Gure fikzioa, lehena?
aurre egingo dieten hedabide independenteak
Gustatuko litzaidake lerroburuko galdera ikurra hortik desagerraraztea edota ipini beharrik ez izatea, baina zoritxarrez udazken honetan jasan behar izan dugun autopublizitate kanpainaren leloa besterik ez delakoan nago. Bestela, zertarako ipini? Hala balitz inork ez luke abizen horren beharrik horrela dela baieztatzeko. Oro har, gizarteak aspaldi egin beharreko zerbaiten berreskuratzea bezala ikusi du. Urte luze batzuetako lehortearen ondoren badator berriz ere fikzioa ETBko pantailara. Eta hori ospatu egiten dugu gainera. Normaltasunetik zeinen urrun garen, beste adierazle bat. Eta salbuespenetik ez gaude libre, ez baita ziurra horrek segida izango duen. Zeren izango balu dagoeneko izango genuke datorren urterako telesailen berri, halako ekoiztetxea ari dela casting
"Urte luze batzuetako lehortearen ondoren badator berriz ere fikzioa ETBko pantailara. Eta hori ospatu egiten dugu gainera. Normaltasunetik zeinen urrun garen, beste adierazle bat"
berri bat prestatzen, telesail berriak aurkezteko deialdiak egin direla… Gure inguruan halakoen gaineko zurrumurruak berehala zabaltzen dira eta oraingoz txintik ere ez. Tira, edozein herritan normaltasunaren barruan kokatuko litzatekeenak gurean opari bati ematen zaizkion txaloak jasotzen ditu. Ez gaitzaten engaina, gure fikzioa ez da lehena, inondik ere ez.
Neuk eta garai bateko nire lankideak behin eta berriro errepikatzen genuena datorkit oraingoan ere gogora. Ezagutzen eta gertuen genituen ereduei begiratuz gero, haiek atal bat egiteko zuten aurrekontuarekin guk telesail osoa egin behar izaten genuen. Eta gainera, garai haietan ez zegoen egun dagoen eskaintza eta atal bat ikusterakoan ikusleak ez du hori kontutan hartzen, baina homologazioaren mamua hor egon da beti, orduan eta orain ere bai. Aldea nabaria zen eta da, gaur ere. Batere meriturik kendu gabe, noski, udazken honetan ikusi ditugun telesailetako egileek egin duten ahaleginari, guztiz txalogarria.
Beraiek ez dute aitortuko, ezin baitzaio hozka egin jaten ematen dizun eskuari. Baina esan beharrik ere ez daukate. Lerro hauek idazterakoan, Altsasu ikusi gabe oraindik, Alardea eta Hondar ahoak egiteko ekoizpen baldintzei erreparatuz gero eskasia nabaria da. Adibide bat ipintzearren, nola ulertu Alardea-ko azken atalaren sekuentzian, emakumeen konpainiak desfilatzen duen horretan alegia, konpainia dozena bat emakumek besterik ez osatzea? Nahiz eta dena plano motzetan kontatu. Ez dut lekurik eta baimenik adibide gehiago ipintzeko, baina egon badaude.
Talentua sobera dugu, hobetu ditzagun ekoizpen baldintzak. Euskal ikusleak ez du gutxiago merezi.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Komisaldegian paper batzuk eman dizkidate. Izerdi tanta bakarra dakit bekokian behera bularreraino, piztu aire girotua, mesedez. Parrandan ondoegi pasatzearen asuntoak, hurrengo goizean galdutakoak salatu beharra. Inozo aurpegidun munipa batek hurrengo asterako zita eman ahal... [+]
Lau hilabete daramatzagu greba mugagabean, hitzarmen propio baten eta lan-baldintza duinen alde. Lau hilabeteko greba honetan, udaltzainek piketeetan bortizkeriaz zapaldu gaituzte, hirian jarraitzen gaituzten eta mobilizazio bakoitzean zelatatzen gaituzten polizia... [+]
Urtebetetzeek eta urte aldaketek pilaketa bidezko eragina dute: alegia, banaka, gertatzen direnean, nik ez dut ezer sumatzen. Urtebetetzeetan, ondo xamar egin badut segundo batzuez olgatzen naiz (nire baitarako), nire garunaren zati batek ezin dio utzi zoriontzen dutenean... [+]
Etxe pareko lokala itxita, obretan, zerbait berria irekiko dutelako susmoa. Ez da izanen mertzeria bat, ez eta loradenda bat. Kasurik onenean taberna bat, ohikoa, auzokoa, eta txarrenean gastrobarra edo specialty cafe bat. Ez duzu dirurik bost euroko kafea erosteko. Ez duzu... [+]
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Euskararen normalizazioaren motorrak herri dinamikara bueltatu behar du aurrera egin nahi badugu
Gaztetxo bati lehen mugikor adimentsuak eskaini beharko liokeena zer izan beharko litzatekeen hasi naiz pentsatzen. Nork daki, beharbada ordenagailuetarako Luberri edota Txikilinux sistema eragile libre euskaldunak sortu ziren bezala, mugikorretarako garatu liteke Linage... [+]
Inoiz Erdi Aroko etxe museifikaturen batean egon bazarete, etxeko altzarigintza egurrezkoa, berniz ilunekoa eta dekorazio landuarekin egina zela konturatuko zineten. Eta etxearen dekorazioari dagokionean, deigarriena da zeinen altzari gutxi zituzten edozein gela motan, baita... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Uda honetako erronka omen sare sozialetan: kaka egitea igerileku publikoetan. Ohikoak dira jokabide zikinak sare horietan, eta batzuek beren gorotz fisikoa libratzea, ororen begi-bistan eta eskura, honezkero gaina hartu digun zikinkeria digital erraldoia hezurmamitzea besterik... [+]
Liburuak hasi, utzi… begietatik garunera nagi doaz esaldiak, eta itzali ezin dudan tik-tak bat entzuten dut. Ikus-entzunezkoak pikatzen ari naiz.
Entzun dut burpee, eta Llados, eta body count, eta nahi duzulako zara pobrea, eta Milei, eta Thiel, eta unibertsitatea... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
Euskararen balizko etorkizunari buruzko ikerketa bat ezagutzera eman da berriki, eta zalaparta eragin du bertan irudikatzen den paisaia beltzak. Asaldamendu hori auzitan jarriz abiatuko dut nire ekarpena. Zergatik da harrigarria datu hori? Zein mundutan bizi gara, gure egoeran... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
