Chivitek Senatuan esan du Cerdanen espetxeratzeak ez duela “loturarik” Belateko tuneleko lanekin
Belateko tunelen adjudikazioan ez zela irregulartasunik egon esan du Nafarroako lehendakari Maria Chivitek. Espainiako Senatuan egin du agerraldia, Koldo auzia ikertzeko batzordean.
aurre egingo dieten hedabide independenteak
Tentsio handiko agerraldia izan da Nafarroako Gobernuko presidente Maria Chiviterena Espainiako Senatuko ikerketa batzordean, Koldo auzia-ren harira, bereziki fokua jarrita PSOEko antolakuntza idazkari ohi Santos Cerdanengan. Ekainaz geroztik espetxean dago.
Ikerketaren adar esanguratsuenetako bat dira Belateko tunelak, N-121-A errepidekoak. Acciona, Servinabar eta Osés enpresek osatutako aldi baterako enpresen elkarketari esleitu zion obra Nafarroako Gobernuak, 62 milioi euro baino gehiagoko aurrekontuarekin. Servinabar enpresa nafarraren arduraduna Antxon Alonso zen, eta Servinabarren akzioen ia erdia, Guardia Zibilaren UCO ikerketa taldeak atzemandako dokumentu baten arabera, Santos Cerdánena zen. Orain, ikertzen ari direna da ea Nafarroako Gobernuak egindako esleipen horretan irregulartasunik egon ote zen edo ez.
Argi hitz egin du Chivite lehendakariak: "ez da inolako irregulartasunik egon", eta eskuin politikoak "vendetta" edo mendekua abiatu du, Nafarroaren izen ona zikintzea helburu duena. Are, Espainiako PPren Barcenas auzia oroituta, zera esan du: "Batzuen estiloa da disko gogorrak hondatzea eta desagerraraztea, eta besteona gisa honetako auditoriak deitzea".
Chivitek azpimarratu du kargu politikoek ez dutela "inoiz" esku hartzerik izaten halako proiektu edo lanen adjudikazioetan, eta Belateko lanen inguruan, Chivite bera "soil-soilik" arduratu zela "dena garaiz eta ondo" gauzatzeaz. Horretarako, Espainiako hainbat Ministerioekin gestioak egin zituela aitortu du. Galdetu diote ea Cerdánek eragiteko asmorik izan ote zuen Belateko tunelen obren esleipenean, eta Chivitek esan du ezetz, Cerdán presente egoten zela ministerioen eta Nafarroako Gobernuaren arteko bilera horietan, baina Cerdánen lana "Nafarroako diputatu izatera soilik" mugatzen zela.
Santos Cerdánen ibilbidea
Nafarroan egin du ibilbide politiko gehiena Cerdánek. 1999an afiliatu zen PSNn, eta hiru legealditan zinegotzi izan zen Milagron, bere herrian. Gero, 2014an, PSNko parlamentari lanetan hasi zen, baina legealdia amaitu aurretik, 2017an jauzia eman zuen Madrilera, Pedro Sánchez buruzagi sozialistak PSOEko barne hauteskundeak irabazi ondoren. 2021ean PSOEko antolakuntza idazkari izendatu zuten.
Hainbat hedabidetan azaldu izan denez, 2015ean hasi zen harremanetan Koldo Garcíarekin, artean biak Nafarroan zirela. Gero, biak Madrilera joan ziren. José Luis Ábalos politikari sozialistarekin egin zituzten harremanak han. Ábalos PSOEko antolakuntza idazkaria izan zen Cerdanen aurretik, baita Garraio, Mugikortasun eta Hiri Agendako ministroa ere.
Cerdán espetxean dago iragan ekainaren amaieraz geroztik. Birritan eskatu du epaiketa bitartean espetxetik askatzeko, baina epaileak ukatu egin izan du, "probak desagerrarazteko arriskua" dagoela argudiatuta.
