Oporrik ez elkartasunari
Prekaritateak prekaritate, Euskal Herriko ezkerreko militanteak, oro har, ez gara txarto bizi. Udako oporrak dira horren adibide, asko baikara atseden plan bikaina dugunok; ikastaldi aroko gure ekologismoari, ordea, keroseno kiratsa dario. Zein baino zein hegaldi garestiagoak hartuko ditugu, lehia ahalkegarrian, nor urrunago, nor paradisu gentrifikatuago batera. Gerta daiteke zirrikitu bakartiak nahiago izatea eta, orduan, gure furgoneta kanperizatuekin abiatuko gara, bazter erromantiko-ezkutuenerainoko safari “mendizaleetan”, pneumatikoen lorratzaz mendia desondratuz. Betiere, nork selfie irribarretsuagoa, liluragarriagoa atera.
Bidegabekeriek ez dute etenik, ordea. Kaleratzeek, txakurren gehiegikeriek, eraso matxista/arrazista/homofobo eta abarrek... ez dute bakantzarik hartzen. Eta, oso zorigaitzez, Israeleko tankeek ez dute oporraldi tankera handirik.
Gure lan prekarioetan larruak utzi ostean, ordea, ez al ditugu guk ere merezi lantokietan luzaz borrokatutako opor horiek...?
Hegaldi bat hartuz gero, izan dadila borrokan diren herriei gure ekarpentxoa eskaintzeko. Urtero antolatzen dira brigadak munduko hamaika txokotara elkartasuna eramateko
Bada, Jaia bai, borroka ere bai! leloak, zaharra izanagatik, ez luke zertan modaz kanpo egon. Badira gure paisaia ederretan plan erakargarriak aukeran, dibertigarriak, borrokalariak, kulturaz eta esperientzia betegarriz josiak. Esaterako, EHZ, udako lehen hitzordu herrikoi handia; ekaina amaieran, Arberatze-Zilhekoan, txoko, eskaintza, giro eta antolakuntza paregabeak! Jarraian, Hatortxu Rock: presoen aldeko jairik erraldoienaren azken emanaldia izango dugu aurten Lakuntzan. 100 kontzertuotan ozen abestuko dugu, azken presoa etxeratu arte borrokan jarraituko dugula!
Bi festibalotan dugu parada hainbat hitzaldi edota tailerretan esku hartzeko; berbarako, Joxemi Zumalabek antolatuko dituenak Herri Mugimendu(ar)en eraginkortasun politikoari buruz hausnartzeko. Zein eragin izan dute azken urteotako aldaketa politikoek mugimendu borrokalarietan? Militante izan ala ez, denak gonbidatuta gaude gure iritzia ematera!
Eta aizu, hegaldi bat hartuz gero, izan dadila borrokan diren herriei gure ekarpentxoa eskaintzeko. Oraindik ere, urtero antolatzen dira brigadak munduko hamaika txokotara elkartasuna eramateko. Orobat, Palestinaren alde hemen egiten dugunak ezer gutxirako balio duela pentsatu ohi dugu, ikusita sarraskiak ez duela etenik. Bada, ekaina erdialdean, adibidez, deialdia egin zuten Egiptora bidaiatzeko Gazako mugan presioa egiteko helburuz. Etorriko dira deialdi gehiago! Oporretan ere, elkartasunari eutsi!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Suaren presentzia naturan milioika urtetan izan da (gizakion agerpena baino askoz lehenagotik). Horregatik, ohikoa da landare askok suaren aurrean adaptazio ugari edukitzea. Gure inguruan arruntak diren arteek eta ametzek, adibidez. Baita txilar askok eta otea bezalako sastraka... [+]
Ikasturte berriarekin batera, EHU Palestina plataformako kideok berriro batzen hasi gara, ikasgela, ikerketa eta gainerako unibertsitate-jardueretan Palestinan Israel egiten ari den genozidioa eta horren konplizeak salatu eta baztertzeko. Abiatu ginenean oso bakarti sentitu... [+]
Iraila, errutinara buelta, askorentzat ikasturte berria eta horri dagozkion zirrarak: ikasturtea norekin konpartitu, nor izan alboan, zer ikasi, nola eta nora joan… Batzuentzat, esperientzia berriak bizitzeko lehen aldia.
