G7 eta bere munduaren kontra kalera!

G7 bilduko da Miarritzen, beraz Euskal Herrian, heldu den agorrileko 24, 25 eta 26an. Oraindik politikoki ukatua, zatitua eta bere burujabetza aldarrikatzen duen herri batean. Sistemari erresistentziak, elkartasunak bizirik irauten duen eta alternatibak sortzeko esperientziak ugari diren lurralde batean.

Miarritz herriarentzat G7 bertan biltzea aukera ederra dela erraten dute Iparraldeko hautetsi eta jendarteko sektore batzuek, ekonomikoki eta publizitatearen aldetik. Nola pozten ahal da handi-mandien etorreraz? Nola txalotu Macronen komunikazio operazio itxura hartzen ari den gertakari hori? Edota Trump bezalako buruzagi ero baten bisita, klima aldaketa ukatzen duena, diskurtso arrazista garatzen duena, gerla komertziala sustatzen eta nazioarteko tentsioak akuilatzen dituena? Gailur horrek oroz gainetik ekarriko duena astez aste agertuz doa, antolaketari buruzko informazioak filtratzen diren araberan: militarizazio eta setio egoera, poliziaren bortizkeriaren arriskua, herritarren joan etorrien mugatzea, eskubideen behin behineko murrizketa, manifestatzeko eskubidea, besteak beste.

Euskal Herri osoko 35 herri mugimendu, sindikatu eta ezkertiar alderdiek G7 EZ! plataforma osatu dute
eta G7-ren etorrera
Euskal Herrian bestelako
mundu baten urgentzia aldarrikatu eta erakusteko parada izan dadin
lanean hasi dira

G7-k historikoki inperialismoaren bizkar hezurra osatzen duten herriak biltzen ditu. Talde hertsi eta esklusiboa da. Modu informalean, munduko agendan eragiteko sortu zen, baina hasieratik bertatik klase dominanteen eta multinazionalen interesak zaindu eta babesteko egina izan da. Gailur horrek interpelatzen gaitu, nahitaez, tokiko agenda politikotik harago, herritar gisa, ezkertiar gisa, abertzale gisa, ekologista gisa, antikapitalista gisa... Ez da duda izpirik munduko buruzagi nagusiei kontra altxatzea bidezkoa bezain beharrezkoa izanen dela, injustizien emendatzea, nazioarteko tentsioak eta ingurugiroaren erronka larriak ikusirik. Jendarte zibilaren funtzio nagusietatik bat da herriaren boza entzunaraztea, gobernuek, hauteskundeen bitartez hautaturik ere, gaizki egiten dutena edo egiten ez dutena salatzeko, egin beharko luketena aldarrikatzeko.

Euskal Herri osoko 35 herri mugimendu, sindikatu eta ezkertiar alderdiek G7 EZ! plataforma osatu dute eta G7-ren etorrera Euskal Herrian bestelako mundu baten urgentzia aldarrikatu eta erakusteko parada izan dadin lanean hasi dira, nazioarteko beste eragile batzuekin elkarlanean. Estatu nagusi horien politikak salatzeko eta berehalako neurriak exijitzeko arlo desberdinetan: izan desberdintasun sozialak, klima aldaketa, arazo ekologikoak, paradisu fiskalak edota emigranteen kontrako politikak. Baita kapitalismotik harago, beste logika, lehentasun eta alternatibak aldarrikatzeko eta herrien autodeterminazio eskubidea defenditzeko ere.

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


2024-03-31 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Eguneraketa berriak daude