UPyD eta EAJ talde berean ariko dira Europako Parlamentuan

Urko Apaolaza Avila @urkoapaolaza
2014ko ekainaren 18a
Sosa Wagner UPyDko burua Europan, Bruselako ganberan egindako interbentzio batean.

UPyDko lau parlamentariak eta Ciudadanoseko biak liberalen taldean jardungo dira Bruselan, Sosa Wagner UPyDko zerrenda-buruaren esanetan “Espainiako lurralde batasuna” defendatzeko asmoz. CiUk eta EAJk euren kontrako botoa aktan jasotzeko eskatu dute, Convergènciako parlamentari Ramon Tremosaren esanetan Rosa Díezen alderdiak ez duelako “printzipio demokratikoa eta Kataluniako Parlamentuaren gehiengoak esandakoa errespetatzen”.

Talde barruan erregioetako autogobernuen azpitaldea sortu dute eta bertan, besteak beste, herritarren erabakitzeko eskubidea aztertuko dute. ALDEko presidente Guy Verhofstadt-ek esan du liberalen taldeak ez duela asmorik iritzia emateko lurraldetasun kontuetan.

ALDEn 67 europarlamentari daude oraingoz, ganberako hirugarren indarra da, baina azkeneko hauteskundeetan 25 parlamentari galdu zituen eta babesak lortu nahian dabil kosta ahala kosta. Hain justu Flandriako Aliantza Berria (N-VA) eskuineko alderdi independentistak bere 4 parlamentariak talde horretan sartu ala ez erabakiko du aurki.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Europako Hauteskundeak 2014  |  CiU  |  N-VA  |  EAJ  |  UPyD  |  Erabakitzeko eskubidea

Europako Hauteskundeak 2014 kanaletik interesatuko zaizu...
Azkenak
EGILEA
Eguneraketa berriak daude