Burujabetza eta herri boterearen aldeko topaketak Tafallan
Topatu eta topa! Tipi-tapa, elkarrekin ekin eta, bidea, eginean egin aurrera. Mahaiak, aulkiak, koadernoak eta boligrafoak, platerak, konfidentziak, tragoak eta ahotsak, eskuak, ideiak eta barreak, borrokarako besarkada gozoak. Txistulariak bileran, erraldoiak lasterka eta txikiak auto-antolakuntzan. Postuetan kilometrorik gabeko trukeak. Keinu txikiak, urrats handiak. Hariak ehuntzen, sarea eta konspiraziorako tartea. Hori guztia eta gehiago, maiatzaren 24an, Tafallan.
Konspirazioa... hori hitz ederra hori! Gure herrian zer edo zer badakigu horri buruz, bai. Hainbat gazte zorok herrietako elizetan ikurrinak jartzen hasi eta elkarri lotuta gotzainari titiak erakusten amaitu genuen; hamaika kartzelatatik ihesi, korrika-korrika etorkinekin mugak apurtu ditugu; harresiak hegaz igo dituzte batzuek, lurrean eserita elkartasun harresiak eraiki besteek; margotu ditugu hamaika mila aldarri, kaleak, kaiak eta hegazkinak; lurrak okupatuz, okupatzaileen handinahikeriak lurrez estali ditugu.
Herri mugimendua zabala eta aberatsa da Euskal Herrian. Elkartzen garenean, indarrak biderkatu eta gauza handiak egiteko gai garela ikusi eta ikasi dugu
Herri mugimendua zabala eta aberatsa da Euskal Herrian. Elkartzen garenean, indarrak biderkatu eta gauza handiak egiteko gai garela ikusi eta ikasi dugu. Horra, azken hilabeteotan egindako ekimen jendetsuak, Palestinaren alde edo Aroztegiaren makro-proiektuaren aurka. Amuarrainak begi bi, sei ezkailuk hamabi, abesten genuen aspaldi. Bada, Burujabetza eta herri boterearen aldeko topaketen helburua da Euskal Herriko herri mugimenduari tresnak eskaintzea elkartzeko eta elkarrekin eragiteko; norbere aldarri eta ekinbideari eutsiz, norgure indar eta makulu bilakatu gaitezen.
Nola egingo dugu hori? Arloz-arloko bilkurak aurrena, janean konspiratu eta dantzan iraultza eginez hurrena. Zer behar da bertan parte hartzeko? Ilusioa, ideiak, grina, begiak, belarriak eta ahoa (azken hiru horiek ez dira halabeharrezkoak). Amaraunaren sarea sareetan ere bada: www.bameh.eus hari muturren harila, guztion artean harilkatzekoa.
Txalapartaren deiadarra kale kantoietan barna dabil, itsasotik mendi tontorretaraino orroka! Euskal Herrian alternatibak badaude, eraiki ditzagun elkarrekin!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
2025eko Aberri Egunean, Imanol Pradales lehendakari jaunak “Euskadi Nazioa da” eta “hemen jarraitzen dugu eta jarraituko dugu, gure hizkuntzarekin eta gure nazio nortasunarekin, ez izan zalantzarik”, ozenki esan zituen.
Euskalduna naizen aldetik,... [+]
Aurten, berriz ere, Euskaraldia izan dugu. Bi astez, gure hizkuntza-ohiturei erreparatu diegu, geure buruari galdetuta zenbat eta nola egiten dugun euskaraz. Baina ariketa horretatik harago, galdera handiago bat ere pizten da: zeren araberakoa da hizkuntza baten biziraupena?... [+]
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Nahiz eta jakina izan inkestak ez direla errealitatearen isla zehatza, interesgarria da bistadizo bat ematea, beti eskaintzen baitigute gai zehatzekiko tenperatura sozialaren arrastoren bat. Are garrantzitsuagoak dira, gai zehatzetan sartuegiak edo katramilatuak egoteagatik,... [+]
Haurrak begiratzeko gure paradigma ez da erabat aldatu, baina aldaketak-edo egiten ari gara, egia da, beste kontzientzia maila batekin, aferak duen garrantziagatik-eta. Bazen garaia. Kontua da, baina, haurren bizitza gure esku dagoela, eta behar duten bizimoduan aldaketak... [+]
Stanfordeko Unibertsitateak dohainik eskaintzen duen Storm deituriko erreminta ezagutu berri dut. Adimen artifiziala erabilita, edozein gairen inguruan artikulu akademikoak sortzeko diseinatutako ikerketa tresna da. Fidagarriak eta baimenduak diren hamaika iturri erabiltzeko gai... [+]
Oraindik joan den astea asimilatzen nabil. Boterean daudenen eta botere ereduetan eragin nahi dutenen aldarriak ozen entzun ditugu nonahi. Sareetan zein kalean.
Izan diren manifestazio ezberdinetan, herrietako giza eskubideen garapen maila agerian geratu da. Amerikako Estatu... [+]
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]
Noizbehinka aipatu ohi da zientzia, edo hobe esanda akademia, gizartetik urrunegi dagoela. Gauzak honela, aditu eta arituen arteko distantzia ahalik eta txikien izatea da jasangarritasunaren zientziaren zioetako bat. Jasangarritasunaren arloan aritzen garen zientzialariok... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]
“Hauxe titulu bitxia” erranen du aspaldian leitzen nauen ARGIAko irakurleak. Jakingo du halaber Stanley Kubrick zinegilearen azken filmaren zale amorratua naizela. Horrek hura esplika dezake. Funtsean, begiak zabal itxita begiratzen diogu munduari, bereziki Gazako... [+]
Badirudi Europar Batasuna eskalada beliko betean sartu dela. Munduaren ordena geopolitikoa kolokan dabil eta Europak bertan zuen pribilegiozko lekua galtzeko arriskua ikusi du. Autonomia estrategikoaren lemapean, beste neurri askoren artean, industria armamentistikoa... [+]
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]