Argia Eta Arte Eskola Elkarrizketan

1982ko uztailaren 18an

"Arte Eskola"izeneko taldekoei elkarrizketa

Argia Eta Arte Eskola Elkarrizketan
Arte eskola, Zarautzen, Inurritza auzoan kokaturik dagoen txoko atsegin bat da. Bertara joan eta arte lanez enpapelaturiko atmosfera artean kontatu dizkigute zenbait bitxikeria. Zintzilik diraute amaitu gabeko zenbait tapizek, ondoan azken afarian sobratutako ardo botila nafartarrak.
Erakusketa bat egin berria dute Inurritzan, bertako festetan. Donostian «katilu» delako galerian ere aurki ditzakegu arte eskolako zeramika nahiz tapiz emanaldiak.
Duela hiru urte hasi ziren, talde gisan, zeramika ekitalditan. Gaur orain taldea iturburu eta helburutzat kontsideratuz aurrera darraikite. Inurritza auzoak, Zarauzko herriak badu guzti honi zer esana. Baita haiek ere. Ea ba arte eskola:
Zein arraio zarete, zarauztar izatez at?
"Arte eskola'' izeneko taldekoak gara. Zeramika eta tapiza lantzen dugun elkartea. Lagun talde bat. Lagun egin garen talde bat.
Artea lantzen duzuenez honen ispilutzat dituzue zeramika eta tapiza: arte lan hanek nola gauzatzen dituzue zuen eguneroko zerregitearen barnean?
Egunero azaltzen gara arte eskolara. Batzutan batzuek dira lan egiteko gogoa dutenak, besteak berriz ez. Alditan ideien bat daramagu, bestetan inspirazio bila hastea izan ohi da lehenengo pausoa, papera hartu boligrafoa eskuratu eta zer egin, zer?... beste batzuek inspirazioa tetxuan egonen delakoan ale! ba tetxuari so (gohiko gelan dantza ikasten dutenez egun hauetako batetan gure tetxu madarikatua terremoto gisan eroriko plas!) ea inspirazioa noiz etorriko zain begira.
Pixkanaka-pixkanaka kreatibitatea lantzera bultzatzen gaitu egunero joate horrek suposatzen digun diziplina maiteak. Haurrak ere gure artean direnez askotan lagungarri ditugu haien lanak. Bakarka lan egitez at garrantsitsuena taldea da, beraz zenbait arte lan guztion artean egiten ohi ditugu: muralak, zenbait tapiz, "Aa!!! baita garbiketa ere, denon artean. Elkarri aholkuak ematea egunerokoa da: "Horrela politagoa?... -Zergaitik ez den horrela egiten? e? -"hauexek izaten dira gure arteko animoak.
Duela hiru urte lehenengo zeramika irudia haiek sortzerakoan begi batzuekin ikusten zenituzten arte lan haiek, gaur experientzia aurrera, eta beste begi batzuez, –Zer aldatu, zer moldatu du zuengan artearekiko bilakaeraren sentitzeak?
Hasieran sartu eta ezer ez genekiela iruditzen zitzaigun. Konplejo hori gainditu egin behar izaten dugu. Gure orrua "Aupa txapuza!", zen, bai "Aupa lehenengo txapuza!". Gerorago kreazio lanari garrantzia ematera goaz, eta garai batetan sorturiko obreei maitasuna opa bazaie ere nork bere buruan superazio lanaren ordaina eskatzen dio. Hasiera batetan buztina hartu eskuez moldatu eta zoragarria zen zeramika irudi hura, nobetatea (berria) zen lehen kontakto inozente hura. Polita oso, benetan.
Gero, denbora nahiz experientzia aurrera, ikastea egarria. Lehen "potea", pote bat zen, berria zen zer bait, zeuk egina, sortua. Gerorago poteari forma konkretu bat, harmonia berezi bat, halako finura bat eman diezaiola nahi da. Mundu honetara murgiltzeak nork bere izatearen zati handi bat bertara bataiatzea suposatzen du. Horrela artearen mila sekretu polit aurkituz goaz, eta zeramikaren edo tapizaren ikuspegiari buruz artea bera gehiago apreziatzen ikasiz goaz. Bete betean sar, ikas, eta aurreratzeko.
Inurritzako auzoari, zarauztar herriari noiz aurkeztu dizkiezue zuen erakusketa saioak?
