Durangoko Azokaz
Behin entzun nion Harkaitz Canori badela jendea Durangoko Azokan besterik existitzen ez dena. Eta jende horregatik joaten naiz ni urtero, hain zuzen ere. Badakit nor non aurkitu. Badakit zertaz hitz egingo dugun. Urtetik urtera elkarrizketei heltzen diegu denbora pasatu izan ez balitz bezala. Bizitzaz, maitasunaz eta poesiaz hitz egiten dugu maiz, gauza bera eta bakarra balira bezala. Ez dut libururik erosten apenas, gauza arraroen bat gehienez ere. Diskoak bai, Spotifyn dena badago ere, gustatzen zaidalako esku artean izatea letren liburuxka. Ez naiz erostera joaten. Egitarauari ere ez diot gehiegi erreparatzen. Heterodoxoa naiz honetan ere. Ez nau gehiegi ardura jende gehiago edo gutxiago dagoen, zer saltzen den eta zer ez, nor dagoen sinatzen eta nor ligatzen. Kulturaz enpo bizi naiz urte osoan zehar. Hamabi hilabetez joaten naiz euskarazko antzerki lanak ikustera. Euskal poeten liburu guztiak irakurri ditut, bi aldiz onak badira eta behin txarrak badira. Durangoko Azokara joatea maite dut saraoa den aldetik. Lagunen arteko hitzordu bilduma bat.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Urte bat bestearen ondotik, 87 urte joan dira astelehen lazgarri hartatik, apirilaren 26 hartatik; azoka eguna Gernikan, heriotza eguna. Suzko eta berunezko egunak eta urteak ondoren. Hildako ugariren gainean porlana eta isiltasuna. Porrota eta sufrikarioa. Nortasun debekatua,... [+]
Garai batean nire ustez naftalinaz gainezka zeuden esaldiak erabiltzen hasia naizela antzeman dut. Zahartzen ari naizen seinale ote? “Osasuna badugu behintzat-eta, gustura egoteko moduan gaude!” edo “gure garaian jan ez, baina barre...”. Eta tristuraz... [+]
Azken hamarkadan, EAJk hiru harrobitatik datozen kargu publikoen esku utzi du Eusko Jaurlaritzako sailen kudeaketa. PwC eta Andersen bezalako aholkularitza-enpresetan aritu zen talde bat nabarmentzen da. Beste talde garrantzitsu bat karrerako funtzionarioek osatzen dute... [+]
Ramadana bukatzear zela sortu zen zalantza irakasleen artean: familia musulmana duten ikasle batzuek adierazia zuten, ramadanaren amaieraren ospakizuna zela eta, ez zirela egun horretan joanen gelara. Ekintza horren bidez –aipatu zuen irakasle batek– argi gelditzen... [+]