ARGIA.eus

2022ko ekainaren 28a

Abolizioa eskatzen duten legeak

2022ko ekainaren 26a

Etxeko langileak gainontzeko langileekin parekatzen dituen legea egiteko asmo dagoela txalotu zuten Madrilen, Espainiako Parlamentuan. Han zeuden langileek esan zutenez, urteetako borroka aldarrikatzeko jo zituzten txaloak. Erabakia oraingoz konpromiso bat da, lege bihurtzeko bide luzea egin behar duena. Eta lege bihurtuta ere, ongi dakite borrokan jarraitu beharko dutela etxeko lanetan egoera latzenetan daudenengana iristeko.

Txaloak entzun ziren ere prostituzioarekin amaitzeko lege abolizionistari bide eman zitzaionean. Bazuten zer txalotu proposamenaren egileek, garaipena zelako egitasmoari bide ematea. Ulertzen dut ere legearen sokakoek urratsa txalo artean hartzea, posizioen lehiak eztabaida politikoak baino indar gehiago duenean, nork irabazi delako kontua.

Txaloak txalo, erabaki hauek ekarriko dutena da garrantzitsuena, eta Atzerritartasun legeak indarrean jarraitzen badu, ezer gutxi edo ezer ez. Paperik gabe lan egiten duten etxeko langileek eskubiderik gabe jarraituko dute. Eta legea ez da arazoa izango proxenetentzat, paperik gabeko emakumeen premiak eta babes faltak berdin jarraituko badu.

Faltan bota dut diskurtso abolizionista etxe barruko langile internen figura onartezinaren aurrean. Gehiegizkoa egiten zait, prostituzioaren gaian bezala ez dudalako lekurik topatzen nire kontraesan, kezka eta zalantzetarako. Baina argi dut marra gorriak badirela, eta errespetatzea lortuko badugu, langileon topagune izan behar direla. Atzerritartasun legea baliatzea langileak mugarik gabe zapaltzeko errazegi bortxatzen den marra gorria da, Gipuzkoako ostalaritzako patronalari galdetzea besterik ez dago. Legearen abolizioa, honetan ez dago beste aukerarik.

Kanal hauetan artxibatua: Emakume langileen eskubideak  |  Prostituzioa

Emakume langileen eskubideak kanaletik interesatuko zaizu...
2022-05-31 | ARGIA
Emakumeen foroa antolatu du Beterri Saretuzek eskualdeko enpresa eraldatzaileen artean

Beterri-Buruntza eskualdeko ekonomia eraldatzailearen sareak Esperientzia Trukeak egin ditu hainbat astez enpresa eta eragileen artean. Zikloa ixteko, emakumeen eskualdeko foroa antolatu dute asteazkenean Andoainen. Ekainaren 16an, bestetik, ekitaldi irekia izango da... [+]


2022-05-31 | Estitxu Eizagirre
Itaiaren jardunaldia | Maitane Urkola
"Emakume langileon bizitza esfera guztietan dago zapalduta"

Itaia Emakume Sozialisten antolakundeak egun osoko jardunaldia egingo du ekainaren 4an Hernanin. Hiru hitzaldi eta kontzertuak izango dira Latxunbeko kirol gunean jarriko duten karpan eta denak ez direla bertan kabituko aurreikusiz, hitzaldiak pantaila bidez jarraitzeko aukera... [+]


2022-05-17 | Leire Artola Arin
Espainiako Abortuaren Lege erreformak ez du jaso hilekoaren produktuei BEZa jaistea

Maiatzaren 17an onartu dute Espainiako Abortuaren Lege erreformaren zirriborroa. Berrikuntza nagusia da hileko mingarriagatik emakumeek hiru eguneko gaixo-agiria eduki ahalko dutela. Bestalde, 16 urtetik gorako andreek ez dute gurasoen baimenik beharko abortatzeko.


2022-04-27 | ARGIA
Garbitzaileek grebak abiatu dituzte Bizkaian eta Gipuzkoan

Garbitzaileen sektorean, grebak abiatu dituzte aste honetan Bizkaian zein Gipuzkoan. Gipuzkoako Foru Aldundiko eraikinetako garbitzaileek astelehenean abiatu dute greba, beren eskakizunak bete ezean maiatzaren 7a arte luzatzeko asmoz. Bizkaian asteartean eta asteazkenean... [+]


Irakurrienak
ASTEKARIA
2022ko ekainaren 26a
Azken albisteak
Argia buletina
Egunaren laburpena
zure e-postan
Eguneraketa berriak daude