Pobrezia energetikoaren aurkako manifestazioa egingo dute Bilbon larunbatean

  • Martxoaren 26an mobilizazioa deitu du Sakeoari ez, energia eskubidea dinamikak. Pobrezia energetikoaren salaketa kalera aterako dute, eta arazoaren aurrean urgentziazko neurriak har ditzaten exijitu.


2022ko martxoaren 25an - 09:17
Argazkia: Ecuador Etxea

“Argiaren prezioaren hilabeteroko gorakadei aurre egiten ia urtebete daramagun honetan, errekor berriei eta maximo historikoei buruzko albisteak kasik ohikoak bilakatu dira. Atzera begira jarriz gero, ohartu gaitezke duela urtebete ordaintzen genuenaren bikoitza ari garela ordaintzen. Ondorioz, geroz eta zailagoa egiten ari zaigu hilabete bukaerara iristea”.

Testuinguratze horrekin hasi zuen jendaurreko irakurketa Sakeoari ez, energia eskubidea dinamikak, ostegunean Bilbon egindako prentsaurrekoan. Otsailaren 18an egin zuen lehen agerraldia dinamikak, bere burua aurkeztuz eta martxoaren 26an pobrezia energetikoaren aurkako manifestazioa egingo zutela iragarriz. Hilabete pasa den honetan, berriz egin dute agerraldia, manifestazioa gogorarazi eta herritarrei bertan parte hartzeko gonbita luzatzeko.

Bilbo eta inguruetako hainbat talde ekologistak, sindikatuk, etxebizitza sindikatuk, auzo elkartek eta gazte eragilek osatzen dute dinamika, eta xede argiarekin bat egin dute: pobrezia energetikoa salatzea. Arazoaren aurrean urgentziazko neurriak exijitzen dituzte, otsaileko agerraldian azaldu zutenez: "Alde batetik, argindar-mozketak benetan gelditu daitezen eta argindarraren fakturari aurre egin ezin dioten pertsonen zorpetzea gelditzeko neurriak har ditzaten. Bide beretik, ezinbestekoa da elektriken aberastasunari muga jartzea, besteak beste, nahi dituzten prezioak jar ditzaten oztopatuz".

Bizitzaren garestitze orokortuaren baitan kokatu du energiaren prezioaren igoera dinamikak, ñabartuz gasa edota petrolioa ere izugarri igo direla azken hilabeteetan eta etxebizitzaren prezioak ere maila historikoak gainditu dituela. Dinamikaren arabera, “beharrezkoa da argiaren prezioaren igoera kokatzea sistema kapitalistaren markoan, zeina klase baxuenen pobretzearen eta prekarizazioaren bidez elikatzen eta aberasten den. Arrakala hori geroz eta handiagoa da, eta planetaren eta pertsonen beharrizanen mugak gainditzen ditu”. Gainera, arrakala horrek egiturazko gainontzeko desorekak ere areagotzen dituela azpimarratu dute, pobrezia energetikoa are larriago bilakatuz gazteen, emakumeen, aniztasun funtzionala daukaten pertsonen, pertsona migratzaileen eta egoera irregularrean dauden pertsonen kasuan.

“Oligopolio elektrikoak aberastasunak pilatzen dituen bitartean, milaka pertsonek jateko erosketa egitearen eta argia piztearen artean erabaki behar dute, eta hori onartezina da”. Salaketa kalera eramango dute larunbatean, Sakeoari ez! Energia eskubidea! Argiaren prezioaren igoeraren aurrean, denok kalera! lelopean egingo den mobilizazioaren bitartez. Manifestazioa Arriagatik abiatuko da, 18:00etan.

 


Kanal honetatik interesatuko zaizu: Pobrezia
Etxebizitza bazterkeriak gora egin du Nafarroan

Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.


2024-01-10 | Euskal Irratiak
%10 hazi da Iparraldean Hazkurri Bankuak jaso duen elikagai galdea

Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.


Lanbiden dirulaguntzak eskatzen dituztenak jomuga dituen kontrol unitatea sortu dute

Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]


Nafarroako Erriberan pobrezia arriskua iparraldean baino %40 handiagoa da

Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]


Eguneraketa berriak daude