Euroeszeptikoen igoera kezkagarria

  • Atzoko hauteskundeek utzitako titular nagusia Europa mailan alderdi euroeszeptikoek izandako igoera da ezbairik gabe. Ultraeskuinari dagokionean, arreta gehien bereganatu duen kasua frantziar estatuko Front Nationalen kasua izan da. Marine Le Penen alderdi ultraeskuindarrak bozen %25,4 lortu du, 2009an lortutako %6,3a lau aldiz biderkatuz. Mantxako kanalaren bestaldean, Nigel Farageren UKIP (United Kingdom Independence Party) alderdiak irabazi ditu hauteskundeak, Britainia Handiko botuen %29 ingururekin.


2014ko maiatzaren 26an - 00:00
Azken eguneraketa: 2015-02-26 13:37:33

Frantziar estatua eta Britainia Handiaz gain, ultraeskuinak sekulako emaitzak lortu ditu beste hainbat lurraldetan ere. Danimarka eta Austrian bozen %20 baino gehiago lortu dituzte, eta Hungaria, Finlandia eta Grezian %10 baino gehiago.

Aldi berean, espektro politikoaren beste aldean kokatzen diren zenbait alderdik ere oso emaitza esanguratsuak izan dituzte. Grezian, Syriza alderdi ezkertiarrak botuen %26,5ekin irabazi ditu hauteskundeak. Italian, Movimento 5 Estellek bozen %25,5 lortu du. Estatu espainiarrean berriz, duela lau hilabete sortutako Podemos alderdia laugarren indarra izan da.

Alderdi hauen igoera ohiko alderdi hegemonikoen krisiaren ondorio da. Krisi ekonomikoak agerian utzi du egoerari erantzun positibo bat emateko hauen ezintasuna. Sozialdemokraten kasuan gainera, eskuineko alderdiek aplikatutako neurri neoliberal berberak hartu izanak are gehiago ondoratu ditu. Ikus PASOK Grezian, PS frantziar estatuan edo PSOE espainiarrean.

Testuinguru horretan, krisiaren eraginik latzenak pairatzen ari direnen haserrea bideratzen jakin dute hasieran aipatutako alderdiek. Horren adibide da Front Nationalek emaitzarik onenak langile eta gazteen artean lortu izana.

Dena den, eta oso emaitza deigarriak izan arren, mugatua da alderdi hauek Europarlamentuan izan dezaketen eragina. Alderdi euroeszeptikoek 130 ordezkari inguru izango dituzte, baina izen horren atzean sailkatu ohi diren alderdien arteko ezberdintasunak handiegiak dira Parlamentuan bloke gisa funtziona dezaketela pentsatzeko.

Aldiz, benetan kezkagarria izan daiteke UKIP eta FN alderdien gorakadek Europako bi estatu garrantzitsutako joko-zelai politikoan eragin dezaketen radikalizazioa. Ikusi egin beharko da ultraeskuinaren igoerak zein puntutaraino gogortzen duen ohiko alderdi kontserbadore hegemonikoen diskurtsoa muturreko alderdiotara joandako boto emaileak berreskuratzeko estrategia gisa, eta horrek Europar Batasunean izan dezakeen eragina.


Kanal honetatik interesatuko zaizu: Europako Hauteskundeak 2014
UPyD eta EAJ talde berean ariko dira Europako Parlamentuan

Europarako Liberal eta Demokraten Aliantzak (ALDE) UPyD alderdia onartu du, talde berean dauden EAJ eta CDCren kontrako botoekin. Trukean, autogobernuari buruzko azpitaldea sortzea onartu du ALDEk.


2014-06-09 | Judith Perez
Syriza: "Euroeszeptikoak boterean daudenak dira"

Europako hauteskundeen ostean Syriza, Greziako ezkerreko koalizioa, herrialdeko lehen indar politikoa bihurtu da. Kostas Isychosek, alderdiaren kanpo politikaren arduradunak, “politika alternatiboentzako itxaropen boto” gisa deskribatu ditu emaitzak, Marta... [+]


Posible da PSNrik gabeko gobernu alternatiba

EAJ eta EH Bilduren emaitzak bloke abertzalea biziki sendotu dute, eta jadanik joera da hori. Hegemonia lehiatzeaz gain, serio pentsatu beharko dute herrigintzaren ikuspegitik elkarlan sendoagoa jorratzea. Nafarroan, aldiz, emaitza hauek erakutsi dute posible dela PSNrik... [+]


Ultraeskuinaren itzala Europako hemiziklo nagusian

Alderdi ultraeskuindar eta populistak indar handiz sartu dira euroganberan.Frantzian Fronte Nazionalak panorama politikoa astindu du, eta Espainian bipartidismoak galera itzela izan du.


2014-05-29 | Ane Lusarreta
Podemosen arrakastaren lau gako

Eduardo Muriel kazetariak Podemosek Europako hauteskundeetan izan duen arrakasta aztertu du La Marea hedabidean.


Eguneraketa berriak daude