Sutea piztu da berriz Zubietako erraustegian

  • Donostiako suhiltzaileek jakinarazi dutenez, erraustegiko biolehortze-plantan gertatu da ezbeharra.

Argazkia: Donostiako suhiltzaileak

2023ko urriaren 03an - 09:53
Azken eguneraketa: 11:56

Sute txikia piztu da astelehen honetan Zubietako erraustegian. Arratsaldeko 18:00ak aldera ohartu dira hondakin pilaketa batetik kea ateratzen ari zela. Sugarrak sortu aurretik, erraustegiko instalazioetatik ura irteten ari zen eta hondakinek jariatzen zuten kea gelditu zen.

Hortaz, erraustegiko instalazioetako segurtasun sistemak automatikoki hondakinei ura botatzen hasi ziren eta suhiltzaileak erraustegira bertaratutakoan, horretan jarraitu zuten. Sua berpiztu ez zedin.

Ez da lehen aldia

Zubietako erraustegiak aurretik ere izan ditu istripuak. Azkena, joan den uztailean gertatu zen bolumen handiko hondakinen hobian. Eta aurretik ere, hainbat arazo izan dituzte bertako transformadoreekin zein amoniako isuriekin. GuraSOSek jakinarazi duenez, uztailekoarekin batera gutxienez lau sute izan ziren errauste plantan, eta astelehenekoa bosgarrena izan da.


Kanal honetatik interesatuko zaizu: Gipuzkoako erraustegia
2024-05-20 | Usurbilgo Noaua
Erraustegia geratzeko protesta planta atariraino eraman dute

Zubietako erraustegia geratzeko Errausketaren Aurkako Mugimenduak deitutako oinezko martxan parte hartu dute larunbat goiz honetan.


2024-05-20 | Usurbilgo Noaua
"Itxi ezazue behingoz, alferrikako erraustegi zikin, arriskutsu eta garesti hau!"

Zubietako erraustegia ixteko eskaria atariraino eraman du Errausketaren Aurkako Mugimenduak larunbat honetan Lasarte-Oriatik abiatu duen oinezko martxan. Ertzaintzak sarbidea inguratua zuen atari horretan bertan plazaratu duen adierazpenean, erraustegia behingoz ixtea eskatu... [+]


2024-05-17 | ARGIA
Zubietako Erraustegira martxa egingo dute larunbatean Lasartetik abiatuta

Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.


2024-05-08 | ARGIA
Zubietako erraustegi inguruetan kutsaduraren "igoera kezkagarria" aurkitu eta martxara deitu dute

Zubietako erraustegi inguruan laginak biltzen bost urte daramatza ToxicoWatch fundazioak, metal astunen, dioxinen, PCBen eta PFASen bila. Horiek guztiak ageri dira laginetan eta gainera kutsaduraren “igoera kezkagarria” aurkitu dutela jakinarazi du Errausketaren... [+]


Eguneraketa berriak daude