Klasizismoak hartu du Bilbo
Bilboko Aste Nagusiak aukera bikaina ematen du urtero antzinako doinuez gozatzeko, Gizakunde elizako testuinguru paregabean. Aurtengo edizioko zortzi kontzertuen artean, La Ritirata taldearen emanaldia azpimarratzekoa da, klasizismo garaiko piezak jo baititu, orain dela 200 urteko musika tresnen gisakoak erabilita. Ordu eta laurden pasatxoko emanaldia izan da, entzuleak gustura uzteko modukoa.
Josetxu Obregon bilbotarrak gidatzen du La Ritirata. Kontzertuaren ezaugarrien arabera, formazioa aldatu egiten dute: Bilbon soka laukoteak jo du. Hiko Kurosaki japoniar jatorriko austriarrak eta Miren Zeberio tolosarrak biolinen ardura izan dute. Daniel Lorenzo espainiarrak jo du biola eta Josetxu Obregonen esku egon da biolontxeloa. Klasizismoaren garaiko ezaugarriak dituzte tresnek, ez dira gaur egunean erabiltzen direnak bezalakoak. Esaterako, biolontxeloak lurrean ezartzeko ziria falta du eta tresna altzoan hartuta jo behar da, duela bi mende bezala.
Errepertorioak hiru zati izan ditu, bakoitza musikari bati eskainia. Lehenik eta behin, klasizismoko konpositore ezagunenetako baten, Joseph Haydn austriarraren, doinu gozoek hartu dute Gizakunde eliza. Klasizismo bete-betean sartzen dira 1790eko hamarkadan sortutako pieza horiek.
Kontzertuaren bigarren zatiko doinuak, ordea, klasizismoaren hastapenetako estiloaren erakusgarri dira. Luigi Boccherini italiarraren 1790eko hamarkadakoa musika alaiarekin gozatzeko aukera izan dute entzuleek. Hirugarren zatiak biribildu du emanaldia, Juan Crisóstomo Arriaga bilbotarraren doinuei esker. Klasizismotik erromantizismorako bidean diren soka laukoterako piezak, konpositorearen jaiotetxetik metro batzuetara jo ditu La Ritiratak, seguruenez Arriagak berak ondo baino hobeto ezagutu zuen elizan.
Aste Nagusiko ziklo honetan ohikoa denez, jendez lepo egon da Gizakunde eliza. Eserleku guztiak bete dira eta zutik entzun dute kontzertua dozenaka lagunek. Amaieran, txaloak lau musikarientzat. Hauek, esker onez, programatik kanpoko pieza bat jo dute, Boccheriniren Pasacalle de la musica notturna delle strade de Madrid.
Entzuleak gustura, eta, La Ritiratako laukotea ere, izerditan blai baina kontzertu gustagarria eman izanaren sentsazioarekin etxeratu da. Madrilgo kontserbatorioan dabil Josetxu Obregon eta harentzat berezia da jaioterrira itzultzea.
Aste Nagusiaren barruan, abuztuaren 23an, Bilboko Gizakunde elizan eskainitako emanaldia. Euskal Herrian hurrengo hitzordua irailaren 9an izango dute, Lizarrako Antzinako Musikaren 47. Astean. Hil honetan bertan plazaratutako
Antonio Caldara: The Cervantes Operas diskoko piezak aurkeztuko ditu han La Ritiratak.
Wallball txapelketa abuztuaren 27tik 30era jokatuko dute. Euskal Herritik aparte Argentina, Belgika, Erresuma Batua, Valentzia, Herbehereak eta Puerto Rico herrialdeek hartuko dute parte.
"Gehiengoa lortzen badugu, gobernua berretsiko dute; bestela, erori egingo da", adierazi du Frantziako lehen ministroak. LFI Frantzia Intsumisoak, Frantziako Alderdi Komunistak, ekologistek, Alderdi Sozialistak eta RN Batasun Nazionalak, ordea, dagoeneko jakinarazi dute... [+]
Fitxa: Musika Hamabostaldia. Kursaal Zikloa. Espainiako Orkestra Nazionala.
Zuzendaria: David Afkham.
Egitaraua: Wagnerren ‘Der Ring ohne Worte’ (Lorin Maazelen moldaketa). Lekua: Kursaal Auditorioa.
Data: abuztuaren 22a.
---------------------------
Oraingo... [+]
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
639 'minipisu' ari dira eraikitzen Barakaldon, BEC erakustazokaren aldamenean. Udal ordenantzak aginduta, hotel erabilera eman behar zaio espazio horri, baina "alokairu malgua" dela dio Be Casa-k. Egun batzuetako alokairuetatik hasi eta "hilabete batzuetarako... [+]
Candela emakumeen elkarteak eta PSNk eskatu dute argazkia kentzea eta udalak argitaratutako materialetan kontrol handiagoa egotea, ez egoteko estereotipo sexistarik.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
IFOP institutuak eginiko ikerketa ezaguratarazi du Eskualde eta Herri Solidarioen Federazioak Korsikan, eta ondorioztatu dute Frantziako Estatuan biztanleen erdiak nahiko lukeela bere eskualdeak autonomia handiagoa izatea.
Bost sexologoren formazioa jasoko dute Nafarroako hamabi ikastetxetako irakasleek: sexualitatea ikasleekin lantzeko edukiak eta proposamen pedagogikoak eskainiko dizkiete. Skolae programaren segida izango da, nolabait.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Logikoena zen, uztailaren 26ko lehen zaplazteko argiaren ondoren. Baina abuztuaren 23ko bigarrenak ihesbide politiko ia guztiak itxi dizkio Lairen gobernu taiwandarrari. “Gogorarazpen bozketan” beren hautetsi-tasuna gal zezaketen oposizioko Kuomintageko zazpi... [+]
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Euskarak urte luzeetan ezaguturiko zapalkuntzaren ondorio larriak, frankismoaren errepresio itogarriak, baita gure hizkuntzarekiko erakutsi zuen jarrera erasokorrak ere, piztu zituzten herri honen euskaldungoaren kontzientzia eta oldarra. Eguneroko esperientziaren egoera larriak... [+]
Jeffrey Kruse buru zen Defentsa Departamentuko inteligentzia zerbitzuek eginiko txosten baten arabera, AEBek Irango gune nuklearrei eginiko erasoek ez zuten Teheranen gaitasun nuklearra "guztiz suntsitu", bizpahiru hilabetez atzeratu baizik. Trumpek, ordea, adierazi zuen... [+]
473 plaza eskaini dituzte eta 84 ez dira bete. Lehen Hezkuntzan, aldiz, ia lanpostu guztiak bete dira.