Kondairak dionez, duela 2.000 urte baino gehiago, gau batez, Qin Shi Huan Txinako lehen enperadoreak Ilargian zegoela amets egin zuen.
Handik ikusita erresuma berria ahula eta kaltebera iruditu zitzaion, bereziki iparraldeko muga zabalean. Biharamunean erabaki omen zuen hantxe babes artifizial bat eraikitzea eta horrela sortu omen zen Txinako Harresi Handia.
2.000 urte geroago, kondaira horretako elementuak nahastuta, legenda urbano bitxia sortu zen: Txinako Harresi Handia da begi hutsez Ilargitik ikus daitekeen gizakiek eraikitako egitura bakarra. Ilargia zapaldutako astronauta guztiek kategorikoki –eta maiz iseka ukitu batez– gezurtatu arren, legenda oso zabaldua dago oraindik.
Pasa den urtarrilean, Yuk Hui filosofoak hitzaldi bat eskaini zuen –solasaldi bat, hobeto esanda– Donostiako Tabakaleran. Azken urteotan oihartzun handia izan du haren lanak, eta goraino bete zen aretoa. Besteak beste, monoteknologismoaren pentsamendu-ildoa kritikatu... [+]