Maien zibilizazioan inkrustazioak egiteko ohitura hori zabaldua zegoen nobleen artean: prozesua oso mingarria omen zen, baina, berriki, hortz zulatuetan bitxiak itsasteko erabiltzen zuten zementua aztertu dute, eta ondorioztatu dute praktika horren helburua ez zela soilik estetikoa.

Journal of Archeological Science aldizkarian jaso dutenez, itsasgarri hura, besteak beste, pinu erretxinaz eta menta olioz egina zegoen eta txantxarra nahiz ahoko infekzioak prebenitzen laguntzen zuen.