Bide luzea pauso ttikitan!
Bidea pausoka egiten da, eta hasiak egina dirudiela ikasi nuen aspaldi xamar. Baina jendeak esaldi hori edukiz betetzen ere ikasi nahi du. Bakarrik ezer gutxi lor genezake, hasi orduko etsi, akaso. Sekulako jendetza biltzeak ere antolaketa zaildu eta ikusi beharrekoa gandutu dezake. Txikitik handira, herri txikietatik, bailaretatik, hirietara iritsi asmoz, ekin zaio Gipuzkoako Goierrin energia lortzeko elkarlanari Hitzar kooperatibaren bidez.
Aurrez, Biziola martxan jarrita zegoen auzolanaren bidetik. Denbora laburrean, egoitza edo orubea jabetzan hartzeko gai izan dira, bertako edo gertuko jakiak nekazariei erosita –hori bai, dagokion salneurrian–, eta bazkideei nahiz erosle orori salduta. Batzuk ulertzen dugu horrelako proiektuetan inon baino kalitate hobeko jakiak eta merkeenak erosiko ditugula. Kalitatea agian bai, baina merke-zurrean ezin da. Dagokiona ordainduta eramango ditugu barazkiak edo dena delakoak, bertakoak izateak ez baitu esan nahi opari emango digutenik, hemen gauzak kostata izaten direla ongi baitakigu. Oso ona eta oso merke aurkitzen badugu zerbait, seinale norbaiti lapurtu egin diotela edo ez diotela dagokiona ordaindu, eta askotan, kosta zaionik ere ez! Horrek ere egiten du proiektu hau ezberdin, ingurumena zainduz, lanpostuak sortuz, ordainsari duinak emanez eta bazkideen (herritar oro izan daiteke bazkide) iritzia betez hartutako erabakietan oinarritzen dela.
Geuk ez badugu ekimena hartzen, irabaziak pilatzen ari direnek sinetsaraziko digute indar nuklearra energia berdea dela eta erremediorik gabe behar dugula
Adituek diotenez, klima aldaketa sekulakoa gertatzen ari omen, eta eman dituzten datuek hala baieztatzen digute. Leku dezentetan ari dira euriteak luiziak eragiten, eta urak bere bidea beti aurkitzen duenez, gizakiok behar ez bezala eta behar ez zen tokian eraiki duguna aurrean hartu eta eramango du, lehentxeago edo geroxeago. Zerk eragin ote du klima aldaketa hori? Kutsadurak ekarri ote lurra gehiegi berotzea? Euria non eta noiz egin gizakion kontrolpean dagoela ere egia ote?
Ez dakigu, baina argi dago, zenbait agintari egin eta desegin ari direla, han gerra eta hemen patrikak bete. Geuk ez badugu ekimena hartzen, oso ezagunak zaizkigun “euskal” aurretik jarri, eta irabaziak pilatzen ari direnek sinetsaraziko digute indar nuklearra energia berdea dela eta erremediorik gabe behar dugula, gainera! Eta Mercosur ezinbestekoa dugula gure oinarrizko beharrak asetzeko, eta kontuz, ez badugu hasitako bidean jarraitzen egia izango da, gainera. Dena besteek egiteaz ohitzen ari gara eta horrek izorratuko gaitu!
Neu bizi naizen eskualdea soilik aipatu dut, baina badakit Urola Kostan ere ari direla antzerako proiektuak gauzatzen eta, ziur baietz, beste eskualde batzuetan ere. Animo, eutsi goiari eta ez ahaztu: bide luzea, pauso ttikitan!
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Duela gutxi, asteburu berean, Ertzaintzak bi salaketa jaso ditu: lehenengoa, emakume kolonbiar batena; lekukoen arabera, ertzainak kolpeka jarraitu zuen lurrera bota ondoren eta konorterik gabe zegoela; ospitalean garuneko edema eta paralisi partziala diagnostikatu zizkioten... [+]
Frantziskok "Franciscomanía" zeinuarekin hasi zuen bere Aitasantutza. Fenomeno soziologiko horri esker, Vatikanoko boterearen zirrikituak aldez aurretik ezagutzen ez zituen gaztetasunaren ikono eta Elizako aldaketa-haizeen intsuflatzaile bihurtu zen.
Era berean,... [+]
Euskal Herriko Mugimendu Feministak aurtengo Martxoak 8ko mobilizazioak "faxismoaren, erreakzionarismoaren eta zapalkuntzaren aurkako aliantzak" ehuntzean ardaztu ditu.
Kepa Kortak Naiz-en idatzitako “Musikariaren jakituria” artikuluan faxismoa definitzeko... [+]
Harea-erloju baten bidez irudikatu ohi da denboraren joana. Ospatu berri dugu Saharako Errepublika Arabiar Demokratikoak 49 urte bete dituela iragan den otsailaren 27an. Urte hauetan guztietan, harearen pisuak ez du oraino estali Saharako populuaren askatasun-nahia eta... [+]
Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]
UEMAk Telegram bidez banatzen duen “Euskararen Hemeroteka” kanalean honoko titularrak irakurri ditut bata bestearen atzetik: “Gipuzkoak euskararen aldeko bide-urratzaile izateko ardura hartu du”, eta jarraian “Udaltzainen hizkuntza eskakizunen... [+]
Azken asteetan zenbait unibertsitatetako ate irekien jardunaldietara joateko aukera izan dut. Semea aztertzen ari da zer ikasiko duen datozen urteotan eta, erabakia hartu aurretik, komeni da aukera guztiak begiratzea. Unibertsitate bakoitzak badu bere misioa, bere izaera, bere... [+]
Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]
Ongi etorria eman digu Unai Mendizabalek A eredutik D eredura aldaketa egitea erabaki dugulako Judimendi auzo eskolan. Bidea malkartsua izango dela ere ohartarazi digu Armentia Ikastolako guraso eta Arabako Ikastoletako lehendakariak. Gure esker ona adierazi nahi diogu eman... [+]
Iazko udan ere Alacant aldera hurbildu ginen eguraldi hobea aurkitu nahian eta, urtero bezala, egun batez, Benidorm erraldoian sartu ginen hango giroan murgildu, zerbait hartu eta seme-alabekin izozki edo gofre bat dastatzeko asmoz.
Hiri bitxia da, denetarik aurki dezakezu... [+]
Bost urte igaro dira pandemiaren hasieratik. Pandemia horrek ekarri zuen denok zaintza eredua ezagutzea, inondik inora ere behar bezala ez zebilena. Egoitzetako kutsatzeen eta hildakoen datuak, batez ere pribatuetan, zifra hutsak baino askoz gehiago izan ziren.
2020ko... [+]
Duela aste batzuk, gurean egon ziren El Salvadorko eta Kanarietako emakumeen eskubideen aldeko hainbat aktibista. Sexu- eta ugalketa-eskubideez eta eskubide horiek urratzeak emakumeengan dituen ondorioez aritu gara; hala nola El Salvadorren berezko abortuak izanda homizidio... [+]
Tasa edo zerga turistikoaren eztabaida urtetan luzatzen ari da, erakunde publikoetan ordezkaritza duten indar politikoen artean zabala den arren ezarri beharraren gaineko adostasuna. Eztabaidetako bat da zerga hori zein erakundek kobratuko duen: zenbait udalek (tartean... [+]
Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]