EAJ Putinen zerbitzura dago?

Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Georgiari buruz agerturiko azkeneko albisteak konektatuko bagenitu eta NATO zale sutsu bat izango bagina, Sabin Etxe inguruan dantzan dabiltzan batzuk bezala, erraz asko esan genezakeen Georgiako gobernu alderdia, Georgian Dream (GD), europar zaleak erreprimitzen dituen alderdi errusiar zale bat dela. Izan ere, aurten GDk babestu du Gobernuz Kanpoko Erakundeak (GKE) jopuntuan jartzen dituen lege proposamen bat, atzerriko funtsen %20 baino gehiago jasotzen duen edozein erakunde atzerriko agente gisa erregistratu dadin.

Georgian GKEak ia %100ean Mendebaldetik finantzatuta daude eta botere handia dute: funtzionarioak eta epaileak trebatzen dituzte, unibertsitateak kolonizatuta dituzte eta prozesu legegile eta politikoan parte hartzen dute. Boteretsuak dira eta, horregatik, azkenean lege proiektua bertan behera gelditu da, protestengatik eta Mendebaldeko herrialdeen presioagatik. Baina ez omen da nahikoa, Francis Fukuyamak eta Nino Evgenidzek Foreign Affairs aldizkarian diotenez; Georgian Errusia irabazten ari da GDri esker eta alderdi horrek, Andoni Ortuzarren hitzetan, “harremana du” jeltzaleekin.

2018ko irailean GDko ordezkariek EAJko Alderdi Egunean parte hartu zutenean dagoeneko belatz atlantisten jopuntuan zeuden. 2019an alderdiko burua den Irakli Kobakhidze egon zen eta hurrengo urtean, Eusko Legebiltzarrerako hauteskundeak egiteko bi egun falta zirela, EAJk bideo bat argitaratu zuen Kobakhidzek jeltzaleei babesa agertzen ziena. Ordutik bi alderdien arteko harremana estutuz joan da, GDren harremanak atlantistekin okertu diren erritmo berean.

Georgian Errusia irabazten ari da GDri esker eta alderdi horrek, Andoni Ortuzarren hitzetan, “harremana du” jeltzaleekin

2022an EBk Ukraina eta Moldaviari hautagai estatusa eman zien Georgia bidegabeki baztertuta uzten zuen bitartean, nahiz eta hiruren artean herrialde kaukasoarra izan hobekien prestatuta zegoena. Arazoa ez zen hautagaiaren egokitasuna, Georgiako Gobernuaren jarduera politikoa baizik. GD gobernura iritsi zenetik herrialdeak dituen arazo sezesionistak eta Moskurekin duen gatazka konpontzeko bake bidea lehenetsi du. Horrek Errusiaren eta Georgiaren arteko harreman ekonomikoak indartu ditu eta ondorioz, Tbilisik, Ukrainako errusiar inbasioa gaitzetsi arren, uko egin dio Errusiari zigorrak jartzeari. Horrek laguntzen du ulertzen zergatik AEBetako enbaxadoreak Georgian eta Kobakhidze liskar iraunkorrean dauden. Halere, 2023ko urtarrilean GDko liderrak Euskal Herrira bidaiatu zuen Sabino Arana Fundazioaren Saria jasotzeko.

Jeltzale batzuek Ukrainaz hitz egiten dutenean beste pertsona edo erakunde batzuk estigmatizatzeko erabiltzen duten logika binarista erabiliko bagenu, lasai asko esan ahal izango genuke bertsio leunean EAJ Putinen tonto erabilgarria dela edo, bertsiorik gogorrenean, Putinen agentea dela GD Mendebaldean baliozkotzen laguntzen duelako. Baina gu ez gara NAFO fellak.

