Ordizian EH Bildu garaile botoen %45ekin
Ordizian parte-hartzea nabarmen handiagoa izan da bataz-bestekoa baino: %55,92k eman du botoa eta EH Bilduk irabazi ditu Legebiltzarreko hauteskundeak herri honetan. 1.747 (%45,3) boto lortu ditu, eta bigarren indarra izan den EAJk, berriz, 1.268 (%32,88). Duela lau urteko hauteskundeetan, aldiz, EAJ izan zen lehena, EH Bilduk baino 107 boto gehiagorekin.
Aurreko hauteskundeetako emaitzak ezagututa, EAJ eta EH Bilduren arteko oreka mantenduko ote zen galdegai egon da COVID-19aren berragerpenagatik hedabide guztietako lehen lerroan egon den Ordizia herrian. Hauteskunde aurreko azken astean horixe izan da gai nagusietakoa, eta Osakidetzak kalean jarri dituen karpa eta PCR masiboez gain, Adur Ezenarro EH Bilduko alkatea egin da ezagun, larrialdia kudeatzeko moduagatik.
Ikusteko dago gai honek eraginik izan ote duen Legebiltzarreko botoa ematerakoan. Hona hemen Legebiltzarrerako Ordiziako emaitzak, 6.996 biztanleko errolda izanik:
- EH Bildu: 1.747 boto (%45,3). 2016an 1.517 botorekin (%33,66) bigarren indarra izan zen.
- EAJ: 1.268 boto (32,88). 2016an 1.624 botorekin (%36,04) lehen indarra izan zen.
- PSE: 327 boto (%8,48). 2016an 390 boto lortu zituen.
- Podemos: 325 (%8,42). 2016an 634 botorekin hirugarren indarra izan zen.
- Equo Berdeak: 37 boto.
- Vox: 24 boto (%0,62)
- EB: 8 boto
- PUM+J: 2 boto.
- P-LIB: 1 boto.
AEBetako Berkeley Unibertsitateko irakaslea eta pentsamendu dekolonialean aditua da Ramón Grosfoguel. Artikulu honetan, Galiziako BNGren eta Euskal Autonomia Erkidegoko EH Bilduren azken hauteskundeetako emaitzez iritzia ematen du, Podemos alderdiko Juan Carlos... [+]
Hauteskundeak izan dira oraingoan Euskal Herriaren mendebalde honetan, eta horien ondoren gerta ohi denez, erabateko garaipen loriatsua (auto)aldarrikatzera abiatu da prestu irabazten lar ohituta dugun EAJ.
Luza dakioke gaur EAJri esaldi klasikoan egiten den galdera: Non dago... [+]
Demokrazian penko, suspentso, kate, gutxiegi. Politika egiteko oinarritzat hauteskundeak eta bozak dituen jendarte batek hori esan beharko lioke bere buruari herritarren erdiak "festan" parte hartu ere egiten ez duenean, ezta?
Data: 2020ko uztailaren 12a (igandea). Ordua: 13:00. Tokia: H. herriko bozkaleku nagusiko kanpoaldean dagoen banku bat. Eguraldia: orduak iraun dituen euri jasa baten azken tantak. Jende mugimendu etengabea atarian. Talde handirik ez. Gehienak banaka, binaka, trioren bat... [+]
Iñigo Urkullu jarduneko lehendakariak eta bere alderdiak hauteskunde kanpainan esan dutenez, “ezkerrekoak eta eskuinekoak jada ez dira existitzen”. Gaur egun EAEn nagusi den politikaren alternatibarik existituko ez balitz bezala, hau da, ez balego bezala... [+]