Lehehengoa auzoko festetan, San Pelayotan, duela hiru urte, ikasitako piezatxoak aurkeztuz, zoragarria izan zen, betez ere bultzada handia!!!, bigarrena udaletxe goian gabonak aldean, orain bi urte. Eta azkenengoa aurten Inurritzako festetan, eta kanpora begira Donostian "katilu"galerian.
Ikuslearen harrera zer nolakoa izan da?
Zarauzko jendeak asko lagundu gaitu. Lehenengo erakusketan dena saldu zen, eta animo beroak jaso genituen, Zarautzek ongi bezain ederki bultzatu gaitu egurrak emanez zeramika piezetarako, noiznahiean furgonetaren bat utziz... etc... Herri guztiak omen du gure piezaren bat, horrek arras pozten gaitu.
Mintza zaitezte zuen barne antolaketaz, diru iturritaz.
Barne antolaketa talde mailan komisioen bidez daramagu. Laberako komisioa, garbitasunarena, "relaciones públicas"... etc., iniziatiba orok bileretan erabakitzen ditugu, denon artean.
Batibat gure diru iturria erakusketak dira. Udaletxeak ere 20.000 ptaz eman zizkigun, langile kutxak zertxobait baita, baina momentu hauetan euskal gobernuari eskatu diogu labe berria bat erosteko dirua, guk orain erabiltzen duguna (labea) ikastolakoa bait da. Guzti honekin ere justu-justu mantentzen gara, eta zenbait materiala erosi ere: tornoak, esmalteak, etc...
Buztina esku artean, kolore edo esmelteen pintaketen mundu koloretsua... zer diozue prozezu honi buruz?
Buztina esku artean erabiltzeak eskua eta imajinazioa askatzen laguntzen digu oso. Gero irudia egosi, esmaltatu edo argizaia ematea prozezu luze bezain interesgarria gertatzen zaigu. Adibidez esmalteen munduan koloreak ezagutuz goaz gusto berriak gugan berpizten direlarik. Hasiera batetan lau margorekin jarduten genuen gero berriz milaka kolore deskubritzerakoan aukeratzeko posibilitateen ateak irekitzen zaizkigu. Azken finean irudiaren zatitxo txikiena ere gehiago apreziatzen dela konturatzen da.
Zein moetetako eta zein adineko jendea dago arte eskolan?
Denetik. Talde irekia gara. Baditugu zortzi urtetako haurrak, baita 61 urte dituen emakume heldu bat ere baina espiritu gazteduna (Xoxua). Tartean 20tik 25 bitartekoak gara gehientsuenak. Ez ditugu urteen kopurua mugatzen, denek baitugu denei zer irakatsia. Hauxe da gure filosofia. Oso ondo konpontzen gara, eta asko maite dugu elkar. Bakoitzak noski bere erara.
Aurrera begira, zer?
Jarraitu. Gauza edo arte lan berriak sortzeko izugarrizko gogoa dugu, baita kanpora irtetekoa eta kanpoko artea ikusi, gurean itxi gabe. Parisa igual joan zergaitik ez?... bai, baietz.
Aurreratzen duguna afarien juergak dira, hasiera batetan hilean afari bat antolatzen genuen ezagutu behar ginelaren aitzakiz, gaur egun berriz astean behin afaritxoa.
E!!! Afariak egiten ohi dituzuela! beraz "ARGIAko" irakurleok ere gonbidatzen al gaituzue, e?
Noski ba, zatozte! Afarira eta gure arte lanak ikusi nahiz zuek ere sortzera, -laister arte beraz-.
Pepita MENDIGUREN
32-33

GaiezKulturaKulturgintz
GaiezKulturaArteaEskolak
EgileezMENDIGUREN2Kultura

Irakurrienak

Matomo erabiliz

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Zenbat dugun kontatzeko!" Euskal Herriko mapa sortu dute

Euskal Irratiak

Efemeridea: Joxepa Antoni Aranberri ‘Xenpelar’ bertsolariak neskazaharrren defentsan bertso sorta argitaratu zuen

ARGIA

Israel ahulduta eta Iran boterea hartuta

Asier Blas Mendoza

"Nire burua duela 20 urte bezain indartsu ikusten dut"

Euskalerria irratia | Miren Mindegia

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude