen zaie orain abertzaleei, atzoko emaitza onak atxiki nahi baldin badituzte. Nafarroan, naski, hau baita galdera: nafar arruntei (hori zer nahi den ere) zer inporta zaie gehiago, ebats diezaieten edo ikurrin bat jar diezaieten txupinazoan? Eta erantzuna, tamalez, ez dago batere argi.


Kanal honetatik interesatuko zaizu: Europako Hauteskundeak 2014
UPyD eta EAJ talde berean ariko dira Europako Parlamentuan

Europarako Liberal eta Demokraten Aliantzak (ALDE) UPyD alderdia onartu du, talde berean dauden EAJ eta CDCren kontrako botoekin. Trukean, autogobernuari buruzko azpitaldea sortzea onartu du ALDEk.


2014-06-09 | Judith Perez
Syriza: "Euroeszeptikoak boterean daudenak dira"

Europako hauteskundeen ostean Syriza, Greziako ezkerreko koalizioa, herrialdeko lehen indar politikoa bihurtu da. Kostas Isychosek, alderdiaren kanpo politikaren arduradunak, “politika alternatiboentzako itxaropen boto” gisa deskribatu ditu emaitzak, Marta... [+]


Posible da PSNrik gabeko gobernu alternatiba

EAJ eta EH Bilduren emaitzak bloke abertzalea biziki sendotu dute, eta jadanik joera da hori. Hegemonia lehiatzeaz gain, serio pentsatu beharko dute herrigintzaren ikuspegitik elkarlan sendoagoa jorratzea. Nafarroan, aldiz, emaitza hauek erakutsi dute posible dela PSNrik... [+]


Ultraeskuinaren itzala Europako hemiziklo nagusian

Alderdi ultraeskuindar eta populistak indar handiz sartu dira euroganberan.Frantzian Fronte Nazionalak panorama politikoa astindu du, eta Espainian bipartidismoak galera itzela izan du.


2014-05-29 | Ane Lusarreta
Podemosen arrakastaren lau gako

Eduardo Muriel kazetariak Podemosek Europako hauteskundeetan izan duen arrakasta aztertu du La Marea hedabidean.


Eguneraketa berriak daude