Lazkao Txiki inoiz baino presenteago Ordizian
Nexgraff grafitigileek amaitu dute Lazkao Txikiri eta euskarari eskainitako horma-irudia. Kolorez eta ikur sinbolikoz betetako muralak oihartzun handia izan du.
Amaitu dute Nextor eta Aitor Otaño aita-seme grafitilariek Lazkao Txikiri eskainitako horma-irudia. Uztailean Ordiziako Emaneurre taldeak murala egin ahal izateko diru bilketa jarri zuen martxan. Herri-proiektu honen helburua bertsolari goierritarra omentzeaz gain, euskararen aldeko ekintzak antolatzen dituen taldearen kezka bertsolariaren esaldi batekin islatzea zen. Honela dio muralean txertatutako esaldiak: «Martxa honetan aurki erderaz hitz egingo dugu euskaraz ari garelakoan».
Nextor Otañok NAIZ irratiari eskainitako elkarrizketa batean, horma-irudia gazteak ibiltzen diren kalea batean dagoenez seriotasuna kendu nahi izan diotela adierazi du. Errealismoa eta Lazkao Txikik bereizgarria zuen umorea uztartu nahi izan dituzte muralean. Emaneurre taldekoek proiektua burutu ahal izateko laguntza eskaini diete Nexgraff grafitigileei, Ordiziako herritar, elkarte, entitate eta Santa Maria Kaleko 18. atalondokoei eskerrak helarazi dizkiete euren sare sozialetatik.
Euskara eta Lazkao Txiki bertsolaria ditu oinarri Aitor eta Nextor Otaño @nexgraff aita-semeek Ordizian egindako horma irudiak. @EmaneurreTaldea-k sustatu du proiektua, euskararen etorkizunak kezkatuta, hizkuntzaren erabilera bultzatzeko.@aittor___https://t.co/4jp2qi9jok pic.twitter.com/zb7fYb2oNE
— Berria.eus (@berria) August 26, 2021
Leioako XXIII. Umore Azoka ospatuko da datorren asteburuan. Arte eszenikoetako 43 konpainia eta 90 emanaldi izango dira ikusgai; tartean izango dira Euskal Herriko hamazazpi konpainia.
Lau horma irudi egingo dira aurten. Urtero hainbat artista gonbidatzea da udalaren asmoa. Artista bakoitzak hamar urteko bermea ematen du bere horma irudia bere horretan mantenduko dela ziurtatzeko.
“Hedabideek isilarazten dutenaz mintzo dira hormak”, zioen erdaraz Barakaldoko mural batek 1990eko hamarkadan, horma-irudien eta pintaketen zeregin nagusia azpimarratu nahian. Ahots anonimoak dira, horman idatzitako hitzetik mintzo direnak, espontaneoak gehienak, gai... [+]
Street Art Cities plataformak egiten duen sailkapenean, munduko hirugarren onena hautatu dute Ondarroako Kamiñazpin dagoen Lian muralgilearen lana.
Zerbitzu sekretuen alorrean erabili ohi diren OSINT teknikak erabiliko dituen enpresa bat kontratatzeko proiektua lizitaziora atera du Gasteizko Udalak, Arabako Alea-k jakitera eman duenez.