.jpg)
Gaizkile elkarte baten parte izateagatik jarri diote kartzela zigorra; haatik, bestalde leporatzen zitzaionarentzat errugabetu du Pariseko Auzitegi Korrekzionalak. Frantziako presidentetzarako 2007ko kanpaina finantzatzeko Muammar Gaddafi Libiako diktadore zenarengandik... [+]
Nafarroako Gobernuak azken urteotako esleipen publikoen gaineko txostenak eskatu dizkio ustelkeriaren kontrako bulegoari Nafarroako Parlamentuko ikerketa batzordeak aginduta. Belateko txostenean, esleipena erabakitzerako orduan arau haustea ikusi du bulegoak.
Argentinako hainbat hedabidek Desgaitasun Agentzia Nazionalaren buru den Diego Spagnuoloren audioak zabaldu dituzte. Argentinako Gobernuan eroskeria dagoela aitortu eta azaldu du horietan Spagnuolok, eta ustelkeria kasu horren buruetako bat Argentinako presidente Javier Mileiren... [+]
Egun EH Bilduren esku dagoen udalak ia milioi bat euro itzuli beharko lioke foru erakundeari, duela hamairu urte, EAJ agintean zenean, diru-laguntza bat ez zelako behar bezala erabili, baizik eta iruzurra egiteko, EAEko Justizia Auzitegi Nagusiak berretsi duenez. Eskaerak erabat... [+]
Cerdán auziari loturiko Servinabar sozietatearekin eta Antxon Alonsoren beste hemeretzi enpresarekin kontratu publikorik izan ote den jakiteko aztertu ditu EAEko gobernuak azken hamar urteetako esleipenak. Antxon Alonsok Espainiako Senatuko talde politikoen galderak... [+]
2011n PSNren zerrendetan agertu aurretik, ustelkeria kasu batengatik auzipetutako Koldo García barakaldarrak eduki zuen ibilbidea argitara atera du Directa hedabideak: besteak beste, zabortegi bateko segurtasun zaindaria zela pertsona bati emandako jipoia edota... [+]
Espainiako presidente Pedro Sánchezek Madrilgo kongresuan aurkeztu du ustelkeriaren kontra bere plana, Santos Cerdán auziaren ondorioz oposizioak estu hartu ondoren. Bost atal nagusitan banatu du eta ELGA erakundeak gainbegiratuko luke kanpotik, betetzen ote den... [+]
Epailearen aurrean deklaratu du astelehen goizean Alonso enpresari gipuzkoarrak, Servinabar enpresaren jabeak, eta adierazi du Guardia Zibilak haren etxean aurkitutako agiriak ez duela balio, notarioarenera eraman ez zuelako. Accionako kontseilari Fernando Merinok ere deklaratu... [+]
Zezenketaren kontrakoa naiz, baina debekua heltzen den bitartean, jarraituko dut zezen-plazetan gozatzen”. Lagun baten iruzkin zinikoa gogorarazi dit Jose Luis Ábalos PSOEko ministro ohiaren azken polemikak.
Izan ere, Koldo ustelkeria kasuaren testuinguruan... [+]
Fiskaltzak Santos Cerdán PSOEko antolakuntza idazkari ohi nafarrari fidantzarik gabeko behin-behineko espetxeratzea eskatu dio astelehen goizean, eta ordu batzuetara, epaileak Cerdán espetxeratzea erabaki du. Cerdánek epailearen aurrean esan du legez kanpoko ezer... [+]
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
José Luis Abalos PSOEko ministro ohia eta Koldo García haren aholkulariaren ustezko ustelkeria kasuarekin lotu dute Santos Cerdán, PSOEeko diputatu eta antolaketa idazkaria. Guardia Zibilak Cerdánek Garcíarekin balizko ordainketez hitz egiten duten bost... [+]
Gasteizko Alde Zaharreko Pintore kalean, atari bateko lau etxebizitzen jabe da Luxury Rental Apartments enpresa. Horietako bi etxebizitza turistiko gisa alokatzeko Jaurlaritzaren beharrezko baimena eskuratu du enpresak, eskuratu aurretik ere alokatu baditu ere, baina Turismo... [+]
Hirigintza Sailak Luxury Rental Apartments SL enpresa zigortu du 2025eko urtarrilean, Pintore kaleko etxebizitza batean obra “klandestinoak” egitea egotzita. Enpresako partaidetzen %50 Gustavo Antépararena da, eta administratzailea bere bikotekidea... [+]