ARGIA.eus

2022ko urtarrilaren 22a
'Altza porru!' Jakoba Errekondoren liburu berria

Baratzearen sekretuak komikietan argituta

Itsaso Zubiria Etxeberria @itsasozubiria
2016ko ekainaren 05a

Baratzezaina ereindako lehen ilar-landarearen zain bezala daude Jakobitak liburu berriaren esperoan. Noiz aterako. Bizi Baratzea best seller-a Durangoko Azokan erosi eta hurrengo asteetan osorik irentsi zuten, eskualdean Jakobak berak hitz egin duen aurkezpen guztietara joan dira, eta orain gehiagoren beharrean daude. Bada ekainarekin batera izango da kalean, ARGIAren eskutik, beren gosea aseko duen liburua.

Altza porru! baratzeaz eta horrek inguratzen duen jakintza guztiaz zortzi marrazkilarik ilustratutako komiki-liburua da. Bizi Baratzea-rekin hasitako bideari jarraipena emango dio hizkuntzarekin jolastuz, ironiatik eta umoretik.

Baratzeak kulturaren atalak biltzen dituela esan ohi da. Batzuek ikusten dute artea, besteek arotz edo mekanikoaren eskua, matematika, sukaldaritza... Ortua omen da eremu askotako ataria. Eta itxura denez komikigintzarena ere bai, edo komikigintzatik landu daiteke behintzat; eskuaren artea.

Asisko Urmeneta, Ainara Azpiazu “Axpi”, Antton Olariaga, Zaldieroa, “mattin” martiarena, Josevisky, Unai Iturriaga eta Unai Gaztelumendi dira komikilariak. Jakoba Errekondo aritu da gaia eta oinarria jartzen. Maialen Lujanbioren idatziak ematen dio sarrera eta Idoia Torregarai eta Markel Lizasoainen ukitua estimatzen da.

Liburua mintzo da (testu eta marrazki bidez) ilargiaren gorabeherez, baratzeko elikagai-kateaz, ortuaren inguruko hizkuntzaz eta esaerez... Baina ez diet amaiera zapuztu nahi Jakobitei, eta ez dizkizuet liburuaren sekretu guztiak kontatuko.

Aurkezpen-festarako gonbidapena

Liburuaren aurkezpen-festa ekainaren 16an izango da Karabeleko ekonekazaritza etxalde esperimentalean, Hernanin (Gipuzkoa). Ez da ausaz hautatutako lekua, ARGIAren eta Bizi Baratzearen filosofiari jarraituz, lagun-sareari garrantzia, protagonismoa eta presentzia eman nahi zaio. Lekuak ere produktuaren esentziarekin bat egitea nahi da.

Egile guztiak bertan izango dira, beraz, saltsa ziurtatuta dago.

Jakobita maiteok, esan beharrik ez dago guztiok gonbidatuta zaudetela aurkezpenera.

Kanal hauetan artxibatua: Argia Jendea  |  Altza Porru

Argia Jendea kanaletik interesatuko zaizu...
PODCASTA | Txori Urdinak liburuari ahotsa jartzen

Santi Cobosen ahozko testigantzan oinarrituta, espetxearen erretratu bat da Zigor Olabarriaren Txori Urdinak liburua. Santi Cobosek (Leon, Gaztela, 1968) bizitzaren erdia eman du preso. Pairatu ditu torturak, jipoiak, muturreko isolamendua, FIES sailkapena; burutu ditu ihes... [+]


2021-11-07 | Estitxu Eizagirre
Koldo Rabadan Izagirre | "Bidean" liburuaren egilea
“Markatu nauten ikasleak dira liburu honen oinarria”

Bidean liburua kaleratu berri du Koldo Rabadan Izagirrek ARGIArekin. “Aurrera egin nahi duen irakaslearen dekalogoa” da eta ikasleekin izan dituen pasarteetatik abiatuta kontatzen du egun lanean ari den eskola eraldatzera eraman dituen pausoen oinarriak. Ikasleen... [+]


2021-11-04 | ARGIA
Koldo Rabadan Izagirre | "Bidean" liburuaren aurkezpena
"Akatsak izan behar du ikasteko oinarri, baina zenbatetan onartzen dugu akatsa eskolan?"

Koldo Rabadan Izagirre irakasle eta psikopedagogoak ARGIArekin kaleratu berri duen Bidean liburua aurkeztu du azaroaren 3an Donostiako liburutegi zaharrean. ARGIAko kazetari Estitxu Eizagirreren galderei erantzun die bertan. Sarrera modura, Eizagirrek azpimarratu du Rabadan... [+]


Irakurrienak
ASTEKARIA
2016ko ekainaren 05a
Azken albisteak
Argia buletina
Egunaren laburpena
zure e-postan
Eguneraketa berriak daude