Paul Laverty gidoilari britainiarra atxilotu dute Edinburgon, Gazako genozidioaren aurkako kamiseta eramateagatik
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Keir Starmer Erresuma Batuko lehen ministroaren gobernuak Palestine Action erakunde terroristen zerrendan gehitu zuenetik, erabaki horren eta Gazako genozidioaren aurkako protestek herrialdea astindu dute. Istilu horietan parte hartu duten manifestariek pairatutako errepresioa nabarmena izan da, Poliziak ehunka manifestari atxilotu baititu azken hilabetean: esaterako, abuztuaren 9an Londresen Komunen Ganberaren aurrean eginiko protestan gutxienez 700 lagun atxilotu zituzten. Ez da kasualitatea Starmerrek erakundea legez kanpokoa izendatu izana: Palestine Actionek xede du Erresuma Batuko Gobernuak Israelekin duen harreman militar oro seinalatzea, indarkeriarik gabeko ekintzen bidez.
Israelek hil dituen Gazako palestinarren kopurua –gutxienez 62.000 lagun, Gazako Osasun Ministerioaren arabera– gero eta altuagoa den heinean, Palestine Actioni babesa adierazteko manifestazioetan britainiar gehiago parte hartzen ari dira. Aski ezagunak diren hainbat aurpegi ere ikusi ahal izan dira istiluetan, baita Poliziaren errepresioa pairatu dutenen artean ere: azken kasua Paul Laverty gidoilariarena izan da, Edinburgon astelehenean eginiko protesta batean atxilotu baitute "Genozidioa Palestinan. Ekintzetara jotzeko garaia da" zioen kamiseta eramateagatik. Terroristatzat jotako erakundea babesten duen esaldia izatea egotzita, bizpahiru orduz atxilo eduki dute; azkenean aske utzi dute, baina irailaren 18an epailearen aurrean deklaratu beharko du.
Ken Loach zuzendariarekin batera eginiko lanengatik sari ugari jaso ditu gidoilari eskoziarrak –Cannesko zinema jaialdiko bi Urrezko Palma, besteak beste–. Hain zuzen, Loach eta Laverty izan dira zinema britainiarrean Palestinarekin elkartasun mezu gehien zabaldu dituzten aurpegietako bi: joan den astean, Edinburgoko zinema jaialdia zela baliatuz, zuzendariaren ekoiztetxeko –Ken Loach Sixteen Films– hainbat langilerekin batera Palestine Actioni babesa adierazi zioten, sare sozialetan zabaldutako argazki batean. Besteak beste, Sally Rooney idazle irlandarrak ere jakinarazi du Palestine Action elkarteari donazioak egingo dizkiola.
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Gaza Hiria osorik okupatzeko onartu berri duten planaz kezkatuta, milaka israeldarrek Benjamin Netanyahu Israelgo lehen ministroari exijitu die Hamasekin akordio batera iristeko "gerra amaitu" eta zerrendan dituzten bahituak aske uzteko. Herrialdeko lehen... [+]
Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]
Hildako kazetarietako bat Anas al-Sharif da, palestinarren genozidioa zerrendatik kontatzen dutenen artean ezagunenetako bat. Al Jazeera hedabideak adierazi du Israel errudun dela Gazako sarraskia barnetik azaleratzen duten kazetariak nahita hiltzeagatik, eta horrela sarraskia... [+]