Azterketak euskaraz egitea aldarrikatzeko Bordeleko errektoretzan kateatu dira Seaskako langile eta gurasoak
Frantziako Hezkuntza Ministerioak hizkuntza gutxituekiko eta bereziki euskararekiko duen politika "baztertzailea" salatzeko egin dute ekintza. Frantziako Polizia lekura agertu da eta Seaskako kideek ekintzaren arrazoiak esplikatu dizkiete. Bi ordu eta gero ekintza amaitutzat eman dute.
aurre egingo dieten hedabide independenteak
Seaskako 30 bat langile eta guraso azterketak euskaraz egin ahal izatea aldarritzako Bordeleko errektoretzan kateatu dira, Frantziako Hezkuntza Ministerioak hizkuntza gutxituekiko eta bereziki euskararekiko duen politika "baztertzailea" salatzeko. Batzuk sarrerako atean kateatu dira eta beste batzuk errektoretzako teilatura igo dira pankartak eskegiz. "Mespretxuari stop" eta "azterketak euskaraz" dioten bi pankarta zabaldu dituzte.
Frantziako polizia ekintzaren lekura gerturatu da. Berriako Ekhi Erremundegi kazetaria bertara joan da eta jakitera eman duenez, atezainak poliziari esan dio jendea teilatura igo delako deitu dituztela eta jada jaitsi direla. Hala ere, bertan geratu dira poliziak eta Seaskako kideek ekintzaren arrazoiak esplikatu dizkiete.
Jon Eiherabide gurasoak sentitzen duten haserrea adierazi du. Egoerarekin aspertuta daudela esan du: "Badira urteak zilegi zaigun gauza bat eskatzen ari garela, azterketak euskaraz egitea". Bordeletik edo Paristik erantzun bat behar dutela gehitu du.
Jon Eiherabide gurasoak sentitzen duten haserrea adierazi du. "Bordeletik edo Paristik baina erantzun bat behar dugu" @berria pic.twitter.com/aIS6005YcN
— Ekhi Erremundegi (@EkhiErremundegi) February 22, 2023
Elena Etxelet atean kateatu denetako batek "mespretxu" gisa deskribatu du azterketak euskaraz egiteko eskubidea ez erantzutea. "Ez dugu amore emango", aldarrikatu du.
Elena Etxelet da atean kateatu denetako bat: "Ez dugu amore emanen" @berria pic.twitter.com/cDNxiNsWPY
— Ekhi Erremundegi (@EkhiErremundegi) February 22, 2023
Errektorearen kabineteko kideak Seaskako kideekin hitz egin dute eta bilkura bat proposatu diete: "Bilkura bat proposatu digute, baina ez gara horretarako etorri", azaldu du Santxo Ernagak Seaskako kide batek. Erantzunak nahi dituztela gehitu du.
Gaur egun Bordeleko unibertsitatean ikasten duten Seaskako zenbait ikasle ohi ere hurbildu dira ekintzaileei babesa erakustera.
IB3 telebista publikoaren neurria "katalanaren aurkako erasotzat" jo dute katalanaren normalizazioaren aldeko zenbait eragilek, eta "berehalako zuzenketa" eskatu dute. Zuzendaritza aldaketa izan da berriki kate publikoan, PP eta VOXen botoei... [+]
Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu... [+]
Zientzia-dibulgazioa saritzeko erreferentziazko sariak izan dira CAF-Elhuyarrekoak. Antolatzaileek 31. edizioa martxan zegoela etetea erabaki dute, "sariketa behar bezala egiteko baldintzarik ez dagoelako".
Euskararen normalizazioaren motorrak herri dinamikara bueltatu behar du aurrera egin nahi badugu
Euskararen balizko etorkizunari buruzko ikerketa bat ezagutzera eman da berriki, eta zalaparta eragin du bertan irudikatzen den paisaia beltzak. Asaldamendu hori auzitan jarriz abiatuko dut nire ekarpena. Zergatik da harrigarria datu hori? Zein mundutan bizi gara, gure egoeran... [+]
Euskara badago Bilbon, baina non? Eta zertarako? Nork sortzen du euskarazko kultura, eta nork sostengatzen? Galdera horien aurrean, udalaren azken urteetako erabakiei begira, argiago ikusten da euskara eta kultura bizirik nahi ditugunontzat kezkagarriak diren erabakiak hartu... [+]
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Euskalgintzaren Kontseiluak deituta, Espainiako Auzitegi Gorenak joan den astean ebatzitako sententzia salatzeko prentsaurreko bateratua egin dute Bilbon. Sententzia "euskal gizartearen eta euskal erakundeen borondate demokratikoaren aurkako eraso zuzena" dela... [+]
Lizarrako Udalak udarako antolatu dituen bost musika ikuskizunetan eta beste horrenbeste film emanaldietan bat bera ere ez da euskaraz izanen; datorren astean hasiko diren festen egitarauan haurrentzako ekitaldi bat dago euskaraz programatua, justu, erraldoi eta buruhandien... [+]
Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du... [+]
Gu gara euskara. Euskara gure baitan bizi da. Guk biziarazten dugu. Euskara bizi dugu eta euskarak bizi gaitu. Guk elikatzen dugu eta gu elikatzen gaitu. Euskara gara. Euskara egiten dugunean euskarak egiten gaitu. Guk dugu, euskarak gaitu.
Euskararik gabe ez gara, eta hori... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
Europar Batasuneko estatu kideen gehiengoak atzera bota du euskara, katalana eta galiziera EBn hizkuntza ofizialak izateko eskaera. Finantzazio eta arlo legalean hainbat "zalantza" dituztela plazaratu dute.
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
UEMAk antolatuta egin dituzte kontzentrazioak larunbat eguerdian, Espainiako Auzitegi Gorenaren azken epai euskarafoboaren aurka eta euskararen alde. Euskara “benetan” babesteko “adostasun sendoak” eskatu ditu UEMAk, “euskarak eta euskaldunok... [+]