Altsasukoen askatasuna eskatu dute 5.000 pertsonak

  • Gazteen espetxeratzetik urtebete pasa dela salatzeko plataformak deitutako manifestazioa jendetsua izan da igande eguerdian Altsasun. Antolatzaileek bi dei egin dituzte: batetik, auziaren kari antolatutako literatur lehiaketan parte hartzeko. Bestetik, ostegunean, 19:00etan Gure Etxea eraikinean eginen den asanbladan parte hartzea. Horretan hurrengo jarduerak zein diren adostuko dute.

Guaixe .eus @guaixe
2017ko azaroaren 27a
Milaka lagun bildu dira Altsasun gazteen espetxeratzetik urtebetera. (Arg.: Ekin Klik)

Altsasukoak Aske herri asanbladak 5.000 pertsona batu ditu igandean Urte bat espetxean, Altsasukoak Aske, Adur, Jokin, Oihan askatu lelopean egin den manifestazioan. Txalo artean abiatu dira Iortia kultur guneko zabalgunetik manifestazio buruan zihoazen asanbladako kideak eta haien atzetik Altsasukoak aske pankarta handia zeramaten gurasoak. Bidean hainbat lelo oihukatu dituzte: Altsasukoak aske; Adur, Jokin, Oihan, askatu; Hau ez da terrorismoa edo Justizia nahi dugu. Manifestazio burua Erkuden eta Amaia kaleen bidegurutzera iritsi denean akabera Bakea kalea eta Amaia kalean zegoen. 500 metroko espazioa hartu du mobilizazioak eta manifestari guztiei puntu batetik pasatzea ia 12 minutu kosta zaie.

Manifestazioa deitu ondoren etorri zen epaiketaren dataren jakinarazpena: 2018ko apirilaren 17tik 27ra egingo da. Ordurako preso dauden hiru gazteak 17 hilabete eginen dute kartzelan. Herri asanbladatik gogoratu dute defentsen proba asko “tribunalak arbuiatu” egin dituela: “Horrek dugun beldurrean berresten gaitu, iruzurrez beteriko epaiketa zikin bati egin beharko diogu aurre. Gezurrek jarraitzen dute, manipulazioek jarraitzen dute… muntaia aurrera doa”.

Horren aurrean, herri asanbladatik adierazi dutenez, “elkartasuna dugu indar, eta indartsu gaude”, nahiz eta aitortu “urte gogorra” izan dela. Hedabide batzuek hasieran izandako jokabidearekin, sarekadarekin gero, “honek guztiak ezkutatzen zituen interesez kontziente izan ginen, baita muntaia hau elikatzen duten estamentuen potentziaz ere”. Salatu dutenez, “Altsasu kriminalizatzeko makineria oso bat jarri zuten martxan, zilegi diren ideiak zein aldarrikapenak kriminalizatzeko, gazteria kriminalizatu eta zigortzeko”. Horretarako hamar gazteren bizitza aurretik eraman dutela nabarmendu dute eta haiekin herri osoarena ere bai.

Ondoko datuak ere jakinarazi dituzte: Altsasuko gurasoen manifestuak 80.000 sinadura lortu ditu –hemen sina daiteke–; orain arte 53.000 euroko gastua izan dute auzipetuen familiek eta 182.000 km egin dituzte espetxe bidaietan.

Hurrengo hilabeteetako 14. egunetako mobilizazioak eta eguberrietakoak zehazteko batzarra deitu du herri asanbladak. Ostegunean izanen da, 19:00etan, Gure Etxea eraikinean.

Albiste hau Guaixek argitaratu du eta ARGIAra ekarri dugu CC by-sa lizentzia  baliatuta. Argazkiak, aldiz, Ekin Klik-ekoak dira.

 

 

Kanal hauetan artxibatua: Altsasuko gazteak  |  Euskal gatazka  |  Guardia Zibila

Altsasuko gazteak kanaletik interesatuko zaizu...
2018-04-23 | ARGIA
Bi guardia zibil eta forense baten deklarazioekin ireki da epaiketaren bigarren astea

Bigarren astean sartu da Altsasuko gazteen kontra Madrilgo Audientzia Nazionalean egiten ari diren epaiketa. Gaur beren lekukotasuna hartu zaie Guardia Zibileko bi agenteri eta liskarrean zauritutako agenteak bezala beren bikotekideak artatu zituen mediku forentseak.


2018-04-23 | Miren Osa Galdona
Adituen deklarazioak funtsezkoak izango dira Altsasuko gazteen aurkako epaiketaren bigarren astean

Defentsa, akusatu eta hainbat testiguk pasa den astean deklaratu ostean, poliziaren txostena osatu zuten hamabost adituk hitz egingo dute epailearen aurrean bigarren asteko lehen egunetan. Akusazioaren bertsioa indartzeko balio lezake, orain arte ez Koxka tabernako jabeak ez zerbitzariek ez baitute eurek esandakoa babestu.


2018-04-20 | Xabier Letona
50,000 People Demand Justice for the Altsasu Young People

On 14 April the biggest demonstration in Iruñea for a long time was held in support of the ten young people from Altsasu, Navarre, who are going to be tried in Madrid. Some people thought it was the biggest demonstration ever held there: the municipal police state that 38,000 people took part, while the organizers say that 50,000 did. Claiming that a brawl in which they took part was "terrorism", the prosecutor has called for them each to be imprisoned between 50 and 62 years.


Altsasuko Gurasoen asteazkeneko kronika

Astelehenean eta asteartean bezala, goizeko 9:00etan Auzitegi Nazionaleko sarreran elkartu ginen, kamera batzuk gure zain zeuden jada, eta beste batzuk etorri ziren; hiru egun damazkigu eta pausu berberak errepikatzen dira beti.


Koxkako tabernariak deklarazioan "esan ez zituen gauzak" txertatutako dokumentua aurkeztu du akusazioak

“Nik igandean deklaratu nuen, baina esan ez nituen gauzak daude dokumentuan”, esan du Altsasuko Koxka tabernako jabe Iosu Muñoak.


2018-04-18 | Hala Bedi
Ertzaintza ikasleen aurka oldartu da Gasteizen, Altsasuko gazteen aldeko mobilizazioan

Baimen eza argudiatuta, Ertzaintza Gasteizko Campuseko ikasleen aurka oldartu da, hainbat ikasle kolpatuz. Datozen egunetan, Altsasuko gazteen alde “zarata ateratzeko” deia egin du Altsasukoak Aske Gasteiz plataformak: lau elkarretaratze ezberdin egongo dira.


2018-04-18 | Axier Lopez
Altsasuko auzia
Guardia Zibil baten emaztearen bertsioa gezurtatzen duen argazkia

Altsasuko gazteen aurkako epaiketan, asteartean Guardia Zibileko teniente baten emazteak –Maria Jose izenekoa–, behin baino gehiagotan adierazi zuen auzipetuetako bat, Adur Ramírez de Alda, kamiseta gorriz jantzita zegoela erasoak gertatu ziren gauean. Altsasuko gazteen gurasoek igorri duten argazki honetan argi ikusten da hori ez dela egia.


Azkenak
EGILEA
Eguneraketa berriak daude