GDk ideologikoki EAJren antza handia du: formalki zentro-ezkerreko alderdi gisa aurkezten du bere burua, baina praktikan neoliberala da eta diskurtso teknokratiko populista baliatuz sentsibilitate politiko desberdinetako bozkatzaileak bereganatu nahi ditu. Bakea, egonkortasuna, garapen ekonomikoa eta europar integrazioa dira bere diskurtsoaren ardatz nagusiak, baina horiek erdiesteko ezinbestean interes nazional georgiarra, apur bat bada ere, babestu behar du eta horrek haserrea sortzen du Mendebaldean. Ondorioa da hedabideek sinplifikazioak eta propaganda kanpaina handien bitartez alderdia errusiar zale bezala estigmatizatu dutela. Halere, zaudete lasai, EAJko jarraitzaile NATO zaleak, propaganda atlantistari kasu egiten ez badiozue ulertuko duzue EAJ ez dagoela Putinen zerbitzura eta ez dituela lagun errusiar zaleak Georgian.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
2024-07-17 | Gorka Menendez
Zenbateraino izan behar dira txikiak nekazari txikiak?

Gaur egungo ezker mugimenduaren zati handi batek, intuitiboki bada ere, eskala txikiko nekazaritza aldarrikatzen du zalantza askorik izan gabe. Hala ere, txikitasunaren aldarrikapen horrek baditu bere kontraesanak: tamaina txikiko ustiategi batek, definizioz, ezingo du elikagai... [+]


Euskaldunak

Eusko Jaurlaritza berriko bozeramaile Maria Ubarretxenak lehenengo elkarrizketa Euskadi Irratiari eman zion. Solasaldian asmoez jardun zuen, kontu orokorrak adierazi zituen, ezinbestean, gobernua martxan jarri berri zegoelako. Adeitsua izan zen tonua kazetari eta eledunaren... [+]


2024-07-17 | Iñaki Barcena
Ekofaxismoa al datorkigu?

Kapitalismoak sortutako krisi ekosoziala ondoez globala ari da eragiten planeta osoan. Baliabide material eta energetikoen "gailurrek", hazkunderako eta metaketarako mugak ezarriz, natura eta gizartearen arteko desorekak ekartzen dituzte. Estraktibismoaren gurpil... [+]


Defendatu behar duguna

Ikasle batek erran zidan, behin, testu bat aztertzen ari ginela: “Pertsonaia eri da: geldi-geldia pentsaketa ari da bere buruan”. Bistan dena, erranaldi horrekin, gaizki adierazi zuen gogoan zuen iruzkina, erran nahi baitzuen pertsonaiaren ezontsa nabari zela haren... [+]


2024-07-17 | David Bou
Agur esaten ikastea

Zerbaiti edo norbaiti agur esatea abandonuarekin, amaierarekin eta, azken batean, dolu-prozesuarekin lotutako ekintza izan ohi da. Seguru noizbait esango zenutela –edo norbaiti entzungo zeniotela– “ez zaizkit agurrak gustatzen” esaldi tipiko eta topikoa... [+]


Teknologia
Euskalgintza digital kritikoa

Euskara, eremu digitala den itsasoan ezagutzara eta harremanetara abiatzeko portua da. Adimen artifizialarekin, portu horretatik mundu osoarekin euskaraz harremanetan jartzeko aukera ematen dela dirudi. Euskararen automatizazioa laguntza ederra da belaunaldi berriekin euskal... [+]


2024-07-17 | Ula Iruretagoiena
Lurraldea eta arkitektura
Hemengoa

Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]


Materialismo histerikoa
Txatarra

Usainak keinuren bat eskatzen zuen, baina berak egin ez zuenez (ezin zitekeenez beste usainik espero), besteok ere ez. “Ez, ez, ez daude denak. Bizirik dirautenen atalik ez dago, ez dut inor bizirik utzi, adibidez, ezpainik gabe (ikusi dituzue? Horiek perfektuak iruditzen... [+]


Meaka-Irimo bizirik!

Enpresa batek Irimo mendian zentral eolikoa eraikitzeko asmoa zuela iragarri zigun aspaldi batean haize kolpe batek. Gehienek ezin zuten sinistu, inondik ere. Are gutxiago Irimo mendiaren orografia eta izaera harritsua ezagutzen dituztenek. "Baina ba al dakizu ze nolako... [+]


2024-07-10 | Roser Espelt Alba
Industria-politikaren egia deserosoa

Mundu mailako ekonomiak gorakada nabarmena izan zuen COVID-19aren ostean. Orain, baina, gorakada hori agortze-fase batera heldu den zantzuak agerikoak dira, krisi klimatikoak nabarmen baldintzatuta: munduko potentzia nagusien ekonomiaren hazkunde-tasa murrizten ari da,... [+]


Eguneraketa berriak daude