Zezenaren lasaitua
aurre egingo dieten hedabide independenteak
Pantxo zezena
Pello Añorga
Ilustrazioak: Jokin Mitxelena
Denonartean, Iruñea, 2023
----------------------------------------------------
Pello Añorgak eta Jokin Mitxelenak ibilbide luzea eta emankorra dute euskarazko haur liburugintzan. 40 urtetik gorako kolaborazio horren beste emaitza bat dugu Pantxo zezena albuma.
Liburuko azaletik bertatik ikus dezakegu Pantxo adar luzeak dituen zezen indartsua dela, baina, aldi berean, Pantxo baserrian lasai bizi den animalia dugu: “Pantxo zezena baserrian bizi zen beste animaliekin batera: antzarrekin, ardiekin, zerriekin, astoekin eta behiekin. Txikia izan arren, adarrak zituen handiak, eta orroka ibiltzen zen larre berdean, gustura”. Pantxoren bizi lasaia, baina, erabat aldatzen da pañeludunak agertu eta kamioi batean sartzen dutenean herriko festetan korrikalarien atzetik ibil zedin. Eta hain ondo egin zuen bere lana Pantxok, egun bakarrean ez, baizik eta egunero atera nahi izan zutela zezen plazan korrika egitera. Harik eta Pantxok planto egin arte.
Indarrez behartu zuten orduan eta Pantxok plazatik ihes egin zuen, banderilla bat bizkarrean sarturik, baserri aldera bere adiskideen laguntzari esker berriro libre eta larrean gustura egon arte.
Ferdinando zezenaren aire bat hartu diot nik Pantxori; liburu hura (Munro Leaf eta Robert Lawsonen artean egina) debekatuta egon zen herrialde askotan (Francoren Espainian esaterako; edo Hitlerren Alemanian erretzeko agindu zuten) indarkeriaren kontrako mezua zabaltzen omen zuelako; oraingo Pantxo honek ez du jendea adarkatu nahi, ez du zilipurdika bota nahi, nekatu egin da horrela aritzeaz; eta bere askatasuna, lehengo bizitza, berreskuratu nahi du.
Testu labur eta aberatsa, istorioa kontatzeko (irakurtzeko) oso aproposa eskaini digu Añorgak. Mitxelenak, berriz, irudi indartsuak eta zezenari garrantzirik handiena eskainita, ederki lortzen du kontakizunaren indarra eta mezua islatzea.
Alde horretatik, beraz, esperientzia atsegina izango du liburu honetara barneratzen den irakurleak; atsegina edo sentsazio eta sentimenduen gorabeheratsua, baina horrez guztiaz gain plazerezkoa testu eta irudien aldetik eta, Pantxok bezala, amaieran irribarre batekin lasaitua.
Kontra
Ane Zubeldia Mangriñá
Susa, 2025
----------------------------------------------------------------------------------
Hatz-mamiekin jarraituta irakurtzeko azalerak bildu ditu Ane Zubeldia Magriñák bere lehen poema bilduman: ur gainak, zuhaitz... [+]
Beste zerbait
Danele Sarriugarte
Consonni, 2025
------------------------------------------------------------------------------------------
Zazpi urte pasatu dira bigarren eleberria argitaratu zuenetik eta hamaika lehenengo liburutik. Bitarte honetan, baina, letrei... [+]
Eresia. Hil-kanta aitari
Goiatz Labandibar
Elkar, 2025
------------------------------------------------------------------
Goiatz Labandibarrek azken urteotan Amez (2022), Bekatua (2023) eta Zoo (2024) idatzi ondoren, Eresia. Hil-kanta aitari (2025) argitaratu berri du... [+]
Anatomia bertikalak
Lierni Azkargorta
Balea Zuria, 2025
------------------------------------------------------------------
Lierni Azkargortak Anatomia Bertikalak liburuaren aurkezpen saioan esan eta Berria egunkariak jaso moduan irakurri ditut poema gehienak: ozen, ahoz... [+]
Lautadako mamua
Xabier Montoia
Elkar, 2024
112 orrialde
Eleberri labur honetan egileak XIX. mendeko Euskal Herrira garamatza, sekulako sona hartu zuen Juan Diaz de Garaio hiltzailea duela protagonista. Arabako landa guneko jendarte tradizional eta giro hotzean barneratzen... [+]
Kanbodiako enbaxada
Zadie Smith
Itzulpena: Garazi Ugalde
Igela, 2022
-----------------------------------------------------
Batek baino gehiagok askatu ezin duen ideia faltsua da Europa jende berdinez soilik dagoela eraikita. Eta ez bakarrik faxistek. Egiatan, gutako... [+]
Carmilla
J. T. Sheridan Le Fanu
Itzulpena: maialen berasategi
Erein, 2025
------------------------------------------------------------------------
Literatura unibertsala bilduman argitaratu berri dute J. T. Sheridan Le Fanu irlandarraren 1872ko Carmilla. Maialen... [+]
Agur Karibu
Marian Porcel
Elkar, 2025
SIMULAKRO BAT
Leire Ugadi
Elkar, 2025
---------------------------------------------------------------------
Hitzak hautsi egin dezake, kolpatu, arrakalatu eta apurtu. Simulakro bat (Elkar, 2025) izendatu du Leire Ugadik (Urduña, 1996) simulakro hutsetik harago... [+]
Zoriona, edo antzeko zerbait
Karmele Mitxelena
Elkar, 2024
------------------------------------------------------------------
Helduentzat bigarren liburua du Karmele Mitxelenak. Lehenengoa ipuin liburua izan zen, eta honetan ere nabari zaio ipuingile eskua; izan ere,... [+]
Lur jota Parisen eta Londresen
George Orwell
Igela, 2025
George Orwell Abereen etxaldea (Animal farm, 1945) eta 1984 (1949) eleberriengatik ezagutzen dugu, euskarara itzuliak biak. Baina horien aurretik Down... [+]
Antzinako berri-berriak
Kae Tempest
Igela, 2022
-----------------------------------------------------------------
This poem was written to read aloud / Poema hau ozen irakurtzeko idatzi zen.
Horrela hasten da Kae Tempesten Antzinako berri-berriak liburua, lehen... [+]
Txori Gorri. Andre siux baten idazlanak
Zitkala- Sa
Testu zaharrak, 2022
Zitkala-Sa hegoaldeko Dakoten erreserban (AEB) jaio zen 1876an. Eskolan asimilazioan oinarritutako hezkuntza jaso zuen, eta horren... [+]
TARTARO
Testuak: Xantal Barnetxe
Ilustrazioak: Leire Perret
Ikas, 2025
--------------------------------------------------------------------
Tartaro infernuaren antzeko tokia dugu antzinako Grezian, baita pertsonaia mitologikoa ere, Virgiliok aipatua aspaldian eta... [+]