Bertsio bat

Fredi Paia Ruiz
2015eko ekainaren 28a

    1
Apirilak hamazortzi
behe-lainodun basoak
ikasgelan pausoak
ta hiru politikari
gaur heterodoxoak
otzandutako otsoak
esan zutenari buruz
jarri ditut bertsoak    
gordez diskrezioak
isildutakoei buruz
beste sorta oso bat.

    2
Egiguren sozialistak
maite du historia
landu du teoria
alderdirik zaharrenaren
Eibarko memoria!
mailuen prosodia
klandestinitatea zein
lagunen hilobia
liberalen noria
aurreikusiz abertzaleen
ametsen galzoria.

       3
Ibarretxe jeltzaleak
poz ilusioz gainez
Jose Antonio Agirrek lez
AEB-tan “Basque Case” landuz
sortu du mila interes
euskara zein ingeles
Michael Kittyng, Helen Clarck ta
John Adamsen babesez
mintzo da askapen bidez
zergatiak argi ditu
baina zelan egin ez.


       4
Xabier Zubizarreta
hirugarren aingura
euskal hiztun modura
irrati barruko abadeen
garaiez oroitu da
euskalgintza purpura
hizkuntzaren osasuna
gizarte kontestura
mugatzea du gura
norbanakoei kentzeko
zama horren ardura.

            5
Domekaz Lorea Agirrek
Korrika deseraiki
eskatuaz zenbaiti
“bazterretik plazan zehar
erdigunera jaiki!
ahaldunduz emeki
bagara nor ahizpa maite
eginez izan beti
taldetasun aterki!!”
galderak erantzun dira
bihurtzean olerki.

            6
Bakoitzak bere iritzi
bere tra(d)izioa
bere obsesioa
bertso bidez laburtzea
zen nire misioa
testu honen zioa
objektibotasunak du
bere objekzioa
falta du pasioa
nire bertsoena, noski,
da nire bertsioa
nire dibertsioa.

Doinua: Biribila da lurgaina

Bidali zure iritzi artikuluak iritzia@argia.eus helbide elektronikora
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Iritzia

Iritzia kanaletik interesatuko zaizu...
ASTEKARIA
Azkenak
EGILEA
Eguneraketa berriak daude