Jainkoaren izenean
aurre egingo dieten hedabide independenteak
Apal-apalik: Benetan? (Jakinik ere EAJri botoa ema(te)n diozuenak asko zaretela, eta autokritika eta apaltasuna arrunt ezohikoa dela gainerako politikari gehienen artean ere). Baina benetan, Iñigo, Apal-apalik?
Jaungoikoaren eta gizartearen aurrean: Jainkorik ez dago, kopon! Dagoena da asmatu, eraiki eta gainean ezarri diguten gizonezko-bizardun-zuri-hetero-kristau-pekatubanatzaile bat. Eta gauzak horrela, lehendakaria Haren ordezkaria Lurrean dirudi. Bestalde, Jaungoikoaren atzean jarritako gizarteak gehiago dirudi jaungoikoaren existentzia eta gorentasunaren atzizki bat demokraziaren oinarria baino.
"Jaungoikoaren atzean jarritako gizarteak gehiago dirudi jaungoikoaren existentzia eta gorentasunaren atzizki bat demokraziaren oinarria baino"
Eusko-lur gainean zutunik: tumatxa zen “zutunik” hura niretzat, ze tamala, domaia eta pena. Eusko-lur antzinako eta gotor horrek eutsi dio makurtu gabe behintzat. Hik eutsiok indartsu, Iñigo.
Eta Gernikako haritzaren azpian: txiolari batek esan du lurralde oreka bilatu duela Urkulluk gobernu osaketan: sailburuetarik 6 bizkaitar, 4 gipuzkoar, arabar 1 eta madrildar 1. Beraz, lurralde orekan, uste dut itsasodun probintziez ari zela. Azkenean derby-derby-a hori da. Arabarrok han gaude, beti gisan, sagardotegira goazenean bezala: gabatxo eta madrildarren tropelean, inoiz ez digute kupel onik irekitzen.
Asaben gomutaz: Seguru, baina seguru-seguru super seguru, arbasoek Gernikako arbolan parrandak ere egingo zituztela bilkuren ondoren. Aiii asabek burua altxatuko balute... A ze asperra! Egungo gazte gaixoak pandemia zabaltzearen errudun, Murga sailburu ohiak abisu emanik txertoa etorrita ere lehen bezala bizitzerik ez pentsatzeko...
Herri-ordezkari zareten zuen aurrean: Bai, baina herriaren %49k ez zien ordezkari horiei botorik eman. Ez dakit, beharbada, herri-ordezkari hitza ordezkatu beharko genuke. Erdi-ordezkari?
Nire agintea zintzo beteko dudala zin dagit: Hona gasteiztar ekarpen demasako bat, Gasteizko Aihotz plazako zina, plazan bertan harrian zizelkaturik dagoena: “Lehendakariak herri honen auzi, eskubide, salbuespen eta askatasunak oro defendituko ditu, eta hala ez balegi, hitza beteko ez balu, burua moztu diezaiotela Gasteizko aihotzaren zorrotzaz”.
Badakit ustelkeriaren aurkako neurri gogor samartxoa dela, tira, legealdi batean aproba egin genezake, ea zenbat buru saskiratzen ditugun.
God bless Euzkadi.
Munduko zilborrik pelusarik gabekoenetik,
omen.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Telesforo Monzon laborategiak antolatutako uda eskolak euskararen etorkizunaz gogoeta egiteko plaza beroa ekarri zuen Bergarara. Hasieran, Garikoitz Goikoetxeak eta Olatz Altunak euskararen egungo egoera eta etorkizuneko joerak marraztu zituzten, eta horren gainean aritu ziren... [+]
2018ko uztailean, CAF Beasaingo enpresa batzordeak lehen aldiz eskatu zion ofizialki CAFeko zuzendaritzari Jerusalemgo tranbiaren esleipen konkurtsoan ez parte hartzeko. Momentu horretan egoerak gaurkoarekin zerikusirik ez bazuen ere, ohiko trenbide batetik harago, proiektu hori... [+]
Mundua Israel Gazan egiten ari den genozidioaren hondamendira begira dagoen bitartean, kolonoen mugimenduak eta Israelgo armadak triskantzak egin dituzte Zisjordanian eta Ekialdeko Jerusalemen. Ondorioz, palestinar gisa han bizitzea eguneroko borroka bihurtu da, biziraupenekoa:... [+]
Dena aldatu da urriaren 7an Al-Aqsa Uholde Operazioa hasi zenetik. Palestinarrok utzi diogu biktima perfektuen eta terroristen arteko nahasketa izateari, batzuek konturatu nahi ez dutela dirudien arren. Irudi lazgarrien gaindosiak, azkenik, masa handien enpatia erreala eragin du... [+]
Asteburu honetan jakin dugu, Palestinarekin Elkartasuna plataformako kideen bitartez, Israelek 33. FCI/IGP Munduko Txapelketan parte hartu duela, Gasteizen ospatu den nazioarteko txakur lehiaketa batean. Duela egun batzuk izan genuen txapelketaren berri, baina Israel ez zegoen... [+]
Badira egun batzuk Instagrameko @denuncias_euskalherria kontuan argitalpen bat agertu zela. Bertan, ama batek adierazten zuen bere alaba Bernedoko euskal udalekuetan egon zela hamabost egunez eta talde mistoetan dutxarazten zituztela 13-15 urte bitarteko nerabeak, aukerarik eman... [+]
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Jakina da poliziari esku sartzeak beti dakarrela arrisku nabaria. Bere garrantziagatik eta seriotasunagatik, kontuz aztertu beharra eta larria denez, terminologia-trabarik gabe, badaezpada.
Duela aste batzuk Ertzaintzak Azpeitian egindako esku hartzeak, bertako herritar askok... [+]
The Searchers filma ari ginen ikusten. Western bat, klasiko bat. Indioek Texaseko familia bati eraso egin eta bahituta eramango dute alaba. John Waynek urteak emango ditu indio gaiztoen atzetik alaba hura erreskatatu nahian. Filmak, bistan da, ez du kontatzen nolakoa zen Amerika... [+]
Ordenagailua piztear nintzela, eta udako azken eskaera bailitzan, “amatxo, kontatu artikuluan gaurko karreran ze ondo ibili naizen” eskatu dit txikiak. Kontatu diot trenei buruz hitz egin behar nuela gaurkoan, ez etapen amaierei buruz edota Palestinako banderek izan... [+]
Radical futures diseinu espekulatibora zuzentzen den estudioak aurkezpen interesgarri bat partekatu du: A quick guide to the mythologies driving tech power (gida azkarra teknologien boterean daudenak gidatzen dituzten mitologien inguruan). Bertan diote Silicom Valleyko eliteak... [+]
Nahiz eta, entzun dudanez, hala deitzen dioten gertuko herri batekoek. Mugako biztanleok izaera jakin bat omen dugu; nabaritzen omen zaigu inguru horretakoak garela, esaterako, irundarroi. Ba omen dugu zera berezi bat. Ez dut gehiegi sinesten kontu horietan, ondoren zera hori ez... [+]