Aldiz, beste batzuentzat esperientzia berririk... [+]
Ez dakit literatura-ikasketak egin ditudanarengatik den, baina nekez onartzen dut hitzen erranahien deformatze ideologikoa. Azken hilabete hauetan, eta bereziki Frantzian Bruno Retailleau Barne ministro denez geroztik, militante hitza zentzu arrunt peioratiboan erabilia da. Nik... [+]
Genozidioaren faseak, guztiak larriak izanda ere, une batzuetan eskandalagarriak, zaratatsuak, izan ohi dira, baina beste zenbait unetan isilean garatzen dira, ia oharkabean.
Entzutetsuak dira populu indigenen sarraskia Amerikan, Gernikako bonbardaketa, holokausto nazia... [+]
Grebek laguntzen digute ideologizazioan, kontzientziazioan, kolektibizazioan. Greba prozesu bat da, lanuzteaz harago. Epe motzean emaitzak lortu gabe ere –galdetu bestela Gasteizko lorezainei edota Gipuzkoako erresidentzietako langileei–, borrokarako eta... [+]
Abuztuaren erdian hasi zen eskubaloira entrenatzen seme zaharrena; irailetik aurrera, astean lau entrenamendu ditu (hiru tekniko, bat fisikoa) eta asteburuetan partida. 15 urte ditu. Erdikoak, eskola-kirolaz gain, futbola eta eskubaloia. 9 urte ditu. Etxeko agendan, leku gehiena... [+]
Interneteko plataforma boteretsuenek fenomeno bat sortu dute: euren sistemen baitan, negozio eredu “burujabeak” sortzearen ilusioa.
Australiako Glitch estudioak Guiniverreko zaldunak 2D animazio telesaila argitaratu berri du Youtube plataforman. Istorioan, Dana... [+]
Pasa den asteburuaren atarian, eta, oraingoan bai, hainbat hedabidetan Bernedoko udalekuetan gertatutakoa (Dutxa hotz bat denontzat) masiboki hedatu ostean, iritsi zen hezitzaileen adierazpena. Bertan, beraien “oinarri ideologikoak argitzea” eta “egiteko moduen... [+]
Euskal Udalekuetan egondako haur eta gazteen guraso edo/eta tutore legal gisa, babes osoa adierazi nahi dizuegu Bernedoko begiraleoi. Guztiz gaitzesten ditugu hezitzaileak jasaten ari zareten jazarpena eta sare sozialen bidez, publikoki zein maila pribatuan, egin zaizkizuen... [+]
Gure alaba nagusia Euskal Udalekuetara joan zen lehen aldian, 2019an, eraldatuta itzuli zen. 15 egunetan hazi egin zen, eta ez fisikoki bakarrik; arrunt pozik zetorren, hunkituta eta bere abenturak kontatzeko gogo handiz; ezin genion jarraitu, horren azkar hitz egiten zuen... [+]
Gauza garrantzitsu asko gertatzen ari dira Palestinan, Euskal Herrian eta munduan. Espantu israeldarraren aurrean Euskal Herrian inteligentzia kolektiboa martxan dago, inoiz baino indartsuago. Jende ezberdin asko, toki ezberdin askotan, gauza ezberdin asko egiten ari da... [+]
Palestinan gertatzen ari diren gizadiaren aurkako krimenak “berariaz gaitzesten ez dituzten” Israelgo erakundeekin harremanik ez izateko 2024ko apirilean EHUko Gobernu Kontseiluak hartu zuen konpromisoaz gain, beste urrats bat eman du euskal unibertsitate publikoak... [+]
Aurtengo uda garaian 46 gradutara iritsi da tenperatura Espainia eta Portugaleko leku batzuetan. Europako beste leku batzuetan ere 40tik gorako tenperaturak izan dituzte, baita Euskal Herrian ere. Iaz baino tenperatura altuagoak izan ditugu eta aspalditxo izan ditugun handienak... [+]
