Ez da sexua
Aldarri eta kanpaina, lege, arau, plan eta aurrekontu, babes-mekanismo eta zigor-makinaria oro gorabehera, etenik gabe jarraitzen dute kasu gogorrek eta jokabide zitalek betetzen albistegiak, tantaka zein zaparradan, eta gizon-desmasiak salatzeko protesta-ekintzek, manifestazioek, eta adierazpenek (eta aldian-aldian kontrakarrean agertzen diren ahopeko bestelako mintzo horiek, iradokitzen emakumeok ere bortitz jokatzen dugula gizonen kontra…).
Urko Olazabal aktoreak esan berri du: Nevenka filma gizonei zuzendua da batez ere, gizonek ondorioak ateratzeko beren portaerari buruz.
Eta eskertzekoak dira asmoa eta borondatea, baina etsigarria da ikustea egoera (gizonek emakumeekin abusu eta gehiegikerietan aritzeko joera) ez dela apenas aldatzen. Bat egin dute hedabideetan orain dela 24 urteko gertaera lotsagarriak eta Pélicot kasu are lotsagarriagoaren epaiketak. Ematen du denborak ez duela kontatzen, beti gaudela betiko tokian eta betiko eran, non gizonek (gutxi edo asko) uste baitute nahi dutena egiten ahal dietela mendean-edo hartzen dituzten emakumeei (emakume guztiei?).
Ematen du sexuaz ari garela, baina sexua azaleko geruza da, estalki deigarri eta morbosoa. Azpian, sakon-sakonean, sustraiak daude, disimuluan pasatzen direnak
Nevenkarena bezalako kasuek segitzen dute gertatzen. Eta bitxia dirudi Pélicot jauna izatea bere jokabidean “aitzindaria” (hura lehena, eta haren imitatzailea bigarren…). Harrigarria, zinez, gizon hori lehena izatea asmatzen halako plan sofistikatua, hain luze iraun duena, aurrekaririk gabe (aurretik beste gizon batzuk antzekorik egiten aritu gabe).
Eta ematen du sexuaz ari garela, baina sexua azaleko geruza da, estalki deigarri eta morbosoa. Azpian, sakon-sakonean, sustraiak daude, disimuluan pasatzen direnak, inoiz gutxi agerian erakutsiak (eta sexuaz besteko esparruetan ere eragina dutenak).
Batzuetan, norbaitek alfonbra punta batetik altxatu, eta hor dira sasi-bistan sakoneko arazoaren zantzu batzuk. Esaterako, idazle bat (bi, hiru, lau, gehienak emakumeak…) hasten da kontatzen ikerketa burutsuetan jaso gabeak: gizonen izu eta bertigo egoskorrak mendetako boterea askatzeko; emakumeon ulerberatasun infinitua gizonen botere- eta kontrol-nahiarekiko; eta guztion berreziketa erraldoi eta orokorraren beharra elkarren begirunean libre bizitzeko.
Euskal idazle batzuk (bi, hiru, lau, guztiak emakumeak…), ari dira orrialdeak betetzen eta zantzuak ematen, eta irakurle anitz ari dira orrialde horiek irakurtzen, hori poza! Baina, ai pena, estatistikek diotenez, emakumeei, gehien bat, emakumeek irakurtzen diete…
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Euskarak urte luzeetan ezaguturiko zapalkuntzaren ondorio larriak, frankismoaren errepresio itogarriak, baita gure hizkuntzarekiko erakutsi zuen jarrera erasokorrak ere, piztu zituzten herri honen euskaldungoaren kontzientzia eta oldarra. Eguneroko esperientziaren egoera larriak... [+]
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure... [+]
Sentitzen dut, baina kosta egiten zait sinestea. Yeray Alvarez Athleticeko jokalariak analisi batean positibo eman izanak berriro azaleratu du kirolean existitzen den dopinaren inguruko eztabaida. Eliteko kirolean, hobeto esanda; eta horra hor auziaren gakoa. Kirolari... [+]
Futbola herriaren opioa zela zioten batzuk; garrantzitsuak ez diren gauzetan garrantzitsuena dela pentsatzen dute hainbatek; kapitalismo basatienarekin lotzen duenik ere bada… Nire iritziz, gizartearen isla soila da; herritarron gabezia eta arazo askoren isla.
Ez zait... [+]
Hizkuntzalari ospetsu José Ignacio Hualdek hiru joera nagusi bereizi ditu euskaldun berrien artean, batuarekiko harremanari dagokionez: euskalki biziko herrietan, gazteek etxean euskalkia darabilte eta eskolan batua; gaztelaniaz hitz egiten den hiriguneetan, gehienek batua... [+]
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Komisaldegian paper batzuk eman dizkidate. Izerdi tanta bakarra dakit bekokian behera bularreraino, piztu aire girotua, mesedez. Parrandan ondoegi pasatzearen asuntoak, hurrengo goizean galdutakoak salatu beharra. Inozo aurpegidun munipa batek hurrengo asterako zita eman ahal... [+]
Lau hilabete daramatzagu greba mugagabean, hitzarmen propio baten eta lan-baldintza duinen alde. Lau hilabeteko greba honetan, udaltzainek piketeetan bortizkeriaz zapaldu gaituzte, hirian jarraitzen gaituzten eta mobilizazio bakoitzean zelatatzen gaituzten polizia... [+]
Urtebetetzeek eta urte aldaketek pilaketa bidezko eragina dute: alegia, banaka, gertatzen direnean, nik ez dut ezer sumatzen. Urtebetetzeetan, ondo xamar egin badut segundo batzuez olgatzen naiz (nire baitarako), nire garunaren zati batek ezin dio utzi zoriontzen dutenean... [+]
Etxe pareko lokala itxita, obretan, zerbait berria irekiko dutelako susmoa. Ez da izanen mertzeria bat, ez eta loradenda bat. Kasurik onenean taberna bat, ohikoa, auzokoa, eta txarrenean gastrobarra edo specialty cafe bat. Ez duzu dirurik bost euroko kafea erosteko. Ez duzu... [+]
Euskararen normalizazioaren motorrak herri dinamikara bueltatu behar du aurrera egin nahi badugu
Gaztetxo bati lehen mugikor adimentsuak eskaini beharko liokeena zer izan beharko litzatekeen hasi naiz pentsatzen. Nork daki, beharbada ordenagailuetarako Luberri edota Txikilinux sistema eragile libre euskaldunak sortu ziren bezala, mugikorretarako garatu liteke Linage... [+]