Eskerrik asko, Patxi

Noizbait Siberiako lurretan ibiltzea zenuen amets, lur haiek zapaldu gabe ustekabean joan zara, ordea, hutsune handia utzita Meatzaldeko jende askoren bihotzetan.

Pyrenaica aldizkariaren ia sorta guztia zenuen etxean, mendi erreportaien bidez urrutira joaten zinelako. Behin esan zenidan munduko gerretan argazkilari izan nahi zenuela gaztetan, baina horren ordez euskal gatazkan murgildu eta urte pila preso izatera eraman zintuela biziak.

Ortuellako La Raleran jaio zinen, oraindik urbanizatu gabe dagoen etxe txiki eta txabolen meatzari auzoan. Mendia eta eskalada maite zenituenez hemendik gertu, Asturiaseko Europako mendietan zenbiltzan beti gustura.

Inguru erdaldunean eta Euskal Herriarekin lotura handirik gabe, nik ez nuen ulertzen zerk eraman zintuen ETAko kide izan eta bi hamarkada baino gehiago kartzelan ematera. Hori galdetu nizun behin ardiekin mendian egiten genituen ibilaldietan. Zuk kontatu zenidan gure etxean bezala zuek ere gerrako galtzaile izan zinetela, eskola nazionalean galtzaileekiko bazterkeria jasan zenutela, frankismo garaiko askatasun falta, euskal ezaugarrien debekuak eta abar. Chéren liburu guztiak irakurriak zenituen eta hura zenuen izar, Txomin aipatzen zenuen batzuetan eta negar malkotan Tturkoz oroitzen zinen baratze osteko zure etxeko bazkarietan.

Inguru erdaldunean eta Euskal Herriarekin lotura handirik gabe, nik ez nuen ulertzen zerk eraman zintuen ETAko kide izan eta bi hamarkada baino gehiago kartzelan ematera

Gure herrian bizitzeak, uneak, zure izaerak eta aldaketarako gogoak eraman zintuzten zure bidea egin eta ondoren etorri zen zigorra jasatera. Lubaki artean, ordea, harremana mantendu zenuen beste alderditan zebiltzan herriko lagunekin eta zubiak apur ez zitezen saiatu zinen bakearen alde zure eskuetan zegoena egiten.

Gertukoentzat, berriz, balio kolektiboak, auzolana, elkartasuna, gazteekiko interesa eta umorea izan dira zure ezaugarri nagusiak.
Oroitzen naiz zein alai zinen zuen etxe zaharreko teilatua lagun artean berritu genuenean. Zein erraz harremantzen zinen kaleko jendearekin, gutxi zeukanarekin eta kartzelako preso sozialekin, eta zein gogoko zenuen gazteei entzun eta dakarten munduaz jabetzea.

Kobazuloetan zenbiltzan gusturen, barrunbetan argia itzali eta hango isiltasunean lehengo meatzariak irudikatzen zenituelako. Hortik Euskal Herriko Bronx deitzen zenion gure eskualdeari, hemen dugun desegituraketa sozialaz jabedun.

Azkenean ez zara Siberiara iritsi, baina ez dago eman duzuna adierazteko oroitarririk, bereziki gure eskualdean aurrera egiteko hainbeste behar den, jende desberdina elkartzeko eta ondo sentiarazteko, ilusio, energia eta indarra.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


2024-03-31 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Eguneraketa berriak daude